منتديات مسك الغلا | al2la.com

منتديات مسك الغلا | al2la.com (/vb/)
-   همومنا ومشاكلنا وإحتياجاتنا الشخصيه ( مشكلتي ) (https://www.al2la.com/vb/f77.html)
-   -   تعبت من تحمل مسؤوليه 9 اشخاص (https://www.al2la.com/vb/t49734.html)

مشكلتي 11-30-14 08:15 PM

تعبت من تحمل مسؤوليه 9 اشخاص
 
السلام عليكم بنات
انا بنت سعوديه عمري19 سنه اكبر بنت في العايله بس في اكبر مني ولدين
واصغر مني 3 بنات وولد >>ماشاء الله
انا صراحه تعبت وكل يوم قبل انام اظل ابكي تعبت وربي تعبت متحمله مسؤوليه اخواني واخواتي ال 6 وامي وابوي وانا يعني متحمله مسؤوليه 9 اشخاص وال10 بالطريق >>ماشاء الله
تخيلو يومي كله شغل في شغل
يعني اصحى الفجر اسوي لهم فطور واقعدهم يصلون وياكلون يجهزون للمدرسه وبعدين لما يطلعون اشيل الفطور واطلع ملابس اخوي ابوي اكويها لهم عشان يداومون
وهذا غير الحوسه كل واحد يصايح من جهه وين جزمتي وين المشط مريولي مو مكوي عدل اخخخ وكأني خدامه عندهم
طبعا اخواتي مو صغار 17و 12و 11 سنه بس كل شي علي انا
بعدين انام واصحى الساعه 10 اسوي الغداء وافتح لهم الباب وارتب الصاله واروح اسوي لامي حليب وانتظرهم لما يجون واحضره لهم واذا تغدو كلهم ينامون واروح عاد شغل في المطبخ لين الساعه 2 واول ما اطلع يكون ابوي صحى ويبي غدا احط له الغدا واجلس شوي ويجي العصر ارووح اصلي و اقعدهم وتبدا طلبات العصر حليب شاي قهوه خبز جبن ع حسب المزاج وارجع انظف المطبخ واجلس يجي المغررب اسوي العشاء واعشيهم وانظف الصحووون وارتب غرفه اخواني وغرفه امي واذاكر لاخوي الصغير تكون تقريباً الساعه9 او 10 واجلس خلاص لما تجي الساعه 11 يجي ابوي من برا احظر له العشاء
وربي تعبت كل شي فووق راسي امي واخواتي مالهم اي دور في البيت وانا مثل الخدامه هذا من غير التجريح اذا قلت لامي قولي لفلانه او شي تقول انتي هذا شغلك وانتي اصلا طول وقتك جالسه ماتسوين شي
واخوي يقولي انتي هنا بالحياه عشان تخدميني وانتي شغلك هنا خدامه
واحيانا اكوون تعبانه واشتغل تجي وحده من خواتي تطلب شي اقولها لا ابوي يهاوشني يقول انتي وحده اسلوبك خايس
وربي اكتب وانا ابكي

مع العلم اني مداومه ع الاستغفار وسوره البقره الحمدلله

egy qween 11-30-14 08:19 PM

يا حبيتي ربي يهون عليكي :مبحلق:
أنتي خذي الموضوع على إنك شي كبير و زيدي مكانتك في نظرهم :MonTaseR_4:
وللعلم إذا كنتي تتعبين مع كل هذول ما شاء الله عليكي فما شاء الله كيف لمن تكبري وتتزوجي وتجيبي أولاد ؟؟ :x:
لازم تتعودي على كده لأنك لسه ما شفتي شي :MonTaseR_51:

جَســـــوُرْ..، 11-30-14 08:30 PM

أولا: خدمه أهلك لك الأجر العظيم فيها و هذا ما يختلف عليها أثنان و لكن ...

ما تبيّن لي أنك تحملتي فوق طاقتك من شغل و إهانات .. لا أعلم من هو صاحب اقوى شخصية في عائلتك ( من له حـيله فل يحتال )

حاول أن تأسري قلب من هو أقوى شخصية في بيتكم لعل الله يرسل في قلبه الرحمه و يجعل له التاثير في ان يخففوا عنك.

و أن ما نجحت هذه الطريقة فما أظن أنك خسرتي شي أكثر من اللي خسرتية من قبل فـ عامليهم بالمقابل طنشي لا تطبخي و لا تسوي شي و اجعليها لحظه انفجار . لكي يعلموا بـ أنك أختهم و لستي خادمه لهم..

هالله هالله بالصبر و الدعاء..

و اسال الله لك الاجر و الخيره في حياتك.

مطر الفجر 12-01-14 12:09 AM

اقتباس:

المشاركة الأصلية كتبت بواسطة -1../يهـمِكـ تـعرفِ آمـري (المشاركة 523311)
أولا: خدمه أهلك لك الأجر العظيم فيها و هذا ما يختلف عليها أثنان و لكن ...

ما تبيّن لي أنك تحملتي فوق طاقتك من شغل و إهانات .. لا أعلم من هو صاحب اقوى شخصية في عائلتك ( من له حـيله فل يحتال )

حاول أن تأسري قلب من هو أقوى شخصية في بيتكم لعل الله يرسل في قلبه الرحمه و يجعل له التاثير في ان يخففوا عنك.

و أن ما نجحت هذه الطريقة فما أظن أنك خسرتي شي أكثر من اللي خسرتية من قبل فـ عامليهم بالمقابل طنشي لا تطبخي و لا تسوي شي و اجعليها لحظه انفجار . لكي يعلموا بـ أنك أختهم و لستي خادمه لهم..

هالله هالله بالصبر و الدعاء..

و اسال الله لك الاجر و الخيره في حياتك.

رد رائع جدا من الاخ يهمك
و اضيف تعليقي ايضا
يا اختي العزيزه
كلنا في فترة من فترات حياتنا كنا نشتغل ونخدم من هم اصغر مننا
لا يجب علينا التذمر لان هناك يوجد ناس اسوا منا
صدقيني لا شيئ يدوم ولا راحة في الدنيا

ان شاء الله يكون لك اجر عظيم في كل ماتفعلينه لعائلتك واهلك
تحيتي وتقديري لك

جُلَّنار 12-01-14 12:10 AM

حبيبتي اعتبري العمل هذا لوجه الله
صح بتلاقي اهانات وعدم تقدير بس منتي دايمتلهم ودوام الحال من المحال
وانتي المستفيده ترا بس تتزوجي ان شاء الله ويحظ زوجك ههههههههه يعني ماشاء الله حتكوني ست بيت درجه اولى مو زي دحينا كل شي يرموه عالشغاله ويجي زوجها من الشغل وهيا حاطه رجل على رجل لا طبيخ ولاتنظيف ولا شي..
والله يسهلك يارب وثقي تمام كل شي احنا نسويه في الدنيا هدي محسوب عند الله سبحانه وتعالى
وربنا يسهلك حبيبتي

مسكك الغلا 12-01-14 12:21 AM

وين المشكلة. طيب ؟!

شي طبيعي انا زيك واكثر كمان دام فاضيه وعاطله فهذا شي طبيعي جدا

انتي مكبرتها مررررره

احتسبي الاجر ومصيرك راح تتزوجي وتنتقلي لبيت زوجك


الساعة الآن 12:16 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا