| شموخ عزي | 12-17-14 10:00 AM |
حفظت العشق يوم إنّه خليّ من الغدر والبوق وتركته يوم قدره طـآح بين فلآن وفلانه
على ذكرى الغرام وطاري الفرقى ونبض الشوق
سلآم الله على خل حفظت اسمه وعنوانه
عرفته من ثمان سنين والخآفق عليه يتوق
ولا والله نسيته كون ينسى الطيب أخوانه
أحبّه وان طلبني من غلآه , اسوق نفسي سوق
واهو لا من طلبته قال , عان اللي تبي عانه
تجمعنا على العشق العفيف وصادق المنطوق
وتوادعنا على خشية جليل الملك سبحانه
يقولون الرجال , الّي لهم عند الرجال حقوق
ترى الرجال تحسب قيمته من منطق لسانه
وانا والله عزيز وماشكيت همومي لمخلوق
ولا والله رضيت العشره الي مالها خانه
حفظت العشق يوم إنّه خليّ من الغدر والبوق
وتركته يوم قدره طـآح بين , فلآن وفلآنه
فلو ان الدمع من عيني ماينزل تحت يطلع فوق
بكيت ويكفي اني مابكيت الا على شانه
.. بكيت , ويكفي إنّي مآبكيت إلّا على شانه |
| 