منتديات مسك الغلا | al2la.com

منتديات مسك الغلا | al2la.com (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   كنت هادي .. (https://www.al2la.com/vb/t49905.html)

شموخ عزي 12-04-14 08:21 AM
كنت هادي ..
 
كنت [ هادي ] ....
ومن هدوئك كنت خايف !
كنت [ عادي ] ....

لاشعور ولا عواطف !
وقتها حسيت إن هذاالهدوء ..
مستحيل يمر مايسبق
" عواصف " !
صاب ظني .. ليت ظني كان خايب !
غاب صوتك !!
وإبتعدت وصرت غايب ،
غبت عني ....
وغابت أفراحي معاك ،
ليش غبت؟!






وليش ماعدنا حبايب







لاتقول ف [ رميتك ] ماكنت رامي !
أشهد إنك . . .رامي أحسن صنيعه !!
..
من عشقتك وإنت في جرحي عصامي !
ومن عرفتك . . .وإنت لك [ ذمه وسيعه] !!
..
شايف وساكت ومتراكم ملامي
في حياتي شفت شغلات فضيعه
..
علمتني دنيتي {أكتم} - غرامي
وإن لقيت - إنسان بايعني ,أبيعه !!
..
وعلمتني كيف..أحول/إنهزامي
لأنتصاري...وآتحايل عالخديعه !
..
مهما أعطي للزهر كل إ هتمامي
ما يفتح , غير . . . في موسم ربيعه
..
علمتني كيف" تتساقط" أسامي ,
وعلمتني كيف أبقى ب..الطليعه
..
علمتني أمشي و آطالع . . . أمامي ،
طيحة الشاطر . . تجي دايم سريعه !
..
علمتني كيف أفرضه إحترامي ,
ولي كرامه , يهمني تبقى رفيعه
..
ليه أشيلك ذنب دام القلب سامي؟
وليه أحمل نفسي...مالاأستطيعه !
..
ليه أتمتم وإنت ما تسمع كلامي ؟!
ولو يحرضني لساني ليه أطيعه !؟
..
صمت عنك . . . لا تجي وتجرح صيامي
عندي الفرقى , ترى صارت [طبيعه] !
..


:





ما أعاني ,
والحزن أصلانساني
رحت عني
تكفى [لاترجع] . . . عشاني !

الأماني تحققت لحظة غيابك /
مات حبي ,
وقمت ما أسمع أغاني!
كنت ذنبي
وأحمد الله إنه هداني

شليويح ~ 12-04-14 09:09 AM
الله الله

صمت عنك . . . لا تجي وتجرح صيامي
عندي الفرقى , ترى صارت [طبيعه] !

حتى حرفك تَرْف !
لآعدم ي بنيّه ..

شموخ عزي 12-07-14 08:38 AM
كآن لحضورك هنآ جمالا .. واشراقا ..
سُعدت بوجودك الرآقي ..
ودمت بقلمك حسا وذوقا ..
يكفي متصفحي فخراً ل تنآثر احرفكم..
شاكرة لك عطر حضورك وعبير كلماتك..
ل روحك انفآس الكآدي ..
تحيتي وتقديري..


الساعة الآن 01:10 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا