04-19-14, 06:02 PM
| #1 | |||||||||||
  
| 
ازعجني حسبي الله عليه  ... اتقبل بكل صدر رحب انتقادكم نصائحكم عتابكم أي شيء...} البدايه كانت بنت عم زميلتي كانت زميلتي دائما تحكيني عن بنت عمها وشلون تعرفت على صاحبتها عن طريق برنامج للتواصل اصبحو اكثر من اخوات اتفقو على مكان وتقابلو فيه وتبادلو الهدايا والرسايل صارت بنت عمها تزور البنت في بيتها والبنت تيجي عندها يعني علاقتهم صارت اكثر من اخوات وطريقة تعارفهم كانت عن طريق احدى برامج التواصل زميلتي اعجبتها الفكره ودخلت براسها نصحتها كلمتها وجهتها الطريق هذا غلط ومو كل بنت صادقه مو كل مره تسلم الجره ومآآفي أي امل يذكر دام شافت تجربة بنت عمها قدامها فما لكلامي أي اهميه وبالاصح تضحك وتقول : لاتصيرين معقده .. المهم تعرفت بنفس البرنامج على بنت وصارت تكلمها ليل ونهار احيان يخلص رصيدها وتكلمها من جوال امها واحيان من جوالي حكت للبنت كل شي عني وعن امها وعن اهلها كل شي كل شي احيان تتصل علي البنت تطلب زميلتي اقول لها مو موجوده حاليا احسها تبي تسولف معي فما اعطيها أي مجال واقفل السماعه مو معترفه ابد بالعلاقات اللي عن طريق برنامج .. كملت زميلتي سنه معها بس للأسف ماتقابلو ابد هي من مدينه والثانيه من مدينه وامنيتهم يتقابلون بعد سنه ونصف جات الطامه الكبرى والمصيبه زميلتي كلمت البنت وتسولف معها كالعاده طلبت البنت من زميلتي انها تفاتحها بموضوع وطلبت ايضا منها ان تتقبل الموضوع قالت لها : طيب وشو الموضوع تغير صوت البنت وقالت لها : انا ولد خآآآفت زميلتي وصارخت عليه بس وش ينفع وبدا بخرابيطه انا احبك وحبيتك ومدري وشو وتعلقت فيك ويوم تتصلين اترك شغلي واسولف معك قفلت السماعه وهي خايفه ومحتاره وش تسوي وكلما اتصل عليها قفلت السماعه .. المشكله هي ماخبرتني لأن لي منها ثلاث ايام او بالاصح انشغلت بمشكلتها ونسيت انها بيوم اتصلت عليه من جوالي اتصل علي رقم غريب انتي فلانه قلت له منو معي / رد علي خلي فلانه ترد علي قفلت السماعه واتصلت طيران على صديقتي : شسالفه وشلون يعرف اسمي انتي وش سويتي قالت لي السالفه كلها وهي منهاره ودايم يتصل عليها ويقول لها ماراح اؤذيك بشي انا احبك انا انصدمت لاني جد سمعت صوتها بنت شلون صار ولد يعني كان مغير صوته بس شلون لهالدرجه بنت قفلت منها وبديت افكر بحل اول شي طرالي اكلم اخوي وهذي هي الغلطه اللي سويتها كلمت اخوي ولفقت بالقصه شوي ماقدرت اقول له زميلتي لأني اعرفه بيقول اقطعي علاقتك معها قلت له :فيه شخص يزعجني على جوالي وشكله سمع اختي تناديني ولقط اسمي يعني صار يعرف اسمي ويزعجني اخذ الجوال اخوي واتصل على الرقم وطلع الرجال حقير بكل ماتحمله الكلمه من معنى بدا باستفزاز اخوي بس الحمدلله ماقال له عن القصه يقول له / بسئلك وش اخبار فلانه اللي هي انا هي جد صوتها حلو عطني اكلمها عصب اخوي وراح لشركة الاتصالات يبي يطلع الرقم والموقع عشان يتكافخ معه بس مالقي أي فائده كلمت اخوي قلت له اذا تكافخت معه ماراح تلاقي أي اجابه ايش رايك تسوي لي خدمه نلغي شريحتي ونجيب شريحه ثانيه عاد قامت شياطينه وماراح تغيرين شريحتك عشان شخص حقير ومدري وشو كرهت نفسي يوم كلمته فكرت اكلم اخوي الثاني رزين وعاقل ولو كلمته اغير الشريحه اتوقع بيوافق بس المشكله في اخوي الكبير رافض واتوقع لو عرف اني غيرتها بتصير مشكله وانا مابي مشاكل .. زميلتي ماشاء الله عليها ذكيه كسرت شريحتها وشريحة امها بعد كسرتها واعطتهم اخوانها الصغار على اساس هم فتحو الجوال وكسرو الشرايح .. جاني اخوي امس يسئلني اتصل عليك قلت له : لالا ماتصل شكله طفش من كثر مايتصل وما ارد المشكله صار اتصاله ورسايله كثيره مره اسمعيني ومره بس كلمه ومره سخافات مثل حالته انا جد جد تعبت نفسيتي منه مره ارسل لي اخوي مات وانا تعبان / ارسلت له عقبال ماتلحقه النفسيه زففففت ومره كانت نفسيتي حيل حيل تعبانه ويوم شفت اتصاله ارسلت له سيل كبير من الشتايم والدعاوي ومن كثر ماكانت النفسيه صفر راحت الرساله بالغلط للوالد ويوم شفت الرقم رقم ابوي جن جنوني وكلمت امي تجيب جوال ابوي دامه نايم ابي شغله من جواله والحمدلله مسحت الرساله وعدت المشكله على خير .. مشكلتي كتبتها بالتفصيل الممل لأني حيل حيل تعبت منها زميلتي ارتاحت وانا ابتلشت فيه ايش الحل نزلت برنامج يحظر رقمه بس للأسف حظر رقمه بس استقبل رسايل افكر اصارح اخوي الثاني بس اخاف يصير تصادم افكار ومشاكل بينه وبين اخوي الكبير انا قلت لاخوي الكبير بصفة اكبر اخواني وبيغير الشريحه ماتوقعت بيعصب بهالشكل وبيرفض حاليا هو في محاولات عشان يطلع صاحب الرقم ويوم قلت له خلاص ماصار يتصل حسيت فيه بدا يهون او يمكن يتهيأ لي بدا يهون كلمت الهيئه قالت لي تعالي انتي شخصيا عشان نشوف الرسايل اللي يرسلها هو ماقدر اروح لهم ومنو بيوديني وش اقول لاخواني وابوي ابي اروح للهيئه .!! وزميلتي حاسه بالذنب وسئلتني كم مره كنت دايم اقولها يزعجني واشوف وجهها يتغير على وشك البكاء فصرت الحين اقولها لا يابنت خلاص راح الحمدلله انحلت المشكله وهي بالحقيقه المشكله لازالت قائمه اذا ماعندكم أي حل رجاء ارفعو ايديكم وابدأو بسيل من الدعآوي عليه لعل منكم من دعوته مستجابه واخلص منه حسبي الله ونعم الوكيل  | |||||||||||
|
التعديل الأخير تم بواسطة مشكلتي ; 04-19-14 الساعة 06:12 PM |
|
04-19-14, 09:35 PM
| #2 | |||||||||||
| هل يوجد حل او طريقه او فكره او برنآمج او أي شي ...؟؟؟ | |||||||||||
| |
|
04-19-14, 09:51 PM
| #3 | ||||||||||||||
   
|
بنسبه للي مضايقكم هذا ماله حل غير الهيئه هي تعرف كيف توقفه عند حده ولهم طرقهم غير كذا راح تصير للامور للاسواء لو كان حد من اخوانك هو من يبي يوقفه وبعدين اول مره اعرف انو الهيئه تطلب من البنت انها تحظر لعندهم عشان ياخذون الرسائل وماني عارف ايه غالبا يكون في تنسيق بينهم من بعيد لبعيد عشان يوقعون الشخص المطلوب وياخذون كل الصور والرسائل من عنده هو . مو من عندك انتي وع فكره الغلط مشترك بينكم كلكم مو بس هو لكن الله يهدي الجميع | ||||||||||||||
| |
|
04-19-14, 09:58 PM
| #4 | |||||||||||||
| إداري سابق ونجم من نجوم الموقع 
|
مشكلتك بسيطه جداً وحلها بيدك أنتي ولا تحتاج أي معاناه أو تضخيم وتخويف أكبر مما أنتي عليه الآن والحل هو : تتخلين عن شريحة جوالك - تكسرينها أو ترمينها أو تفصلينها نهائياً . أكيد بتقولين ( أخوي راح يزعل ويصارخ ويسوي مشكله لانه عنادي وماسكه في راسه إنها ماتنفصل بسبب شخص حقير ) ولكن أنا بقول لك ( أن أخوك مستحيل يقدر يسوي شيء دامك تخليتي عن شريحتك بإرادتك بسبب شخص كان يزعجك ) .. أما لو ضل رقمك معك ماراح يسكت أو يمل هذا الشاب من الإتصالات ومن الرسائل لك ومع الأيام حتماً ستكبر المشكله وتوقع على راسك في نظر أهلك .. فكري يا أختي بينك وبين نفسك هل هناك حل آخر غير ( التخلي عن رقمك ) وراح تلاحظين لا يوجد هناك حل أبداً .. للمعلوميه / الهيئة في هذا الحال راح تزيد الطين بله وتكبر مشكلتك أكثر وأكثر وخصوصاً في عيون أهلك ، فلهذا اتركي إبلاغ الهيئة يكون آخر الحلول . أتمنى لك التوفيق والنجاح | |||||||||||||
 |
|
04-20-14, 02:05 AM
| #5 | |||||||||||||||
|
والله حل صائد عين الصواب الهيئه بتسويلك سالفه وبتكبر ام السالفه وتزيد الطين بله ترا الشريحه كلها 30 ريال غيريها وافتكي المشكله مرره بسيططه بس غريبه علاقة نت وكذا انا تعرفت على بنت من النت من 6 سنين واوضاعنا تمام ماشاء الله وعطيتها حتى رقم جوالي وتتراسل معي واتس اب طبعا بعلم اهلي ماخبيت عنهم شي وقلتلهم لو طلع ولد مو تسون لي سالفه هذاني قلتلكم من البدايه ماقالو شي يمكن صديقتك ماختبرت الولد صح يعني لو سولفت معه سوالف بنات مابيجيب منها خبر لأن الرجال ماعندهم سالفه بسوالفنا احنا البنات لو اختبترته وسألته اسئلة بنات اتحداه يجاوب غلطة صديقتك انها ماختبرته اختبار كافي انا صديقتي اللي من النت واثقه ثقه عمياء انها بنت ولله الحمد ومو كل شي من النت يخوف بس الحذر وااجب المفروض تتأكد قبل ماتعطيه كل شيء وانا اشوف هالمشكله جدا سهله يا اختي يعني لاتخافين ولاشي وانتي كمان لاترسليله شي حتى لو استفزك او اتصل طنشي لان لو رسلتي رح يزيد ويعند بالنسبه لاخوك قوليله يركد لايطلع الولد واصل ولاشي ويطلع ابن حرام غييري شريحتك فقط .. دعواتك لي ولأسرتي \ آلمتفائله .. | |||||||||||||||
| |
|
04-20-14, 07:40 AM
| #6 | |||||||||||||||||||||||||||||||||||
|
والله يافيه رجال من كثر مو متنسوي صار هو والبنات واحد وتلاقينه يعطي نصايح بعد للبنات في الموضه والتجميل وقصات الشعر وخلطات للجسم وماني عارف ايه واغلبهم مليون في الميه رجال لكن لا تثق في كائنا من كان دام العلاقه اللي بينهم مجرد كتابه . ومافي سابق معرفه شخصيه ببعض وحتى لو صار في اتصالات بينهم اغلبهم يقلد صوت البنت الزبدة لاتثق بأحد وانتهى | |||||||||||||||||||||||||||||||||||
| | ||||||||||||||||||||||||||||||||||||
