06-02-14, 02:33 AM
| #1 | |||||||||
 
| 
بأيدي زوجت صديقتي زوجي/قصه حقيقه طلب نشرها عن البخل بأيدي زوجت صديقتي زوجي زي مالعنوان يقول صارت هذه الحادثه في المنطقه الشرقيه من السعوديه وبالتحديد منطقة الدمام .. بالاول بشرح للي مايعرف طبعنا حنا عندنا البنت تتغطى حتى من عيال خوالها , يعني ستر من قلب.. صارت الحادثه لمرت ولد خالي وبيتهم قريب من بيتنا وهم ناس نعرفهم عدل , يعني السالفه مش قيل وقال لا , السالفه موثقه جدا جدا.. ولد خالي مبتلى بزوجه بخيله وياويل اللي مايعطيها بس طبعا هي ممنوع تعطي احد  مرت ولد خالي كانت دائما تستلف من خويتها وخويتها ترفض لانها عارفه مدى بخلها حتى في رد الدين, غير كذا هي مافيها فقر بالعكس رجالها راتبه شهريا عشرين الف ولبسها دائما حلوووو المهم انقهرت من خويتها فقعدت ايام تخطط عشان تقهرها فاتفقت مع رجالها اذا صديقتي جت بناديك تعال شوفها وروح ولد خالتي وافق فاتصلت مرت ولد خالي على خويتها من زمان ماشفتك وتعالي زورينا وكذا صديقتها صدقتها وجت لبيتتها دخلت ورحبت فيها مرت ولد خالي وقالت تعالي اقعدي ودخلت نادت زوجها وفعلا دخل والقى نظرته وطلع انقهرت خويتها ليش تسوين كذا قالت احسن دايم اشحدك فلوس ماتعطيني المهم البنت طلعت وراحت لبيتهم وكانت منقهره , بعد هذي السالفه بيومين حصل العجب وش صار؟؟ ولد خالي راح يخطبها وطبعا وافقت .. ومرته درت بعد الملكه وزعلت واتصلت على اخوانها اللي عايشين في مدينه صغيره قرب الرياض وجوا اخذوها وسوتها زعله وزوجها ماهتم لا بتصال ولا غيره فقال اخوها انا بتصل اشوف وش سالفته فاتصل وقال ياتراضيها وتردها والا اتطلقها قال انا اصلا طلقتها بس اجراءت المحكمه هي اللي اخرت وصول الورقه.. وطبعا مرته هذي اتصلت على امي تبيها تصلح بينهم قالت لها امي اول علميني القصه عشان اكون على بينه وطبعا قالت القصه كما روييتها لكم وامي لما اعرفت حجم خطاءها اعتذرت عن التدخل لان خطاءها كبير .. وانا من موقعي هذا احب اقولكم كلمتين / 1:العرس الاحد الجاي حياكم الله طبعا تزينوا قبل تجون 2:من حفرت لاختها حفره وقعت فيها فانتبهوا والله رب عمل صغير تكبره النيه فانتبهوا وسامحوني على الاطاله | |||||||||
| |
|
06-04-14, 05:23 PM
| #2 | |||||||||||||||
|  يعطيك الف الف عافيه | |||||||||||||||
| |
|
06-04-14, 06:02 PM
| #3 | |||||||||
| شكرا بارك الله فيك ماقصرتي على تواضعك والمرور والله يوفقك دنياء واخره اخوك ولد ناس | |||||||||
| |
|
06-04-14, 08:17 PM
| #4 | |||||||||||||||
  
|
ايه والله من حفرة حفرتاً لاخيهِ وقع فيها يسسلمؤؤ ع القصه اخوي ولد ناس يعطيك الف عافيةة مودتي #) | |||||||||||||||
| |
|
06-04-14, 08:18 PM
| #5 | |||||||||||||||
|
ايه والله من حفرة حفرتاً لاخيهِ وقع فيها يسسلمؤؤ ع القصه اخوي ولد ناس يعطيك الف عافيةة مودتي #) | |||||||||||||||
| |
|
06-04-14, 09:04 PM
| #6 | |||||||||
  
| // .. احس القصه فيها نوع من المبآلغه | |||||||||
| |
