توالدت الأنوار يوم انولدتي
كل عام وانتي نور هالارض كل عام

اليوم.. مـاهو عيد ميلادك انتي
اليوم هذا .. عيد ميلاد الأيام

جيت تـايه لـ الزوايا والرفـوف
منت فيها بس أحس أني معاك

صورتك وآخر رساله والطيوف
ليـه تتـركها هـنا دامك هنـاك ؟

مـاكان يبكي دمع: كان-
يضوي شموعه: للحنين

فـي ليل رمشه: شمعدان
والشمع دان: فبحر عين

كلما ناظرت الليل: بـان !
وأوقد بشعري: شمعتين !!

هذا الشفق ،، ورد الحفِل
وسماه هذي ،، فازته

والشرق ذا ،، وجنة طفِل
والشمس ذي،، غمازته
،
الصبح ذا،، نبضٍ جَفِل
كـل الصدور بعازتـه

على قد الشعور الضايق المُنهك
كتبتك للقاء خذني من إيديني

أنا بوجه الوفاء و الحب وبوجهك
إذا أحتجتك أمانه .. لا تخليني !

يا صاحب الليل لا تحكي لـي أسمعنـي
الصبح صـادق وعيـن الليـل كذّابـه

دعني أرتّب حـروف السالفـه دعنـي
الناس من جوعهـم صارولـي ذيابـه

ماني غبي.. لكـن ..أفـوّت ويمنعنـي
طيبـي وأشـرّع لهـم قلبـي بأبوابـه

واليا تعدّوا خطوطي غدر فـ/ أقنعني !
وشلون هـ/ اللي غدر ما أشقق ثيابه ؟