|
أسابق الساعة و تسبقتي الساعة تقضي وانا توني باوَل ثوانيها ابشتري و قت وين اسواق بياعه يااللي تبيع الدقايق حد و اشريها قلبي يبي وقت لو الوقت ما طاعه و عيني تبي شمس لو الشمس تعميها و نفسي مثل باقي الاجواد طماعه أبي أجدد على الفرحة لياليها لاشك الايام للفرحات مناعة لفو نورت ليلةٍ عشرين تطفيها يظهر ثبات الفتى و النفس مرتاعة خوف على اللي نحبه من بلاويها لو ان كلٍ ينال مناه بذراعه خذيت حقي من اقصاها و دانيها المشكلة انك يابو لحظين بتاعه تاخذ سلاحي من الكفين و اعطيها و انا ادري ان العيون السود خداعة لاشك ودي أصدق منك داعيها و المهتوي لا اهتوى ما يطوي شراعه يمشي على النار كنه ما وطى فيها |
في غير الزّمان في نفس المكان مَرّتني الذّكرَى وأنا واقف في نفس المكان في غير الزّمان في ذا ضحكت أيّام لكنّي بكيت في ذا حلمت أحلام لكنّي صحيت منها أبتديت وفيها أنتهيت إلاّ من الذّكرَى في نفس المكان في غير الزّمان قالت لي الذّكرَى كلام عنّي كلام واللّه بغيت أنساه وصاحت ربابة شوق واثر النّغم منّي .. يشكي وانا شكواه وغنَّى صوت في ليلة فرح وهلّت عين وقلب أنجرح في صوتها جرح وْتعب وفي عينها نظرة عتب وشفت إبتسامه عليها هلّت الدمعه ونظرة ملامه من الماضي علَى ربعه وانا مع الذّكرَى في نفس المكان في غير الزّمان تعطيني الذّكرَى ولا تاخذ أبد تحكي لي الذّكرَى ولا تسمع لأحد وانا عندي كلام ممنوع حتّى عن الخاطر لا ياخذه أمسي ولا يقبلـه باكر ما اقدر أوضّح غايم الصّوره ولا أزوّد للمسا نوره اللّه يا ذكرَى ياما فهمتيني خطا ياما قدم رجلي علَى جمرك وطا واليوم هيّضني هواي أشكي ولا أدري وش بلاي هو من شقاي الّلي مضَى والاّ هناي وانا مع الذّكرَىفي نفس المكان في غير الزّمان |
إرفعـي سهـم المنايـا يالعيـون مابقى فينـي مكـان(ن) للطعـون كل شبر(ن) فـي حياتـي إنجـرح و الذي شقّـوا خفوقـي يشتكـون يا العيون الطاغيـه خفّـي علـي كبرت اللّـي بـاوّل ايامـي تهـون فـي عيونـي دمعتيـن واقـفـه ردّت الايـام دمـعـي بالجـفـون بالغَـت فينـي تباريـح الـهـوَى و أستبدّت بي المواجيـع الظنـون خبّرينـي يـا غـرام العاشقـيـن كيف يستهوي هل العشق المُنُـون إرحمي قلـب(ن) تجاريبـه قسـت في زمان(ن) ماعرف يوم(ن) حنون اللسان يخـون و البسمـه كُـذُوب و اصدق التعبير نظـرات العيـون |
كفاني عذاب الله يجازيك بأفعالك .. جرحت الضمير ولا طرى لك تداويني .. مريض المحبة داه و دواه بوصالك .. ألا كيف تبخل وأنت نظرتك تكفيني .. ألا وعذابي كيف ما عاد يهنا لك .. سوى أنك تشوف الموت بيديه يطويني .. أنا يوم أحبك ما تذكرت غربالك .. ولا قد حطيت في بالي أنك تجافيني .. تفرغت لك يا ساكن القلب لحالك .. تقل غيرك من الناس ما هم بجايين .. أنا قام يطرى لي بالأحلام مرسالك .. وطيفك حبيبي بين الأحلام ناسيني .. |
لِسٌطوركْ بوحٌ مختلف قد أمتلئ روعةً وجمال بوحٌ مٌنفَرْد بِعَذبْ الَكَلامْ وَسٌمُو الَمعَانٍي حُروفكْ ليلْ ومَشاعركْ قمرُها وهُنَا تَنفسنَا أعذب الهَواء وأرقهَ نَصْ ثَريِ مِنْ شَخصيَة رآقيَة تمَلٌكْ ذَائقِةً عَذْبَة |
| الساعة الآن 08:06 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا