04-20-14, 01:40 PM
|
#1 |
| | 
اللي يبي قلبي ترى القلب للبيع
اللي يبي قلبي ترى القلب للبيع |
حتى ولو يشتريه بالدين ماشي قلب نظيف مايبي زود تلميع
أبيض خفاء فيه النقاء لون شاشي
وفيه من الوفاء والصدق عيون منابيع
وفيه من المروءة والشهامة مناشي
وأشرط عليه البيع من دون ترجيع
ويشرط علي الدفع ماهوب كاشي
والسبه اللي راح من غير توديع
أقفى وخلاني عروقي عطاشي
اللي نحت بالقلب عشرة تواقيع
واللي حكم قلبي مثل حكم فاشي
لا من ذكرته ولع القلب توليع
لين العقل من زود ما أغليه طاشي
ليت الغلا مابيننا بالتواقيع
وليته حكمني مثل حكم النجاشي
ياقلب مابعتك أبي منك منافيع
وياقلب مابعتك أدور معاشي
ياما نهيتك عنه جهر وتسميع
إلى متى ياقلب وحنا هواشي
أتعبتني ياقلب بكثر التلاويع
وعيفتني ياقلب لذة فراشي
ورميتني بحلوق ناس مطاميع
وخليتني مابين عاذل وواشي
إما تتوب اليوم ياقلب واطيع
وإلا قسم بالله بعتك بلاشي
(مماراق لي) |
|
|
|
|
المواضيع المتشابهه للموضوع : اللي يبي قلبي ترى القلب للبيع 
