مشتاق لك والغلا قرب يضيعني ...
 

مشتاق لك والغلا قرب يضيعني
والخاطر اللي صِبر مل وقضى صبره


بعلمك شيٍ وإفهم دام تسمعني
من واقع التجربه والوقت والخبره

لو الخلايق على حبك تنازعني
يبطون مآحركوآ فيني مغز إبره

ماغيرك أحد ٍقوى قلبي وولعني
وغلاك عندي بوسط القلب ياكبره

جيتك مشتت فكر ودي تجمعني
متضايق من البعاد وشوف لي دِبْره

لو بتكلم غزير الشوق قاطعني
مكسور والخاطر المكسور وش جبره

يخونني الوقت والغيبه تصارعني
أكتب وحتى القلم خان ونشف حِبره

رجعتلك { والغلا والشوق } رجعني
ياحيّ هالشوف و الضحكه و هالنبره

غيرك من الناس لو حاول يطالعني
أصد عنه ولا أشوفه ولا أعتبره

إلا أنت يالشاري اللي منت بايعني
نظرة عيونك صفا لو ليلتي غبره

وإن كان ودك لدرب الحب تدفعني
القلب يعشقك مايحتاج تختبره

وأكبر دليل الخلايق لو تنازعني
بالحب ماحركوا فيني مغز إبره
...

صمتي حكايه
أبدعتي من البدايه إلى النهايه
شعر يستحق الثناء والتقدير

شكراَ الف

أبدعتي تقييمي لك

أمير المدائن
البرنس الجنوبي
يا هلا فيكم
سعدت بتواجدكم هنا
مروركم الاروع لا شك
تحياتي لكم

يديك العافيه