قالت بدو
صدت وقالتها بقرف
بنت الأكابر والترف
متكبره متعاليه
يعني بدوي يقعد طرف
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا: عدد
رقم ولا اكثر بعد
يعني مجرد تكمله
والا اهي اصل البلد
قالت : بدو
يعني صفر على الشمال
هذا على احسن احتمال
قلت:أي نعم
حنا بدو
حنا عما عين العدو
حنا البداوه طبعنا
واهل الوفا هم ربعنا
حنا بدو
اصل وفصل
حنا بداوتنا الاصل
ماهي بداوة تليفزيون
والا مسلسل اردني
بس بدوي بالمكرفون
ولا هد سيفه ينثني
حنا بداوتنا تراث
من جيل لا جيل انتقل
بالقمه حنا مو اقل
ماهم بدو
بيت السدو
حنا بدو
حنا معاني ساميه
نروي السيوف الضاميه
نرد المنايا ما نهاب
لو هي سعاير حاميه
حنا بدو
صعبين ونحب الصعب
اهل الخشونه والتعب
حنا يميزنا الوضوح
واذ اكرهنا ما نحب
حنا بدو
حنا البداوه عيدنا
ما ناكل الاصيدنا
مانعيش عالة مجتمع
نموت مانمد ايدنا
حنا بدو
حنا البداوه ... بدمنا
مانسمي احد عمنا
حتى ولو منهو يكون
لو هو زعل ماهمنا
ياتارسه وجهك صبغ
ياتارسه عينك شدو
حنا بدو
حنا بداوتنا شيم
دين وقيم
طيب وظفر
ومعنى كبير
يعني التمسك بالجذور
ماهو التخلف والجهل
ولا بعد حب الظهور
ولا التنكر للاهل
حنا بدو
حنا بداوتنا شمم
فعل وكرم
مبدأ حضارات الامم
حنا القمم
ولنا الفخر
لو عشنا ببيوت شعر
عيشة ألم عيشة فقر
عيشه تعلمنا الصبر
مانحسب ايام الشهر
مانقترض
نشرب من الماي الهماج
نكحل نواظرنا بعجاج
ساعات مانلقى ذرا
يكفي نتلحف بالنجوم
وفراشنا رمل الثرا
وسراجنا نور القمر
لامن ظهر
نومن بقضانا والقدر
ماهو كسل
والا نعيش بلا امل
نملك طموح علم وعمل
ونرعى الابل
ونرعى الغنم
ونعزف من الوانه نغم
ونتابع اخبار المطر
وندور الروض الخضر
نسري ورا
برق سرا
ولا نتراجع للورا
نبحث عن المرعى العشيب
ومن شعيب اليا شعيب
مانستقر
عنواننا كل الديار
تجوالنا ليل ونهار
وهذي حياة الباديه
سنه ربيع
سنه دهر
ورغم الفقر
نخاف من قولة افا
ونتعب ورا قولة نعم
ونعيش عالين الهمم
نرعى الذمم
ناخذ من الصحرا الهدو
لأنا بدو
يا تارسه وجهك صبغ
يا تارسه وجهك شدو
ياللي تقولين بدوي
عزمي قوي
يبدا نهاري بالصلاه
واصارع امواج الحياه
محافظ على الخمس الفروض
واضح ولا احب الغموض
ماالتوي
لاني بدوي
متمسك باصالتي
ولا اغير لهجتي
انا بدوي
في فزعتي في جلستي
في كلمتي في نخوتي
حتى عقالي ولبستي
ولو قلتي عني فوضوي
ماهمني
بالحيل يابنت بدوي
ويسرني
اعرف زين من انت ومن انا
ويكفينا نعرف بعضنا
والفرق واضح بيننا
انتي مثل عمر الزهور
مالك عمر
شهرين ويجيها الجفاف
وتندثر
وتصبح الوانك باهته
وانا جذوري ثابته
ياتارسه وجهك صبغ
ياتارسه عينك شدو
حنا بدو
حنا عما عين العدو
كنا ولا زلنا بدو

حلفتي لي تصونينـي إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلتينـي

..

كسر رمح الزمـــــن صدري وجيتك اشتكي حيـران
نزعتي الرمـــــح من صدري وفي ظهري طعنتينـي

..

خســــــــااااره كييـف حبيـتك؟؟! نعـم والله ندمـــان
غـــبــــــــي أدري نعـم ادري مـا دام انـك سكنتينـي

..

سنـــــــه مـن عمـــــــري وأنـا فـي لعبتـك غرقـان
أشيل الـــــشــوك من دربك وجرحـي كـان يدمينـي

..

وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يــــــــوم تبغينـي
..
عرفتك للآسف صحـــــــراء وحولتـك إلـى بستـان
وشلتيني غصن أخضـــــر وفي صخرك زرعتينـي


..

حفرتك داخلي وظني تصوني عشرتـــــــي أزمـان
وكنت أحفر قبر موتــــي علـى ساحـل شرايينـي


..


على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــــــــي

..
..ولكن عــــزتـــــي تفـرض أكـون بدنيتـي سلطـــان
وإن ظنك أجي أركع لرجلــك... مـا عرفتينـــــــــي



..
أنا مو عادتي اشحذ من أمثالك رضــــــا وإحسـان
أمـــــــــــوت بـــعــــزتـي ارحـم ولا ذلــك يغطيـنـي



..
وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي



..

ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي



..
ولو دار الزمــــــن ضدك وجيتـي تطلبـي الغفـران
وجبتي الشمــــــــس فـي كفـك لعندي..مـا بتلقينـي



..
تقول الناس في وصفك جميلة مثل عـود البــــان
وإنك أجمل وأحلى بشـــــــــر مخلـوق مـن طينـي


وإنك غاليـــــة وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينـــــــــي



..

حــــــسافه غرهم شكلك ويـا مـا تخـدع الألــــوان
عموماً .. بقت كلمة أخيرة لك على قلبي وسمعيني

..
إذا كنتي بنظر غيري مـــــلاك على هيئـة إنسـان
قسم بالله ما تسوين شعـــــــره مـن رمـش عينـي

كثيـر الـلـي تمنـانـي وطـلـب ودي ولاجيـتـه
ازعلهـم وابكّيهـم واراضـي منـهـو اشقـانـي ...
انـا بانـدم علـى خـل ٍ رجانـي حــب وخليـتـه
ولا بانـدم علـى منهـو رجيتـه حـب وخلانـي ....
صحيح الوقت ياصـاح يبيّـن كـل مـا اخفيتـه
وانـا كلـي غـلا اعطيـت وبالـجـرح تجـزانـي ....
انا من وقت ما شفته وعشقته حيل وحبيتـه
فديتـه غالـي العمـر وملـك قلـبـي ووجـدانـي ....
عطيته وما حسبت حساب جروحه وتحاليته
وقلـت الله علـى خـلـي هـديـة ربــي وجـانـي ...
مـا دام الغـدر إسلوبـك وحبـي لــك تناسيـتـه
دخيلـك امسـح ارقـامـي واسـمـي وعنـوانـي ...
انـا مالـي بحـب أبـكـم جيـتـه وكــم ترجيـتـه
طلبتـه يقـول احـبـك بــس ولكـنـه تناسـانـي ...
غريبـه دنيتـي والله غريـب الـحـزن عانيـتـه
غريبـه حلمـي يتحطـم وعمـري كلـه اعانـي ...

لاتعتذر دامك تبي ترحل الـــــيوم
ما عاد لعذارك بقلبي مكانه

عشت الزمان بدنيتي دوم محروم
وأنت الزمن عشته بطيحة ميانه

كنت أحسبنك بالوفا عايش دوم
ياللأسف ضيعت حبي وأمانه

ترى الهوى شرعه مواعيد ولزوم
ابسألك يافلان ليه الخيانه

ان كان شرعك بالهوى ماله سلوم
وعايش حياتك كلها في مهانه

قرب ترى عندي سواليف وعلوم
مال الاهانه غير رد الاهانه

وكانك تبي في بحرنا تكثر العوم
بحر الهوى له وقت ولى زمانه

ابدفن الماضي وبقول مرحوم
مرحوم ياشخص غدر بي لسانه

وبحرق بقايا ذكرياتك وملزوم
أحرق مع الذكرى قلوب جبانه

ماقد جرحتك ولا في يوم ضريتك ***** ولا اذكر ان الغلا قد طاح تقديره

تخطى وتجرح وتقهر ما تحديتك ***** اصبر واحمل على حمل الشقاء حيره

رغم اللي شفته من عنادك وتشتيتك ***** ماقد طرا لي أبدل حبك بغيره

لا وحسافه زمان فيه حبيتك ***** درب مشيته معك خابت مشاويره

تصدق اني كرهتك قدر ما غليتك! ***** والحمد لله عساها تكون لي خيره

مابي كلامك وعذرك وانت ياليتك ***** تصك باب العذر وتفضها سيره

والله لو لك قدر عندي؟ تحريتك ***** لكن غلاك انتقل واجتثت الغيره

وش جابك؟ الله يردك سالم لبيتك! ***** أرحل توكل تراك مضيع الديره

الله يستر عليك تروح ماجيتك ***** دور بدالي عسى بفراقنا خيره

عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا