السلام عليكم ورحمة الله وبركاته
موضوعي صععب وتردت فتنزيله
انا ف هم مايعلم به غير الله علاقتي باخوي الكبير 28 س كانت ممتازه وكان يأخذ راي يستشيرني فكل شيء حتى عروسته،عفش بيته تقريبآ كنت اقرب له من اخواتي كلهم. المهم تزوج وبعد زواجه تغيير كثير وصار مستفز وكل م قالت لي زوجته سالفه قالت يقول فلانه لاتدري.. فلانه لاتدري كانت اشياء تافهه بنظري بس تحز ب خاطري اطنش واعدي.. صار بنفسه يغلط عليه ..
ومره طلب مني حاجه قلت م عندنا كرر السؤال يمكن اكثر 4مرات استفزني رديت عليه وعصب وصار يقول كلام انا م قلته ولاسويته غلط بحقي وهددني بيضربني ويكسر اعظامي ومن سوء حظي ابوي كان موجود وتدخل كبر الموضوع وحلفت م عاد اكلم اخوي ولااطق بابه وفعلآ جاء لي سنه اهلي يروحون يعرفون اخبارهم وانا بحالي ابعدت عنه ومسحت رقم زوجته وم عاد اتواصل معها.
وابوي قبل هوشتنا انا واخوي تهاوش مع امي وطلقها2 ورجعها ومن بعدها زادت مشاكلنا بسبب امي وصار يطلع قهره فينا
وخصوصا انا تعبت منه يغلط ويهين حتى فالشرف وللاسف غلط عليه قدام زوجة اخوي وسمعت كلامه الوصخ ..وربي اني نمت وانا ابكي وصحيت ودموعي ع خدي ..
انا رافضه اتصالح مع اخوي لاني كفاية عليه اهانات ابوي ومدت يده مو ناقصني تعب قلب ..
وانا عارفه ان قاطع صلة الرحم يقاطعه الله ولايتقبل منه الاعمال بل تحبط .. جالسة ابكي انا ابغى ربي يرضى عني ويتقبل اعمالي .. بس م قدر اتصالح مع اخوي .. اخاف لو رحت له بيته يغلط عليه ويمكن يمد يده .. وإذ قعدت ع حالي محد بيحاول يصلح بينا ..
بس جد انا م عاد فيني حيل للهواش والمشاكل صرت اضحك واستهبل وانا طاب خاطري من الحياه كلها م عاد فيه شي يفرحني كل شي صار عادي و م يفرق معي.. حتى الزواج رافضته
م عاد ابغى شيء من هالحياه نهائيا..
فضفضه +دعواتكم
"وكل عام وانتم بخير "