كيف اتخلص منه ؟:(
 

السلام عليكم

انا عندي مشكله وودي اتخلص منها
مسكلتي هي ((الوسواس))

الوسواس في الوضواء
مره تعبت منهههه
ابي اتخلص منه بس مو قادره

احس انه طلع مني ريح او سمعت صوت
وارجع اعيد وضوئي
ولما ارجع اتذكر اني ماسمعت شي ولا فيه ريحه

مااعرف كيف راح اطوف في مكه
مااعرف امسك وصوئي


تكفون ابي حل :(

حبيبتي ..
هذا هو الوسواس القهري .. كثير يشتكون منه ..
اولهم الوالده الله يطول بعمرها ويبعده عنا ..
ي قلبي وانتي تتوضين حاولي ترفعين صوتك واذا جاك أي وسواس حاولي قد ماتقدرين انك ماترجعين بوضوءك
لان شوي شوي يزيد عليك ويزيد لحد مايوصل لدرجة كبيره وتراني مااتكلم عن جهل ..
امي كانت بس بالوضوء وبعدين صارت توسوس بكل شي لدرجة الحين اكلها واغراضها لحالها ماحد يلمسها ..
عموما انتي لاحقي عمرك واذا اضطريتي وانتي تتوضين خلي احد يوقف عندك ويشوفك واذا بتعيدينه خليه يمنعك ..

ادعي ربك في هالايام انه يبعده عنك لان بجد وربي تراه يزيييييييد مع الوقت ..

ماادري اذا انتي تعرفين هالاشياء او لا ..

اهم شي مثل ماقلتلك خلي احد يوقف عندك ويراقبك ويمنعك من الاعاده .. وباذن الله تتخلصين منه ..

هناك أدعية قبل الوضوء وبعده لابد تحافضين عليها وهي :

الدعاء الاول قبل الوضوء اوالاغتسال :
اعوذ بالله من الشيطان الرجيم
بسم الله الرحمن الرحيم

الدعاء الثاني عند الفراغ من الوضوء او الاغتسال :
اشهد ان لا اله الا الله وحده لا شريك له واشهد ان محمد عبده و رسوله اللهم اجعلني من التوابين و اجعلني من المتطهرين
سبحانك اللهم وبحمدك اشهد الا اله الا انت استغفرك و اتوب اليك
اللهم اغفر لي ذنبي ووسع لي في داري وبارك لي في رزقي وحسن خلقي

حاولي عزيزتي تتوضين خارج الحمام وتذكرين هذي الدعائين عند الوضوء دائماً

أتمنى إني أفدتك

اول شيئ لابد ان تعطي نفسك شعور بالالتزام والثقه
بانك اذا توضاتي فانتي لن تبطلي وضوئك ولن تشكي في صحته
ثانيا اذا لم تتاكدي من احدث نجاسه اكملي صلاتك
ولاتدعي الشك يوسوس لك في بطلان طهارتك
توكلي وصلي واكرر اذا لم تري شيئا من النجاسه فاستعيذي بالله من الشيطان
ان شاء الله تستفيدين

وعليكم السلام

هذا وسواس قهري
مع الأدعيه والأذكار وكثرة الاستغفار
عليك الذهاب الى دكتور تفسي هناك ادويه لعلاج الوسواس

عفاك المولى