السلام عليكم
انا بصراحه مشكلتي مع ولد عمتي
انا اكبر منه بسنتين عمره 17 وانا 20
وانا مو على درجه عاليه من الجمال ولا اكذب عليكم اقول انا ملكه جمال انا عاديه يعني مملوحه
بس ولد عمتي مشكلته قليل ادب بكل ماتعنيه الكلمه بس يتقرب مني حركاته مو طبيعيه
من كان عمره 12سنه كان بصف سادس وانا بثالث متوسط كانت امه تجينا بفتره الامتحانات النهائيه عندها مواعيد مستشفى وكذا المهم
هو يجي معها وانا اكون بغرفتي اذاكر يجي عندي يسولف اسكته واقوله اطلع ابي اذاكر ويسكت بس مايطلع يرفض وعندي اخت بمثل عمره كانت تقوله تعال نلعب يقولها لا مابيك
يقولي ابيك انتي وانا اقوله مابيك روح العب ولا اجلس مع الرجال
اهله واهلي عادي يدخل غرفتي لانهم معتبرينه صغير
ومره جا وانا منسدحه اذاكر انسدح جنبي بحجه انو يبي يوريني مقطع بالجوال وانا ع طول اقوم واخذ كتابي واطلع ادرس بغرفه امي
المهم مرت يمكن سنه مدري سنتين واحنا ماجيناهم ببيت جدي ويوم جينا طبيعي بتغطى منه الولد بالمتوسط كبير بالغ يعني شافني انصدم وجاء قالي افا ي فلانه تتغطين مني قلت ايه اتغطى منك كبير انت ولا مو رجال !! >> ههههه طلعت مني غصب لاني ما اطيقه انا ومو قصدي مو رجال مو رجال قصدي يعني كبير بالغ يعني وهو ضحك بس سمعني واحد من عيال عمي مثل عمره وقام يضحك يقول بنت تقولك مو رجال وهو تنرفز ويصرخ علي يقول انا مو رجال تعالي معي اوريك الرجوله وانا خفت وهربت عند امي طبعا ماكنا لحالنا اخته بمثل عمري عندنا وتضحك
وبعدها بسنه تقريبا جيناهم بعد كان فيه عشاء باحد البيوت وكل الناس بتروح اتصلت علي بنت عمتي اخته قالت شرايك تجين عندي بالبيت اهلي بيروحون للعشاء استاذنت من امي ووافقت ورحت عندها وجلسنا بصاله جانبيه ونسولف ونضحك شوي الا جا دخل وانا ع طول تغطيت دخل غرفته شوي الا طلع عريان ماعليه ولا شي انا جتني ام الركب خفت وصديت عنه اخته ماتكلمت تضحك قال طلعي لي ملابس وراحت وهو دخل دوره المياه تروش وطلع عريان كمان واخته مو عندي ويطالع فيني ويضحك انا سويت نفسي اطقطق بجوالي وراح غرفته المهم ماصدقت يدخل الا قلت لاخته امي اتصلت تبيني بروح وهربت

واليوم الثاني كنت طالعه من بيت عمي بروح لبيت جدي عند البنات وتقابلنا بالممر لفيت ع اليمين عشان هو يمر يساري وقف قدامي لفيت يسار راح معي كنت متغطيه قالي وربي انك تصلحين للزواج ودفيته ودخلت البيت
يوم جاء بالليل كنا بغرفه عمي نطالع فلم واخته امها نادتها وراحت وانا جالسه وشفته جاي للغرفه ع طول قفلت الباب ع نفسي يدق الباب يقولي افتحي مافتحت له قام يدق يقول سامحيني ي بعد عمري واخواته ثنتين عنده ميتات ضحك

والسنه هذي هو بثاني ثانوي وانا متخرجه لي سنتين بعيد الاضحى جيناهم
وكنا بالعيد وانا اسولف مع الخدامه اسالها عن البنات يوم لفيت الا هو واقف يطالع فيني يوم شافني انتي انتبهت له سوى نفسه مايدري وبالغلط ودخل
جنني وربي واخته كل ما اقولها عقلي اخوك مايستحي تضحك تقول خليه ياخذ راحته !!!! او تضحك ؟ قهرتني بردها
وعمتي وعمامي اصلا كلهم علاقتي فيهم رسميه جدا جدا ومقدر اقولها
واخاف اذا قلت لاهلي بيشكون فيني
ولحد يقول وين اهلك مايشوفونه يسوي كذا اول شي البيت كبير مررره وشقق وممرات واحنا يالبنات مانجلس عند الحريم الكبار نجلس بروحنا ومافي بنات غيري انا وخواته ثنتين وحده مثل عمري والثانيه اصغر منه بالابتدائي

والله ان كل كلمه قلتها صحيحه ولا الفت والله يشهد علي
واسفه اذا طولت عليكم بس اول مره افضفض واشكي لاحد بهذي السالفه وانا اخترت هالمنتدى المحترم عشان اسمع كل الاراء من البنات والشباب واشوف رأي الشباب لانهم بيفهمون حركات الشباب الي مثلهم

اصلا حتى لو يقولي احبك او تصلحين للزواج انا مستحيل اصدقه او افكر انه يكون زوجي
اكرهه من حركاتته

وبالنسبه للزيارات انا مو ع كيفي لانهم بقريه مو بنفس مدينتنا واحنا نسافر نروح عندهم يعني مقدر اقول لابوي مانبي نروح عند عمامي ماراح يسمع كلامي اصلا

ومشكوره ع مرورك وردك ي ذوق

ايش قله الادب دي

وتصرفه تصرف بهايم استغفر الله

هالبني ادم يبيك تدينه وجه علشان يبغ قله ادب


كلمي اهلك والله ولاتسكتي على كذا

لاتزورينهم بكثررره احسن حل

ولاتعطينهم وجه