هذا رقم جوالها



البارحه وأنا اشكي من الحزن وانشد لي طبيب



اسئل عن جروح الحزن وشلون اعالج حالهـا



وجتني رساله دقت بقلبٍ من الفرقـا صويـب



ورحبت بالمرسل قبل لاشوف وين ارسالهـا



قريتها وأنهارت دموعي ودمع الرجل عيـب



بكيت ماهو ضعف لكن من غلى اللـي قالهـا



حبيت جوالي وضميته على القلـب العطيـب



وصاحت جروح القلب! (هذا رقم جوالها)



بالله كلمها وأخذ منهـا وعـد يكفـي تغيـب



بالله طمننا عـن احـوال الغلـى واحوالهـا



بالله ذكرها عن اول جرح من طعنـة حبيـب



بالله ذكرها عـن جـروح الهجـر واهوالهـا



قلت آآه خلوني ترا مالي على الدنيا صحيـب



الا جوارحهـا وهاتفهـا وشيـن اعمالـهـا



قولو لها تـرا الفـرج مهمـا تعذبنـا قريـب



وقولو لها هـذي هـي الدنيـا وهـذا حالهـا



وقولو لها ترا جروح الحزن لايمكـن تطيـب



طول الهجر يحيـي بقايـا دقهـا وأجلالهـا



ياغاليـه عيّـت تجمعنـا اليالـي والنصيـب



وقلوبنا طول الهجـر تـرا مهـوب اشلالهـا



ياغاليه تـرا جروحـي مايعالجهـا الطبيـب



مثـل ماقلتـي والله انـي حالتـي يرثالـهـا







,
,
الشاعر
صالح آل مانعة