10-02-14, 02:04 AM
|
#1 |
| | 
البارحــة ربـي كتب لي ومريـت
البارحــة ربـي كتب لي ومريـت
دربٍ عليه بروق الاحباب لاحـــت
جـيت المكان اللي جمعنا وخفيـت
وقامت جروحي للجوارح وصاحــت
يــاليتني في لفـة درب زلـيـت
كــان العيون من الدموع استراحت
الـتـم غيم الدمـع من يوم لـفـيـت
وورقـا القصيد لشوفة الغيم ناحــت
وضحكت ماأبغي الناس تدري يبالفيت
لـكنها غـصـبٍ على العين ساحـــت
حارت دموعي في عيوني وصديت
وأرمشت مابيها تبين .... وطـاحـــت
وعقبه برق في العين براق واسقيت
خـدي وونـاتـي بصدري تلاحــت
وأنا أحسب إني في فراقه تشافيت
وان عبرتي من مدخل الزاد زاحــت
اللي يحسب إني على البعد سجيت
والا ان عيوني للرقاد استباحــت
ياليتني من قبل لاأحبه اقفيت
والا ان دروبي عن دروبه تناحــت
أهون علي من البكا والتناهيت
واشلا من سدودٍ على الناس بـاحـــت
عرفت كيف الحي يفرق عن الميت
وعرفـت قيمة نعمتي يوم راحـــت
قولوله إني عقب بعده تدانيت
وراجلي عن دروب المعافين شاحــت
البعد نار وطاعة العذل كبريت
يقصر على بعده... تري الكبد فاحت
|
|
|
|
|
المواضيع المتشابهه للموضوع : البارحــة ربـي كتب لي ومريـت 
