منتديات مسك الغلا | al2la.com - آلـــوقت عآندلـي

الوقت عاندني وانا تحت الانظار
............لا ما اكتفى بعناد والناس لاهين

صاير يعاندني على كل مشوار
..............ما يوم انا وياه صرنا متخاوين

امشي يمين ويمشي الوقت فيسار
..............وارجع يسار ويرجع عناد فيمين

لكن مهما صار للوقت صبار
............آقف على جمر الغضا كنها طين

ماهزني وقتي ولو صار ماصار
...............بثبت ورب الكون سبحانه معين

الله خلق عبده وكاتب له اقدار
.............وحنا على درب القدر دوم ماشين

شيَّن كتب للعبد ماعنه مضهار
....................يأتي ولو أنه كبير السلاطين

يالله تكتبلي من الخير مدرار
................ياخالق الدنيا ويافارض الدين

ياجاعل الدنيا بها كون دوار
.............شين يشاف وشي غايب عن العين

وياجاعل العليا بها جنّه ونار
.................وانت العظيم اللي لحكمك مطيعين

اغفر ذنوبي وانت لذّنب غفار
.................ياغافر الزلات ياقاضي الدين