خدمة الألياف البصريه الأعضاء اللي عندهم خلفيه في خدمة الاتصال بالإنترنت عن طريق ( الالياف البصريه ) أتمنى يفيدوني عنها : طريقة التركيب - الاستخدام - أفضل عروضها - وأفضلها علماً بأني أرغب إستخدامها من شركة الإتصالات السعوديه أو موبايلي كما سمعت بأنهم لابد يحفرون الشارع عند باب البيت حتى يوصلون الخدمه وأنا لا أرغب بهذي الطريقه إذا كان هناك طريقة أخرى ياليت تفيدوني بها لأني تعبت من إستخدام الشبكه التقليديه وخصوصاً لأن بعض أعمالي تتطلب إتصال قوي وسريع |
للأسف ماعندي أي خلفيه .. أتمنى يفيدونك الباقين .. |
وعليكم السلام ورحمة الله وبركاته اخ صائد انا سمعت لابد انهم يحفرون ويركبونها لكن الحفر والتركيب يكون مجانا والله اعلم تستطيع ان تبحث من موقع الاتصالات نفسه http://www.stc.com.sa/wps/wcm/connec...thOpticalFiber ارجو لك الاستفاده |
وعليكم السلام ورحمه الله وبركاته فيه طريقه الحفر اللي انت ماتبغاها والطريقه الثانيه سمعت يوصلو لك من كيبل اللي قريب منه وان شاء الله خير |
اقتباس:
اقتباس:
ولكن من الواضح بأنهم لازم يحفرون عند باب البيت وهذا مالا أرغب به سأتحقق من خدمة شركة موبايلي هل هي كذالك أم لا .. اقتباس:
وبعد التحقق عن طريق رابط المتفائله الذي تركته لي بأني في موقع بعيد عن أقرب كيبل لبيتي السؤال هل هناك بديل حتى لو كان من مشغل إتصال آخر يتم توصيل الخدمه لي بدون حفر ؟ |
اقتباس:
وليس من اختي المتفائلة ^_^ ارجو عدم الخلط بيني وبينها :1z503033: |
اقتباس:
بس عاد لاتدققين :Smok-013: |
ماعندي خلفية عن الموضوع بس فيه اجهزة تشغيل شرايح البيانات للنت مرررة كويسة واتصالها سريع وحجمها صغير وتشتغل ع البطارية تقدر تاخذها معك لاي مكان تروح له حتى في البر بس لازم تكون بطارية الجهاز مشحونة :Jm_028: |
اقتباس:
هو ممتاز ولكن الألياف البصريه أسرع وأقوى داخل البيت |
ياهلا فيك اخي صائد وعاش من شافك لك وحشه انا اقلك هذا الاسبوع اشوف عند شارعنا والحي بشكل كامل حفريات للالياف البصرية من قبل الاتصالات وهذا التحفير كي يمدون كيابل تحت الارض ويغطون بها الحي بالكامل بكل شوارعه ومداخله وبعد ما ينتهون من التحفير والتمديد للحي الكامل ينتقلون لمرحلة ثانية وهي تركيب كباين صغيره على كل فيلا أو عمارة ولمجرد الطلب فقط التحفير يكون بسيط لمسافة مترين او ثلاث امتار وهذا كي يتم ايصال كيبل من خلال الكبينة التي على جدار منزلك إلى الكيبل الممدود على طول الشارع تحت الارض والذي سبق وقاموا بتحفيره وتغطية الحي بالكامل وبشوارعه ومداخله يعني عملية الحفر جدا بسيطة وقريبة من الكبينة التي على جدار منزلك ولكن للامانه وانا جربتها في منزل نسيبي بالرياض سرعة النت خيالية جدا وشكرا |
اقتباس:
ولكن أنا دائماً أتنقل من منزل لمنزل في أي لحظه بخصوص عملي ولست مستقراً في بيت واحد لهذا أنا أبحث عن طريقة لإيصال هذي الخدمه بدلاً عن الحفر إن أمكن ذالك .. وليس ضرورياً أن تكون الخدمه من معرف stc ، حتى لو كانت من زين أو موبايلي فلا مانع من ذالك |
الالياف البصرية مشكلتها لابد أن تكون في مكان ثابت مالك إلا المودوم المتنقل الذي يشتغل على الكهرباء كمثل برودباند وبإمكانك اخذ باقات سريعه اوبن سبييد مجرد مودم بداخله شريحه ويعمل على الكهرباء وبإمكانك نقله في اي مكان |
اقتباس:
وهو متنقل ولكن أعاني إتصال الشبكه معضم الأحيان يكون ضعيف في بعض الأماكن خارج المنزل أوقات أحتاج فيه النت سريع بحاول إستفسر عن خدمة البرودباند من stc وهل تناسب إستخداماتي إذا كانت جيل رابع المصيبه إن الشركات الثلاث يسوون عروض كلها نصب وإحتيال ولكن إجباري من كثرتها تاه وإحتار المستخدم أي نوع يأخذ .. |
صدقت ياصائد بعض الاحياء او الاماكن يكون النت ضعيف وهذا على حسب البرج وكمية الضغط اللي عليه ولكن عندي لك اقتراح خذ جهاز موبايلي برود باند الجيل الرابع قيمتة في السوق تقريبا 250 او اقل ربما وفك الحماية اللي في المودم بعشرين ريال تقريبا ومنها تقدر تركب في المودم الخاص بموبايلي شرائح الشركات الثلات زين وموبايلي واس تي سي لو حبيت كمثال انا منطقتي في البيت تغطية اس تي سي افضل من زين ومن موبايلي فاخذت شريحة كويك نت لمدة ثلاث شهور ولدي شريحة سابقة فيها ستة شهور موبايلي فعدما اذهب إلى اي مكان يكون اس تي سي ضعيف فيها اضع شريحة موبايلي اجد ان هذا الحي موبايلي فيه اقوى بس للامانه الس تي سي افضل كتغطية شاملة على جميع المناطق وفيه معلومة مهمه من رجل موثوق فيه ميزة الس تي سي كويك نت المفتوح كلما حملت ملفات او مقاطع بأي حجم تجد سرعة النت نفسها ما تتغير ولكن موبايلي وزين للاسف شرائح النت المفتوحه لديهم كلما شافوك تحمل ملفات كبيرة كلما خفت السرعة فالداون لود في الس تي سي افضل وبالتوفيق اخوي |
أخوي صائد الطرائد لازم يخفرون عند البيت لأن الحفر يفيدهم من المطر ومشاكل الجو وغيرة وحتي موبايلي تحفر عند البيت بس من ناحية الخدمة أفضل بكثير من الواي فاي والبينات يصير انت مشاء الله صاروخ ويعطيك العافية |
الساعة الآن 05:17 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا