ما شفت مثلك في البشر حد تاني
انت الوحيد اللي تحلي سنيني
أشتاق لك واكتب شعوري معاني
وارسل لك احساسي ولهفة حنيني
وادورك .. وألقاك بين المحاني
في وسط قلبي منزلك يا ضنيني
عايش في كل نبضة غلا في كياني
واشعر بحبك في عروقي وفيني
أحسد كلامي لو نطق لك لساني
واحسد على مصافحك حتى يميني
خذني غرام ولا تفكر تعاني
واشربني حب ولا بعد ترتويني
عيش بعيوني يا غلا القلب هاني
ليلك سما جفني وشمسك جبيني
ودي أناظر في عيونك ثواني
والصمت شاهد بين شوقك وبيني
ودي أوقف في حضورك زماني
واوقف الساعات ساعة تجيني
أبحرت ادور في غرامك مواني
واتعبت في موجك وبحرك سفيني
لا جابتك صدفه ولا جيت عاني
متى تشوفك يا اريش العين عيني
~ صمتي جوآبي ~
06-17-14, 07:37 AM
بروزت طيفك ❤️..~ 
المواضيع المتشابهه للموضوع : بروزت طيفك ❤️..~ 
