حلمٍ غرس في صدر الاحلام سكين "طرنا من الواقـع بليّـا جناحيـن=في كوكبٍ مكسي من الزيف خامه عشنـا خيـال وغيرنـا واقعييـن=لين انصدمنـا فالالـم والندامـه ناسٍ توفر لقمـة العيـش بالديـن=وناسٍ مفارشهـم حريـر النعامـه وناسٍ مطالبهـم كثيـر الملاييـن=وناسٍ مطالبها الستـر والكرامـه وذكرىً تهز القلب وتبكّـي العيـن=وذكرىً تمر إبنا مـرور السلامـه ودمعٍ ذرف من جاير البعد والبيـن=من حرقته في لجون خدي علامـه دمعٍ ذرف من حر فرقى المحبيـن=دمع الغرير اللي ماكمـل فطامـه وصمت الرحيل اللي فقدناه يومين=الله علم ينـزاح عنّـا ظلامـه ؟! وحلم الفقير اللي له ايـام وسنيـن=ماضنتي بيصيـر حتـى بمنامـه! ماهوب حلـم امـلاك ولا بلاييـن=ولا هوب حلم هيـاط ولا زعامـه حلمٍ حلمته وأحلمه حـد هالحيـن=والظاهـر انـي بحلمـه للقيامـه حلمٍ غرس في صدر الاحلام سكين=حلمٍ حلمته فـوق متـن الغمامـه حلمٍ حلمته في رجاء داعج العيـن=اللي قسم قلـب المعنـى حسامـه طرنا من الواقـع بليـا جناحيـن=في كوكبٍ مكسي من الزيف خامه عشنـا خيـال وغيرنـا واقعييـن=ليـن انصدمنـا فالالـم والندامـه الله يسامح من حداني على البيـن=اللي قطع حبل التواصـل سهامـه بٍِنت ونحاني عن ملاقاتـك ثنتيـن=خوفي عليك وخوفتي من ملامـه صديت مثل اللي على غاربه ديـن=يوم الزمن بااخل علينـا إبتسامِـه وإن راده الله نلت لو كان بعديـن=مادمت يارآسـي تشيـل العمامـه كبوة حصـان وعثـرةٍ للمعاديـن=ودرسٍ يعلمناالصبـر والشهـامـه عشنا وشفنا والتجـارب براهيـن=والحـر مايقنـع بليّـا مـرامـه . |
والله العظيم كلام يفوق الخيال صعب وصالي http://www.adopcechrtuforum.cz/fotod...rada_horni.gif يا سلام عليك نجمة مسك الغلا الله يسعدك ويوفقك |
اختيار رائع ، راق لي |
اقتباس:
لآعدمت هآلطلة يسعدك ربي يالغلا |
المتبلد آسعدني ردك وشرفني حضورك لآعدمت هآلطلة يسعدك ربي يالغلا |
يعطيكم العافية على الابيات الرآئعه.. سلمت لنا آناملكم على هذا الاختيار الراقي والمميز في انتظار جديدكم بكل شوق وود :ah11:http://www.al2la.com/vb/images/al2la...nTaseR_205.gif:ah11: |
الساعة الآن 05:16 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا