فيلم هندي
 

#فيلم_هندي


تدري !! وش اللي يا فهد يرفع الضغط
في عالم الكوره .. من أيام جدّي

بقول لك : واسمع ! وخلك على الخط
أما تأيدني .. أو تكون ضدّي


لامن لعبت !! وثمّ خبطت الخصم خبط
تفوز .. بإستحقاق ! وفن ! وتحدّي

تدقه .. !بخمسه وسته على الشرط
طول السنه .. وانته تعشي ! تغدّي


عندك زمام الأمر !! والحل والربط
ورأسه ! مابين الناس ما كان يبدي

#عشرين_عام .. زانطه يا فهد زنط
الين سمّوه .. "الفريق المصدّي"


بطيت حتى اكبود من شجعه بط
من مابهم صاحوا :"أيا فقع كبدي"

مثل الهلال ! ونادي النصر بالضبط
عفواً !! ذكرت أسماء ما كان ودّي

لكنّي !! أشوف الأمر صار به لغط
وحاولت أعدّي !! بس عيت تعدّي


بالغصب ! بالقوة ! وخذلك من الخرط
كلام جاهل .. والبراهين عندي

أهدافكم !! ثلثينها من ورى الخط
والثلث الآخر .. من عميلِ مفدّي


ودلهوم .. يوم انه لقط كورته لقط
بيديه !! وأعيون الحكم به تلدّي

ما صار ببطولتك ! ماقد حصل قط
دفعك رباعي ! دفع زوجي وفردي


وابطولتك صارت كما "زيجة الرهّط"
جابت ولدها ! والنصر قال : ولدي

من عاش في حرمان يستنكر البسط
ومن طار بالعجّه .. لزومِ يهدّي


فقير فكر .. وتعشق الشيل والحط
وانا أحمد الله !! يوم أني شقردي

أربع بعد خمسين !! مانعرف القنط
منته منافس لي .. ومنته بقدّي

بالأربعه زعيمنا ! #شاخطك_شخط
يعني ! حسب مفهومكم "فيلم هندي"

كلممات جميلةة ورائعهه

تسلمم يدااكك ي مبدعنااا

لاخلا ولاعدمم

ودي لك ي قميل

اسعدني مرورك عزيزي امير

لا هنت يالمبدع
عوافي

اسعدني مرورك عشقي عيونــك

:81: استمتع بالقراءة الكلمات يعطيك العافية ننتظر منك الاكثر لا تحرمنا من ابداعاتك :81:

تحياتي العطرة:icon20: