طبعا حابة اشكر الكل ع المشاركة

طبعا الغلط الاساسي من المتحرش اولا 90% منهم يكونون عارفين انه هالشي غلط او حرام او عيب مع ذلك يسونه بحكم شهوتهم او ما في شي يمنعهم و المجني عليه يخاف يعترف بهالشي خاصه بمجتمعاتنا العربية انه هالشي عيب نتكلم فيه او ممنوع من النادر جدا نحصل بنت او شاب يروح يقول والله واحد من هلي اعتدى علي خوفا من الفضيحة او حتى المشاكل وهالشي يستغله المتحرش ويكرره مرة و مرتين وعشرة ومع اكثر من شخص والمصيبة الاكبر اذا حد عرف وما وقف المتحرش بالعكس تم ساكت ويقول انا مالي شغل دام الموضوع بعيد عني او عيلتي ..

شي اكيد واللي المفروض يصير يكون فيه توعيه وجدا كبيرة سواء من المدارس او الجامعات او حتى الاعلام و لازم الاهل يتفتحون اكثر و يفهمون عيالهم بهالمواضيع ، اذا الانسان ما تعلم من اهله شنو الصح و شنو الغلط و الحرام و الحلال راح يتعلمه بره وكتير صرنا نشوف قلة الادب و الاحترام من اطفال اعمارهم ما تكمل 5 سنين وطبعا السبب انهم يقلدون كل شي يشوفونه ..


حابة اقولكم موقف صار معاي وانتوا احكموا مين السبب برايكم ؟
مرة كنت بالمستشفى شفت اخوان ولد وبنت ما يعدي اعمارهم ال6 سنين يلعبون صوب الثلاجة مال الحلويات واهلهم قاعد ينتظرون دورهم وانا اطالعهم لاحظت الولد يسوي حركه باخته ---------- نصدمت بصراحة صرت اشوف الاهل اول شي كانوا يضحكون وبعدين راحوا يبعدونهم

بذمتكم بهالحالة من السبب هل معقولة يشوفون هالشي عن طريق التكنولوجيا ولا يشوفون اهلهم يسونها وقلدوهم ولا بالمدرسة او الروضة ..

قضية تحرش المحارم مو مجرد قضية او موضوع هاي مصيبة ولازم يكون لها حل جذري ..