11-04-14, 02:40 PM
| #1 | |||||||||||
  
| 
ابي اخطبها بس كيف؟ 
لسلا عليكم ورحمة الله وبركاته منتداي الرائع اشتقت لكم والله زمان عنكم بصراحه تعبت من التفكيرمره لدرجه حتى بداومي افكر بهالموضوع انا شاب عمري 32 الكبير بالبيت اشتغل راتبي عشرة الف والحمدلله ميــسور حالي واحمد الله واشكره انا ماابي زواج الاقارب واهلي حلفوا اني اخطب بنت عمي وخطبتها بنت عمي السنه اللي فاتت ابوها حط علي مهر 80 الف واشياء قالتها امها ماتدخل الراس انا انسحبت من المجلس ع طول وش 80 الف باتزوج ايش انا اقعد مديون انا بسبب ايش حلفت ع اهلي ماتتزوج من هالعائله ولا من الرياض بكبرهاً امي قفلت موضوع الزواج معــااي وماعاد فتحته امي لانها عارفه اني ماابي صديقي نصحني بمواقع الزواج لانه تزوج منها قبل تزوج من عائلته وطلق والحين متزوج وحده من منطقة تبوك وماشاء الله مبسو وعنده 2 عيال وزوجته والله الكل يمدحها واخلاق حتى امي تمدحهاً قلت له ابي اتزوج واختار عن قناعه وبنت انا ابيها نصحني بمواقع الزواج وهو سجلني بموقع زواج تعرفت ع بنت عممرها 23 سنه جامعيه بنت جدا جدا جدا طيبه اتعب وانا اقول طيبه ومحترمه وكل يوم كانت تفاجئني باشياء انا افكر فيها البنت بصراحه والله واحلف وانا واثق لو الف مالقى مثلها مثقفه خلوقه اهم شي تخاف ربها تذكرني باذكار الصباح والمساء هي اللي خلت ايماني قوي والله اول ماكنت اعرف شي عن الدعاء هي اللي تقولي عن شروط الدعاء وواجبته خلت ايماني قوووي وماشاء الله عليها بتحفيظ تعلقت فيها والله شاهد قلت خلاص ياولد هذه الزوجه الصالحه اللي تنتظرها واهم شي انها تحبني كل شي يبان انها تحبــني وفعلا انا اختبرتها كذا مره ونجحت بكل اختباراتي ووالله ماهان علي اقابلها ابدا ولافكرت بهالشي البنت ماتستاهل احس لو قابلتها الله بينتقم مني اني ماحافظت عليهاً المهم انا من يوم تعرفت عليها وضمنتها بديت اجمع لمهرها وشفت كذا شقه عشان استاجرهاً والحمدلله الحين معاي مبلغ زين عشانها ووالله مسوي لها مفاجات كثيره كل شي نفسها فيها حطيتها حتى المطربه اللي تبيها لزواجها حطيت ميزانيه عشانها انا احــــــــــــــــــــبها والله شاهد علي مابيها الاهي ماابي غيرهـا ان شاء الله باخطبها شهر 5 باأذن الله ان شاء الله وملكتي ب الصيفيه بتكون ومخطط زواجي ب الحج ادعولي تكفون والله ماعمري ناظرت لها بشهووه مثل علاقاتي وانا لسا ببدايه العشرين المشكككككله اللي ابي لها حل: كيف اخطبها هي بجده وانا بالرياض هي قالت لامها فلان بيخطب من طريق صديقتي وان اختي تعرف صديقتها وتدور ع عريس ورشحت هالبنت لي بس ععلاقتي مع اخواتي مو ذيك الدرجه واخاف اقولهم احبها ويغارون منها خصوصا اخواتي مطلقات 2 واخاف يغارون منها اني احبها وايبها وباقطع هالمسافات كلهاً عشانها واذا جيت اخطبها اش اقول لابوها مين دلك عليناً يارجال والله ابي الستــر:050103hm_prv: واذا امها سالت اهلي عن هالبنت شلون اسوووي تكفون ساعدوني انا ابيها زوجتي وام عيالي بــس واعيش مستور معاها اش اقول لابوها واخاف مايوافقون عشاني بشركه لان ع كلامها اهلها يفضلون الحكومي اللي وظيفته حكوميه بس راتبي زين والله وخايف كمان يرفضون لاني بالرياض وهي بجده مسافه تبعد بنتهم عنهم واخلاقي الكل يشهدها والله ماكذب عليكم دايما كذا رجال اعرفهم يبون يزوجوني بناتهم وانا وعــدتها والله شاهد على وعدي ذا اش ذنبها اروح واتزوج غيرها باكون حيوان اش ذنبها تتعب وتتحمل وانا اقولها مااقدر لا انا انسان الحمدلله وماااايهون علي اكذب ع بنت سلمت لي قلبها وحياتها مسكينه والله على نياتها لدرجه تقولي جلست ادعي ربي 5 سنوات عشان يجيني واحد مثلك بااسمك ولققبك ووكل شي فيك لما قالت لي كذا بككيت والله مره طيبه والله واكثر شي يحببني فيها انها كل ماتجيها مشكله تدعي ربهاً اهلي واهلها كيف الوصول لهمم يعني اجي جده واقول كذا ابي اخطب بنتكم ولا وششــوو امها ع بالها انها صديقتها صديقه لاخواتي واهلي اش اقول لهم انا لمحت لهم قبل قالوا تترك الرياض وتروح جده تتعبنا مسافه ليه صرت اقولهم عشان مو كل شوي تروح عند اهلها وتطفشني واذا رفضوني باخطبها مره واثنين و10 بس تكون زوجتي:050103hm_prv: وامي ل بالله اعطووني حــــــــــــــــلول يعطيكم العافيه اخوكم محتار  | |||||||||||
| |
|
11-04-14, 05:17 PM
| #2 | ||||||||
  
| والله م ادري وش ارد عليك بس اول شي يا اخوي الطريقه من اساسها غلط يعني هالنوع من الزواجات ممكن تتحقق وتتكمل بتوفيق بنسبه قليله ونادره وممكن يكون تفكيرك اللحين انك تحبها بس بعدين تكتشف فيها تصرفات ماكنت تعرفها او تصير مشاكل لا سمح الله وتوكل هالمشاكل كلها لطريقة تعارفكم انا برأيي تغض النظر عنها وتتزوج وحده من اخوات اصدقائك او جيرانكم او كباير منطقتكم لكن بعيده وماتعرف عنها شي غير سوالفك معها صعبه ع اهلك حاظرا و عليك انت مستقبلا واذااا تفكيرك انك ما تبي تبعد عنها المفروض ما اتخذتو طريق الكذب من البدايه يعني تبدو خطوبتكم وزواجكم بكذبه !! المفروض رحت انت وتعرفت ع ابوها بشكل عشوائي يعني تاخذ منها معلومات عن اماكن تواجده وتروح تتعرف عليه بشكل عادي وتصاحبه وتروح وتجي ع جده ومنها تقدر تقول لابوها انا ابي الستر وابي اناسبك لاني مابي اخسرك ووو وتقول لاهلك اني تعرفت ع واحد رجال كفو ووو وابي اعرفه ع ابوي وابي اناسبه ع الاقل كذا ممكن تصير بتوافيق مع اني ما أأيدك بشكل عام وبالتوفيق ان شاء الله | ||||||||
| |
|
11-04-14, 07:32 PM
| #3 | |||||||||||||
| إداري سابق ونجم من نجوم الموقع 
|
شوف يا أخي العزيز أنا بحط مكاني في مكانك وأشرح لك وش كنت بسوي في هذا الحال أولاً : لازم تتفق أنت والبنت على كلام واحد لا يوجد فيه إختلاف وهو : ( بأنك أخوا صديقه قديمه لها وتسكنون في مدينة الرياض ) ثانياً : لابد تكلم أمك وأختك إذا كان عندك أخت بالموضوع وتصارحهم بكل شيء عن هذي البنت التي تريد الارتباط بها ثالثاً : لابد تجبر البنت بأن تخبر والدتها عنك بأنك ستتقدم لها على حسب موعد تتفقون عليه مسبقاً حتى ينسقون ويجهزون أنفسهم وبهذي الطريقة يكون الطريق قد تمهد أمامك ولو جزئياً وأخيراً بعد هذا التخطيط وهو الأهم : شيل أمك وأختك وأرحلوا لمدينة جده وأسكنوا في فندق حتى تتهيئون نفسياً ، ثم توجهوا لمنزلها في وقت يكون مناسب لزيارات مثل عصرية يوم نهاية الاسبوع أو ماشابه ، ثم وأطرقوا الباب وقابلوهم ومن المؤكد سيستقبلونكم بكل حفاوه وتقبل دام عندهم خبر مسبق بأنك ستتقدم لهم وأنك أخوا صديقتها في نظرهم .. أتمنى لك التوفيق | |||||||||||||
 |
|
11-04-14, 07:38 PM
| #4 | ||||||||||||||
  استغفر الله العظيم
|
اول شي استخير وان كان فيها خير الله يكتبها لك وان كان فيها شر الله يبعدها عنك بليز عطل عواطفك شويه وفكر بعقلك دحينا انت ملهوف عليها علشان لسه مااسار بينكم ارتباط امكن لمن ترتبط فيها تكتشف فيها اشياء كنت جاهلها مادري اخوي بس في هالزمن الواحد يخاف صراحه البنت المحترمه والمتربيه عدل ماتدخل في علاقات وامور زي كذا وانا مادري والله عن البنت بس القرار راجعلك وانت اكيد مااشا الله انسان واعي ولك نظره فأستخير اول شي وباذن الله خير...حاول تتفق مع وحده من قريباتك سواء خالاتك او عمتك او خواتك . قريبي اتعرف على وحده مثل حالاتك فأتفق مع خالته انو هيا شافتله هالبنت في زواج وراحت بلغت امه وقالت في بنت مرة تجنن شفتها لولدك وهدا رقمهم وتم الموضوع واتزوجوا وعاشوا اسعد اثنين والله يوفقك يارب ويسهلك امرك | ||||||||||||||
| |
|
11-04-14, 10:08 PM
| #5 | |||||||||||||||
  
|
بصراحة انا لا انصحك بالزواج عن طريق مواقع الزواج لانها اغلبها كذب في كذب الا ما ندر انت ماشاءالله كنت محتاج وصادفت هالبنت ومشي الحال معها عندي ملاحظة على حكاية انها جلست تدعي بشخص على نفس اسمك ولقبك واتحقق لها هالشي معك هذة فيها شطحة مبالغ فيها يا اخي لا احد يعلم الغيب الا الله سبحانه فكيف بمخلوقة من هالبشر عرفت انك راح تكون من نصيبها ودعت ربي فيك وارسلك لها ،، حدث العاقل بما يعقل انصحك لا تستعجل واصبر وفكر زين في الموضوع قبل لا تسوي اي خطوة واستخير استخير استخير لا تجعل رغبتك في الزواج تدفعك بالارتباط بأول فتاة تصادفك وتحكيك عليك حلو الكلام وتصدقه .... انت في عالم افتراضي وما اسهل الكذب فيه وما اكثره .. ويبدو انك صادق وصريح وطيب وهذا الشي سهل المهمة على الفتاة جدآ والسؤال المهم فتاة في عمر ال 23 تدخل مواقع الزواج وتبحث عن عريس لماذا؟؟؟ مازالت في مقتبل العمر ليه مستعجلة على الزواج وتلجأ للمواقع الخاصة بالزواج ؟؟ والاهم الفرق بينكم 10 سنوات في العمر نصيحة يا اخي لا تستعجل لا تستعجل وتندم ,, فكرآ كثيرآ و لاتدع رغبتك في الزواج وراء تسرعك بصراحة لم ارتاح الى وضع الفتاة لذلك لم استطيع ان اضع لك حلول للارتباط بها ... وفقك الله | |||||||||||||||
| |
|
11-05-14, 01:10 AM
| #6 | ||||||||||||
 
| اخي الكريم احيي فيك الشهامة والرجولة اللتي يفتقدها الكثير والدليل لى حسن نيتك انت والبنت انكم من موقع زواج وليس علاقات انترنت ليست جديه البنت صادقه دام انها توجهت لموقع زواج واكيد اهلها يعرفون والا ما كان سجلت ثاني شي الحل الانسب انك تقول لاهلك انها عن طريق واحد من اصدقائك يعني قريبتهم من بعيد وساكنه في جده وقول لاهلك انه هو فاتحك بالموضوع وانها بنت طيبه و اخلاق وراح يدلكم على عنوانها في جده او اذا وافقوا اهلك خذ عنوان البنت من والدها او اخوها اهم شي تكون بالصوره وهي اذا اهلها يعرفون انك من موقع زواج مارح يمانعون لانهم عارفين ان بنتهم مسجله اما اذا كان ابوها لا يعلم بتسجيلها في موقع الزواج هنا عليك انك تخلي البنت تفاتح ابوها بالموضوع انك من طرف احد صديقاتها وانك بالرياض وجايين تخطبونها في جده لازم تتفقون كذا عشان ربي يسهل لكم دامكم نيتكم حلال وطيبه واسال الله ان يوفقك ويجعلها من نصيبك وتطمنا عن اخر اخباركم تحيتي واحترامي لك | ||||||||||||
| |
