منتديات مسك الغلا | al2la.com

منتديات مسك الغلا | al2la.com (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   إلا محبتـك ؟أعيـت مـن يداويـهـا (https://www.al2la.com/vb/t51521.html)

ريم الغلاا 01-06-15 12:15 PM

إلا محبتـك ؟أعيـت مـن يداويـهـا
 



http://cdn.top4top.net/i_87fd947c4e1.jpg



ياللي جفيـت وجفـاك المـر .. ذابحنـي
عقبك وجيـه البشـر .. مانـي بدانيهـا
من يوم حبك .. غـزى القلـب وتملكنـي
قطعـت كـل العـلاقـات وطواريـهـا
اقـرى رسايلـك ودمـوعـي تسابقـنـي
وارد ! واقرى الرسايل .. واحتفـظ فيهـا
انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا
لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا
ليت الفـرح ( بنـك ) لاجيتـه يسلفنـي
واقاصـده ( راحتـي ) وحقوقـه اوفيهـا
من كثر ماكنـت ! جارحنـي وظالمنـي
قمت اعـزل جروحـك بقلبـي واسميهـا
تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا
تدري متـ ؟ تعـرف قـدري وتفقدنـي
لارخصت نفسك ,, لشخـص ٍ مايراعيهـا
بكـره لا هملـوك الـنـاس تذكـرنـي
وتقول عـزاه : عينـي مـن يداريهـا ؟
مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا
يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا
اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا
واهديتني جرح .. موجعني ؟ وعاجبني ؟
لان الهـدايـا عـلـى مقدارمهديـهـا
صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا
مفضوح ؟ راع الهيام .. ونظرته !! تغني
ملامحه واضحه ! , في وجه راعيهـا
لكـل داء ٍ دواء .. لـو هــو متعبـنـي
إلا محبتـك ؟ .. أعيـت مـن يداويـهـا
ان قلـت : علمنـي انسـى ؟ لاتعلمنـي
دنيـاي لامـن نسيتـك ويـش تاليـهـا
فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا
مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا
اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا
نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا
تبي تعرف ! وش ؟ على الفرقا مصبرنـي
انـك بخيـر .. وحياتـك مهتني فيهـا
مـن يـوم ماغبـت ! والوحـده تعذبنـي
اقرى ( رسايلك ) فـي حرقـه والاحيهـا
اشوف ( صورتك ) .. ودموعي تسابقنـي
وياكثـر ماجيـت أبمسحهـا ؟ وأخليهـا!



http://cdn.top4top.net/i_238494f3ea1.gif




وردة الاطلس 01-06-15 12:47 PM

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

فيصل الجاسم 01-06-15 01:49 PM

جميلة ورائع اختيار ذووق يعطيج العافية
لاهنتي

ريم الغلاا 01-06-15 02:42 PM

وردة الاطلس


أسعدني ردك وتعطيرك لصفحتي
فجزاك الله الفردوس إن شاء الله
ودمتي بحفظ الله ورعايته

ريم الغلاا 01-06-15 02:43 PM

فيصل الجاسم


شكرا لمرروك الذي عطر المكان
ونشر بشذاه أركان موضوعي
فبارك الله فيك

صقر 01-06-15 06:24 PM

https://lh5.googleusercontent.com/-f...3449_1_3_1.gif

جزاك الله من الخير اكثرهـ دقه وجله
ومن العطـاء منبعـه وأفضله وأجزله

لاحرمنـا البآريء وإيـاك ـأوسـع جنانـه
دمت بسعادة من الرحمن مدى الحياة والأزمان

بانتظار نثر زهورك المفعة بالعطور والبخور
جعلها الله شاهدة لك لا عليك يوم القيامة
تقبلي تحياتي ومروري المتواضع على متصفحك
https://lh5.googleusercontent.com/-f...3449_1_3_1.gif


الساعة الآن 06:35 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا