07-22-14, 07:38 AM
|
#1 |
| | | | | | | | | | | | | | | | | | | | | | | | | | | | | 
ماكل كلمه لابيض الوجه تنقال ..
صمتي جبال وذكرياتي مدينه
وادهى وامر البوح لاصار زلزال
ولو مايقيني بالخبر من جهينه
ماهز نقال الخبر زامي الجال
القلب (قلب) ولو يهزه حنينه
مانجدع الشرهه على باب الأنذال
واللوح لوح ولايسمى سفينه
لو تركبه ماحقق اصغار الامال
يالصمت وانفاسي بلحظة سكينه
فضول بعض الناس يالصمت غربال
والكلمه اللي تعتبرها ثمينه
ماتعتبر حكمه بقاموس الأمثال
الله يعين اللي تسافر بعينه
بعض الشوارع والمباني والأزوال
والروح لوماهي رهينه رهينه
للجرح مهي له على شان يختال
تحت الفراش احطها عن جبينه
ولازلت انا بين المدينه والاجبال
وش حيلة اللي كل كلمه تدينه
وماكل كلمه لابيض الوجه تنقال
ادري غبينه وادري اكبر غبينه
تبقي الاسيراللي وقف عند الأطلال
والرجل تدري كيف تقدر تهينه
لاصار باالثنتين مافيه مثقال
والحلم في كل الرجاجيل زينه
زينه لسميت الرجاجيل وجلال
والدمعه اللي بالنواظرسجينه
ماعذربت لوتجرح خدود رجال |
|
|
|
|
المواضيع المتشابهه للموضوع : ماكل كلمه لابيض الوجه تنقال .. 
