على صم المشاعر ذاب صوتـك يـا منادينـي
 

/





تولّـم للجفـا خـل العتـاب وشرهةالخـلان
........ على صم المشاعر ذاب صوتـك يـا منادينـي

نسيت الصوت وأخباره ويا مالك من النسيـان
......... من أقصى خافقي هذي علومي كـان توحينـي

صبرت ولا ظفرت وقلتها لـك بالفـم المليـان
......... أنا ما جيتـك اذرف دمعتـي حتـى تواسينـي

أنا ما جيتك و لافي بالـي إلا كـان ياماكـان
......... على وضح النقـا تدفعنـي العـزة وتغرينـي

لو انك في مداهيل الجـوازي باشـة الغـزلان
.......... تهـون وكـل درب جابنـي يمـك يوديـنـي

حشى ما كنها صابت لواحـظ طرفـك الفتـان
.......... ولاكنـي سريـت بطلتـك والليـل ممسينـي

غلاك اللي ليا جيته زما ما يـروي العطشـان
.......... لو انك في عروقي تجمعه مـا عـاد يروينـي

على تالي مواعيدك من البارح وأنـا سهـران
.......... بغيتك للسهر مثل المنام وطحـت مـن عينـي

قصر عنك البياض وغاب وجهك والوجيه ألوان
.......... يجي يوم تدورنـي هنـاك و لا أنـت لاقينـي

ابد ما هيب من تالي حساباتـي وأنا(ضيـدان)
.......... اليا مني رضيـت بمثـل هـذي وش تسمينـي



ضــــيــــدان الــمــريــخــي





:ورد:

قشعريره

كلمات في قمه الجمال

نثرتي حروف جميله وذوق تسلمين على روعه هالقصيده

الف شكر لك من الاعماق

واصلي فانا اتعطش لجديدك بكل شووق

لك وردتي .

بارك الله فيك

/


منوريّن :ورد:

،


حيآتسّ :ورد: