منتديات مسك الغلا | al2la.com - الكامل الله والخطا طبع { الانسان }

من طبعي ارد الإساءهـ { بالاحسان }
وأساير ظروف الزمان اللعينه ..

وأطوف الغلطه من { أفلان .. وفلان }

يعني من أجل { عين } تكرم مدينه ..

الكامل الله والخطا طبع { الانسان }
والدرب يفرق عن يسارهـ ويمينه ..

و { ـالصاحب } ا للي لـه معزهـ وله شان
ان جاني بـشينه .. تذكرت زينه ..

اتحمل اخطاءهـ معي { قدر الأمكان }
من جانبي تبقى العلاقهـ متينه ..

واللي { يغلطني } و ماني بغلطان
اصابعي احطها { وسط عينه } ..

مادامني مسلم وفي قلبي إيمان
عمر{ البحر } ماشال هم السفينه ..

مرت علي { انواع .. واشكال .. وألوان }
بين { العقول } الناقصه .. والرزينه

عندي قناعه ان { الإنسان شيطان }
اذا يهينكـ { لازم } انك تهينـه ..

يعني اذا حاجتكـ { بيدين عدوان }
يكفيكـ شر المهزلـه .. والغبينه ..

من{ كثر ماجاني } من الناس خذلان
تحرجني حتى كلمة { الله يعينه }

صحيح لي { ربع .. وجماعهـ .. وخلان }
وأضيق لكن حاجة الناس.. شينه

الشخص دام انه بكل شي{ خسران }
تأكد انهآ من عمايل { يدينه } ..

من مرحلة { حب .. ومشاعر .. وحرمان }
إن مالعنت الحب تلعـــن سنينه ..

اكتب شعر واعزف من { اشواقي الحــآن }
واسلي قلوب الغرام الحزينـه ..

ولو الشعر مخلوق في { هيئة انسان }

لأقول له تسلم { واقبل جبينه }...~