06-11-14, 01:04 AM
| #1 | |||||||||||
  
| 
حاسه بتأنيب الضمير 
السلام عليكم / كيفكم صراحه انا بمشكله عويصه ترددت كثير اني اكتبها بس بعد م شفت ردودكم على الأعضاء توكلت على الله وكتبها ومشكلتي أهي انو انا بنت عمري 23 شكلآ الحمدلله جميله ولو انو فيني عيب خلقي من ولادتي وهو _ العرج _ صراحه م عشت مراحل حياتي زي البنات لآني كنت حساسه كثير ف صرت احرص انو ماحد يركز في مشيتي سوى في مولات او اي مكان كان شكلي معطي الناس انطباع حلو انو ماحد مركز في العرج ف الكل متجاهل هذا النقطه بس أكيد هذا الشي محسسني بعدم الثقه بالنفس فكنت كل م اسمع ان فلأنه تزوجت كنت أقول مستحيل أتزوج شخص بدون م اسوى عمليه او أقلها يكون عارف بمشكلتي وكانت أمي رافضه اني اسوى عمليه لانها خائفه انو يصير فيني شي لاسمح الله المهم انا حاطه في بالي العمليه وكنت أستشير دكاترة كثير فيه منهم قالي عمليتك بسيطه وفيه منهم صعبها على وانا لي خوات اكبر مني ف سبحان الله صرت انخطب كثير ولو انو خواتي مو ناقصهم شي الحمدلله ف صرت ارفض لأنو اكبر مني 4خوات صعبه اني أتزوج قبلهم وثاني شي مستحيل اتزوج لآني شايله الفكرة من راسي لين م تنحل مشكلتي المهم دخلت الجامعه وانا والله نفسيتي زفت حسيت اني كبرت ولا قدرت أتعالج معقولة راح أتم كذا حاسه بالنقص لمتي ياربي المهم خطبني اخو صديقتي وهي اقرب إنسانه لي ولا قدرت اشكي لها ورفضت اخوها بحجه خواتي بعدهم م تزوجو وهي تحاول تقنعني انو أخوها موناقصه شي ومن هالكلام ف انا سكتت ما قدرت أقولها اللي بنفسي او ليه رافضه الزواج سوى اخوها او غيره المهم صديقتي تخرجت من الجامعه وتزوجت وسافرت وانا تميت على هالحاله لا تخرجت ولا سويت شي ينفعني !! المهم ب عيد الفطر العام تمت خطبتي من ولد عمتي ومن هنا بدت مآساتي<< هو مو من نفس مدينتنا ف صرنا نشوفهم بالمناسبات فقط يعني م عمري شفته ولا شافني بس محسوب على ولد عمه المهم بعد م خطبني أهلي وافقو وانو خلاص مالها داعي ترفضين هذا قريب المهم انا طلبت انو نشوف بعض يعني نظره شرعيه عشان انا ارتاح وأحس انو مقتنع فيني طبعا حنا من القبائل اللي يرفضون النظرة الشرعيه ! أهلي رفضو وقالوا تتزوجين مثل خواتك طبعا خواتي تزوجو بس باقي وحده اكبر مني ورضت اني اتزوج قبلها وأهلي قالوا مالك اي حجه ترفضين دام أختك راضيه ومو زعلانه المهم أهلي رافضين النظره الشرعيه والخاطب م طلبها يعني يبوني اتزوج شختك بختك وأظلم ولد الناس المهم انا رفضت وقلت لأخواني اذا تبوني اتزوج اسوى العمليه او أقلها نظره شرعيه غيرها مو موافقه قالوا اوك وافقي وراح تسوينها حسيت اخواني فرحانين فيه المهم بعد الخطبة على طول سافرت للدكتور متخصص بالعظام ومعروف وقالي عمليتك يبيلهآ وقت بحدود 6 شهور او اكثر المهم حسيت انو المده طويله وبعد أمي م تدري عن العمليه لانها رافضه وهالكلام بيني وبين اخواني يعني ضغط نفسي بشكل مو طبيعي المهم اخوي قال لخطيبي انو فلأنه اللي هي انا توها م تخرجت من الجامعه وتقريبا راح تتخرج بعد سنه او اكثر والقرار لك حاب تستنى لين م تتخرج او لا وننتظر ردك ؟؟ أخذ 3ايام تقريبا وبعدها رد انو انا موافق اني استنى وما عندي اي مشكله وراح انتظرها الصراحة انا استغربت وبنفس الوقت قلت حرام كذبت عليه عشان الدراسه وبالاساس التأخير كله عشان العمليه بس الله شاهد انو كل شي راح اسويه عشانه لآني مابي اي حاجه تنقصني قدامه المهم أخذت تقريبا فتره وتمت إلملكه وطبعا حتي بالملكة م عندنا أي تواصل الا يوم الزفاف حتي لو إلملكه طولة مستحيل يتواصل معاي ولو انوه م قصر معاي من ناحية الهدايا يهديني وهو بعده م شافني والله كسر خاطري ودائم ادعي وحتي الحين وانا على ذمته أقول اذا زواجنا فيه خير يارب تسخرنا لبعض وإذا راح انجرح منه بيوم من الأيام او راح يتضايق مني يارب تصرفه عنى واصرفني عنه لآني مابي أظلمه ولا اظلم نفسي بس وش اسوى والله م بيدي وما سويته وأمس رفعة أوراق عمليتي وراح تتم بعد 3 أسابيع دعواتكم لي ومعليش أسفه على الاطاله بس محتاجه ردودكم واللي سويته صح ولا غلط وهذا الشي فيه ظلم لخطيبي او لا وأشياء كثير حابه أنكم توضحونهآ لي لان تفكيري متشتت وخايفه اني تسرعت ووافقة  | |||||||||||
| |
|
06-11-14, 01:29 AM
| #2 | |||||||||||||||
  
|
اولا : قبل ان يلومك ويشوفك كذابه جيبيها بطريقه اذا كنتو تتواصلون مع بعض وتتكلمون بالتلفون قوليله ادعيلي بروح المستشفى طبعا هو اكيد رح يسالك وش فيك وكذا قوليله ليش اهلك ماقالو لك ؟ انا عندي عرج بسيط في رجلي والحين بسوي عمليه بسيطه عشان يصلحونها لي عادي صارحيه عشان ماتحسين بتانيب الضمير او انك ظالمته وشيلي هالحمل الثقيل الللي عليك وريحي نفسك واعرف وحده عرجها بسيط وماشاء الله تزوجت وكملت حياتها وخلفت يعني لاتخلين هالشي يأثر على نفسيتك او يهز ثقتك بنفسك بس انا مستغربه انتي مملكه عليه ماشافك ولاشفتيه ؟؟ شي غريب لمن عقدتو بالمحكمه ماشفتو بعض حتى لو بالعبايه ماشافك ؟!!! اسأل الله ان يشفيك ويوفق حياتك دعواتك لي ولأسرتي آلمتفائله .. | |||||||||||||||
| |
|
06-11-14, 01:43 AM
| #3 | ||||||||||||||||||||||||||||||||
|
رد
أختي متفائله حنا م نتواصل مع بعض لامكالمات او غيره اذا نظره شرعيه مرفوضة شلون اجل مكالمات!! وبالنسبه إلملكه لان حنا بالسعودية نملك في بيت أهل البنت طبعا بدون حفلات يعني عاداتنا وتقاليدنا كذا وفيه بعض الناس عادي حفلات يعني عاداتنا تختلف مو زي بعض | ||||||||||||||||||||||||||||||||
| | |||||||||||||||||||||||||||||||||
|
06-11-14, 02:02 AM
| #4 | |||||||||||||
   The silence of the evening
| وعليكم السلام ورحمة الله وبركاته غريبة إلى الآن النظرة الشرعية مرفوضة عند بعض الناس !! على العموم قبل الدخول في تفاصيل الزواج لابد يكون المتقدم لك عنده خبر على اساس يكون على بينه بعيداً عن المثاليات والتضحيات هذا زواج لابد يكون الطرفين صادقين مع بعض قبل الاقدام على الزواج .. واذا على العملية اتمنى يكون تفكيرك الأول والأخير لصحتك انتِ وليس لإرضاء أي شخص واتمنى لك الصحة والعافية وان يحقق الله لك كل ماتتمنيه .. وجهة نظر | |||||||||||||
| |
|
06-11-14, 04:05 AM
| #5 | ||||||||||||||||||||||||||||||||||||
|
طيب خلي خواته يوصلون له كلامك لان لازم تكونين صادقه معه مثل ماقال اخ احساس انتي سوي اللي عليك عشان مايكون عندك حمل ثقيل وتانيب الضمير وتريحين نفسيتك وربي يسعدك ياارب:61: | ||||||||||||||||||||||||||||||||||||
| | |||||||||||||||||||||||||||||||||||||
