صـدر الـحـزيـن صدر الحزين يطاوع الضيق .. و يضيق . . . . . . . . .من كل صوب .. و تصبح العين ديمـه ينزل مطر .. و يلوح براق .. و تفيـق . . . . . . . . كل الجـروح .. المبطيـات .. القديمــــه و أنا .. علـى الدنيـا قليـل التوافيـق . . . . . . . . . ما غيـر أساوقهـا بـراي و عزيمـه يا فـوح قلبـي مثـل فـوح الاباريـق . . . . . . . . . .عليـك ياللـي لـك عروقـي محيمـه أقبلت لي و الحـب .. حـظ و توافيـق . . . . . . . . .و أقفيت عنـي .. و النتايـج وخيمـه علقـت نفسـك فـي زوايـا المعاليـق . . . . . . . . و حطيت لك بيـن الحنايـا .. وسيمـه و أصبحت عندي فوق كـل المخاليـق . . . . . . . . .تخطي و لا لك غيـر قـدر و حشيمـه و انا و ربـي مـا نقضـت المواثيـق . . . . . . . .لا زلت أشوفـك راس مـال و غنيمـه دونك سحاب الدمع و مشـارق الريـق . . . . . . و عقبك ضياع و جرح قلب و هزيمـه فأن بعتنـي فالسـوق بيـع الصناديـق . . . . . . .عـز الله انـك بعتـنـي دون قيــمـه ليتك تشـوف ابـواب قلبـي مغاليـق . . . . . . . . ما هيـب لا و الله .. و عـادة حليمـه ما همنـي و النـاس جمـع و تفاريـق . . . . . . . . . ما دمـت منتـب فيـه روحـي يتيمـه يا صاحبـي تبكـي عليـك الطواريـق . . . . . . . . جزل البيوت .. الفـاردات .. العديمـه أرحل .. و طيبك فوق روس الشواهيق . . . . . . . . . . لا تلتفـت لـي يـا قـوي الشكيـمـه و أنا علـى خبـرك وريـث المطاليـق . . . . . . . .راعي مواجيـب و شجاعـه و شيمـه مثل الجبل و أقرب مثل عندك .. طويق . . . . . . . . .شامخ .. لو ان الريح تنحـت صميمـه يالله عسـى فالـك معـزه و توفـيـق . . . . . . . . . .ياللي جعلت أهـداف عمـري عظيمـه عقبك لي الله ثـم شمـس المشاريـق . . . . . . . . . و الشرقـي و هبّـة هـواه و نسيمـه و الشوق و هموم الجـروح المفاتيـق . . . . . . . . .و البرد و الحـزن و شـوارع رحيمـه يالغالـي اللـي كنـك بقلبـي اتـويـق . . . . . . . . . .جرحـك كريـم .. و ذكرياتـك كريمـه أنت و انا .. نشبه حضارات الأغريـق . . . . . . . . . القوم راحـوا .. و الحضـاره مقيمـه |
ذائقـة تفردت بما جلبت من جمال سلم احساسك الراقي دمت ودام تميزك با الانتقـــاء دام نبضك |
اسعدني تواجدك الدائم بمتصفحي الف شكر لك |
قصيده جميله وطرح اجمل ابيات فاقة في وصفها* تسلم ذائقتك وتسلم ايدك عوافي كل الشكر لك |
اسعدني وشرفني تواجدك الغالي |
يعطيكم العافية على الابيات الرآئعه.. سلمت لنا آناملكم على هذا الاختيار الراقي والمميز في انتظار جديدكم بكل شوق وود :81::81::81: |
الساعة الآن 07:19 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا