|
وين الصديق اللي على الشف والكيف اللي ليـا شفتـه جروحـي براهـا في ساعة الشدات بايدي كما السيـف كل الهمـوم اللـي بقلبـي جلاهـا رفقته لي عـزْ ومهابـة ْ وتشريـف والنفس فـي قربـه يجيهـا غناهـا ياحيف من بعض الرجاجيل ياحيـف اللي علـى حكـم المصالـح ولاهـا لاصار مستغني يجيـب التصاريـف ويصـد عنـك ويبتعـد ويتـلاهـى ماعنـده استعـداد يلحقـه تكليـف حتى لـو اصحابـه تسايـل دماهـا ولاصار يبغى منك خدمـة وتسليـف تنقـط لسانـه عسـل مـن حلاهـا ويجيك باغلى المدح واحلى السواليف ويصيّرك نجـم رقـى فـي عُلاهـا واذا قضى حاجتـه ولّـى ولاشيـف ياليش يرجـع بعـد ماهوقضاهـا؟! هاذاك مثل البارق اللي برق صيـف سحايبـه شحـت علينـا بمـاهـا مكتّفٍ عن طيـب الافعـال تكتيـف نفسه خبيثـة موتهـا هـو دواهـا لاصـار ماينفـع رفيـق ولاضيـف يالعنبـو رفقتـه واللـي شراهـا |
صورت في بالي حروف وعبارات وبرمجت صورتها على ادق تصوير وناضرت قبل اعوام ويش الذي فات وناتج كلامي صار من غييرتغييـر شطر اختصر كل الطرق والمسافات الغالي الي راح يفرق عـن الغيـر |
لوان طرق الشعر معنى رجوله حرام لطرق به على كل البحور واحط لي كرسي واماره ودوله واقول انا لي دور ياللي لكم دور |
حي منهو لا ذكرتـه دريـتـــ أنـي بخـــــيــــــــر صاحب لا شافنـــــــي ضقـتـــ منـه ضمنـــــي يشتعل بي لين يطفا على الــــعـــرق الأخيـر وأنثر له شـوق واليـا أنتثـرت إيلمنــــــــــي |
من عيوني يا حبيبي من عيوني اطلب والبي لك من عيوني اتبسم انا اجيلك واشعل في قناديلك اماني العمر ونزرع شوق ونجني حب من عيوني اطلب والبي لك |
الناس تفرح بالهبيّب وانا انحـاس لانـه يحـرك علـة ٍ محتويهـا روحي تعذب كلما هـب نسنـاس تقـول ماكـن المحانـي عليهـا يزيد جرح القلب و القلب حساس حتى نسانيـس الهـوى مايبيهـا ومن عادتي لادك فالصدر هوجاس اشرد بنفسي في الخلا و احتديهـا الناس و الدنيا منازل بلا سـاس رحيلهـا وان طولـت مقــتفيـهـا ومن هي رصيد له تواليه لفلاس وبيموت ماشاف الغنى من حديها هذي هي الدنيا وهذي هي الناس خسران من علق هقاويـه فيهـا غرارة ٍ فيها الرجا كنـه اليـاس حتى ولو جـادت فمنهـا و اِليهـا اللي يلاقي وجهها الشين ينـداس واللـي يلاقـي زينهـا يهتويهـا كم من رفيع ٍ خلته يرخي الـراس وكم من وضيـعٍ خلتـه يعتليهـا يشوف فيها العاقل اشكال و اجناس يزهدبها ويراقـب اللـي يليهـا فلاباس ياشكاية الوقـت لابـاس عنـد المدبـر دبـرة ٍ نحتريهـا |
| الساعة الآن 06:45 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا