10-02-14, 04:40 PM
| #1 | ||||||||
 
| 
اابي ااهج من بيتنا
السلام عليكم انا عمري 13 اهلي مراا ما ارتاح لهم احسهم مو اهلي حتى صديقاتي م اوثق فيهم ابد وانا خالي تحرش فيني يوم كان عمري 11 وماحد يدري عن ذي السالفه! والحين اهو الحمدلله ماقام يتحرش فيني بس مطيح الميانه معي يقول لي ارسلي صورتك اشتقت لك وانا ارسل له واثقه انه ماراح يخلي حد يشوفها وانا عندي ماضي سئ كل ماتكلمت او تهاوشت مع امي ذكرتني فيه بالله في ام تذكر بنتها في ماضي سئ! وابوي كانت علاقتي معاه قويه بس هالايام ابد كل يعصب ويتهاوش معي وحصل مرتين هدد امي بالطلاق يمكن كان يمزح بس ماهما كان حزت في خاطر امي ! وعندنا وحده من العائله متزوجه بس هي دايم تدقق ع صديقاتي في كل شى وتراقبنا بشكل مو طبيعي! تحسسنا ان ماعندنا ام او ابو المهم انا تعرفت ع واحد واعتبره اخوي وصديقي وقال لي اذا تبين تشردين خلاص تعالي عندي وراح اعيشك مع اهلي وبقول حق اهلي اني راح اتكفل يتيمه بس الاحسن انك ماشردين ): وانا حيل ابي اشرد من جدي تعبت والله قمت اشك في امي انها مو امي لدرجة اني ابكي وتجيني ضيقه فجاءه وامي وابوي مراا يكونون حنونين علي ومرا لا وانا احب اجلس لحالي ولا احب احتك في الناس يمكن لاني كل انضرب من امي وابوي ومرا تهاوشت مع امي وقلت لها بدخل مدرسه داخليه عشان تفتكون مني قالت لو تموتين احسن تفكينا من شرك ومصايبك ! والله حتى طفولتي ماتهنيت فيها كل ماتذكر الماضي اكره نفسي بس الحمدلله ع كل حال وانا قلت اذا بشرد ماراح اضيع مستقبلي راح ااتفاهم مع معلمه واقول لها عطيني ملف النقل اسفه طولت عليكم بس شسوي والله اني مرا مضايقه ابي نصيحتكم اشرد ولا ؟ | ||||||||
| |
|
10-02-14, 08:58 PM
| #2 | ||||||||||||
   وآتم بعيد وببعد أكثر ..!
| "وعليكم السلام ورحمة الله وبركاته " نفس تفكيري > بس انا اقوى ابي اهج عن هالعالم كله ^_* حبيبي الشرده مو حل انتِ للحين صغيرة وماتقدرين تتصرفين وممكن تلقين احد يستغلك ؟ اصبري وتحملـي وادعي ربي ,والله انا عشت طفوله اسوء منك كان ابوي قاسي حييل يضرب ع اتفهه سبب وامـي ماكانت تقول شيء لانـ ابوي مايتفاهم وبيهاوشها فكانت تسكت و تطلع حرتها بشغل البيت.. ومع الايام صارت ماعاد تسكت وتغلط وهو يغلط انفصلوا ورجعوا وحياتنا اهواش وصراخ وسب ولعن خير واحيان توصل لــطرد  > تعودنا وتاقلمنا مع وضعنا والحياة ماشية وحنا نضضحك .مافي بيت يـخلى من المشاكل وصدقيني اهلنا يقسون علينا لـ مصلحتنا يمكن حنا مانشوف كذا بس هم لـهم نظرة ثانية > راجعـي نفسك وتذكري الاشياء الي ماتعجبهم وتجنبيها نهائياً .. اما بخصوص خالك > فـ حسبي الله ونعم الوكيل فيه وربي راح يحاسبة ع الي عمله فيك نصيحتي لك انسي إلي صار وحطي فـ بالك انك كنتي صغيرة حيل ومافيك تدافعين عن نفسك وربك اراد هالشيء ,, وخلاص صار ماضي انسيهه > وحتى ماراح يأثر عليك لانك مابلغتي وقتها ..! ممكن خالك يحاول يكفر عن خطائه بـتقربه منك وتطيح الميانه وممكن كمان يطمح لشيء ثاني ماله امان ~ المهم الحين خلي بينك وبين خالك خطوط حمراء وعلاقة رسمية > لاجل مايعيد التصرف مرة ثانية ..! اسمحي لي بعلق ع جزء من كلامك وانا عندي ماضي سئ كل ماتكلمت او تهاوشت مع امي ذكرتني فيه بالله في ام تذكر بنتها في ماضي سئ! ماراح اسئلك عن الماضي الي امك تعايرك فيه لكـن فيه اقوى من الاغتصاب شيء يعرفونـه ؟! وهالشاب إلي تعرفتي عليه ع اي اساس وثقتي فيه ماتخافين يستغل وضعك ؟! نصيحتي لك انتِ صغيرة لاتقدمين ع خطوة ألا بعد ماتفكرين فيها وتحسبيها صح من جميع الجوانب..! يعـني الحين إذا شردتـي وين بتسكنين ؟ ومين بيصرف عليك ؟ وكيف بتعيشين ؟ ويـاترى بتكون حياتك اجمل واحلى ولا اتعسس واكدر وكلها اخطاء وذنووب وعلاقات ..! واهلك لو قسوا عليك يظلون اهلك إلي يحبونك ويخافون عليك حتى لو ماوضحو اهتمامهم وبحبهم لك .. وممكن أنتِ تصرفاتك ماتعجبهم وهذي ردة فعلهم .. وممكن امك تعايرك بالماضي عشان تذكرك ماتقعين فيه مرة ثانية كأنها ترسلك رسالة غير مباشرة انتبهـي لنفسك , وانتِ انتبهي لنفسك وعيشي حياتك واهتمي بدراستك والمستقبل قدامك اثبتِ وجودك تفوقي فدراستك شوفي اش عندك مواهب رسم تصميم تصوير خياطة حاولي تنميها إذا اختلفتي مع اهلك اشغلي نفسك فيها ,, وصدقيني مع الوقت ماراح تهتمين لهم وكلامهم ماراح يأثر فيك خليك قوية واثبتي لنفسك انك محد يقدر يحطمك والظروف بتمر الحال ابد مايدووم ~ وحاولي تتقربي من امك ساعديهـا بشغل البيت وبالمطبخ روحي المطبخ قولي بساعدك صـدقيني دخول المطبخ مع الام هو طريق لتقرب منها وفهمها اكثر ..لانها بتحس انك متهمه لامرها وماعاد بتعايرك وحاولي ترضيها وتسمعي كلامها وهي ماراح تزعلك بالعكس بتعاملك بتعامل كويس كـ ردة فعل ع ارضاءك لها .. اخـذيها نصيحة واصبري وتحملي وادعي ربك فـ صلاتك يحنن قلوبهم عليك ويفرجها و إذا ضاق صدرك اقري قرآن استغفري واذكري الله ,, وربك يشرح لك صدرك ويبعد عنك الضيقات .. انا كانت علاقتي فـ ابوي زفت لدرجة ماتتوقعينها اهانه اهانه ومعامله الله يعلم بها قدام اخواني الصغار كنت اخاف يجي اليوم ومحد يحترمنـي  لكن الحمدلله تعاملي معاهم خلاني اكسبهم ,, وقريب بإذن الله بتتم خـطوبتـي وربك يعوضنـي خير الله يحفظك من كل سوء | ||||||||||||
| |
|
10-02-14, 09:28 PM
| #3 | ||||||||||||
  
| اختي اذا شردتي من بيت اهلك راح توقعين في مشاكل مالها اول ولا اخر وتتحول حياتك جحيم وتهديد وضرب وااهانات في بيت اهلك معززه مكرمه مهما تصرفوا معك وصدقيني هذا الشاب الي يقول لك اشردي وانا اتكفل فيك هذا اكبر نصاب يبي يسويك سلعه في دفتر حساباته ويرميك كل يوم من واحد لواحد ويتاجر فيك وفي شرفك وعرضك بعدين تندمين وتتعذبين اشد عذاب نفسي قبل ان يكون جسدي لو يحبك صحيح ويخاف عليك بيقول لك لاتشردين وابقي عند اهلك لاتثقين في احد ولا تقولين لاحد عن مشاكلك ترى الناس يستغلونك واتركي عنك الانترنت والتعارف والفضفضه اللي مالها داعي ليش ماتفضفضين لبنت مثلك مو لشباب ؟؟ ترى حتى البنات ماتضمنينهم ممكن يكونون شباب ويكذبون مافي احد يفيدك الا امك وابوك مهما قسوا عليكي واما سالفة خالك لابد تضعين له حد وتكلمينه بجديه وحزم وقولي له لاتكلمني ولا تطلب مني صوري ولا تتراسل معي قولي له انا اعرف وش هدفك ولو تحاول شي ترى افضحك عند اهلي واهلك تاكدي ان التهديد والقوة وعدم الخوف هي اقوى سلاح ضد الذئاب البشرية خليك قويه واحمي نفسك بنفسك وتذكري ان الهروب راح يضيعك في اشياء اكبر انتي ماتعرفينها و راح تتمنين بعدها عيشتك مع اهلك تمنياتي لك بالتوفيق والحياة السعيدة | ||||||||||||
| |
|
10-02-14, 09:45 PM
| #4 | ||||||||
  
|
شيئ مؤسف فعلاً , لسيتٍ أول فتآة و لن تكوني آلاخيره ! . آلهرب عمره مآ كآن آلحل , ممكن تقعي بـ مشكلة أكبر .. حآولي آلذهآب لـ آلشرطة أو آلجهآت آلمختصه . أتمنى آلتوفيق من آلأعمآق . | ||||||||
| |
|
10-02-14, 10:48 PM
| #5 | ||||||||
|
مشكورين ع نصايحكم وااانا ماعمري فضفضت لحد غيركم وغير هالولد .
| ||||||||
| |
|
10-03-14, 01:02 AM
| #6 | |||||||||||||
| إداري سابق ونجم من نجوم الموقع 
|
كوني حذره في تعاملك مع جميع فئآت البشر وخصوصاً الغرباء لأنه لا يوجد شخص يحبك كثر أهلك الذين ربوك .. فلهذا تحملي قساوة والديك مهما عملوا فيك فهو لمصلحتك ولمستقبلك أتمنى لك حياه سعيده | |||||||||||||
 |
