شفتها ضايعه بين الزحام .

في ليلي(ن) غشاها بالظلام

تبكي ولا ادري وش اللي بلاها

وش اللي حصل فيها وجاها

قرّبت منها سألت . وش اللي جرى

وش اللي في حياتك طرى*

وسألتني منهو انت

وش اللي عرّفك فيني . انا محدٍ يبيني*

ارجوك عني ابتعد .. ولا تقرّب صوبي ابد

قلت : معقوله ما عرفتيني . بعد ذيك المحبه نسيتيني*

نسيتي وش اللي جمعنا . وإنا في بعضنا طمعنا*

قالت هالليالي غيرتني . وغدرت فيني وتركتني*

ولا بقى بالحب باقي . ولا سوى حزني بلاقي*

قلت وش اللي جرى

وش اللي في حياتك طرى*

قالت ضاع حبي مع انسان .. ومستحيل انه انسان*

وضاعت طيبة هالزمان .. في هالزمان*

ولا بقى للحب والطيبه مكان .*

هويته بكل ما فيني ..

وغدرني ..

عطيته كل غالي في حياتي*

وهجرني*

ما دريت انه طمع . ولنبض قلبي ما سمع*

..............

ارخيت عيني عنها بالنظر .

ونظرت فيني وقالت :


وش فيها عيونك . ؟

قلت آثار السهر .*


أنا في بُعدك شقيت . ومستحيل أوصف حالتي*

مهما حكيت*

مستحيل ارجّع أيامي ورى .

وأبدا من جديد*

وبعثر اوراق(ن) بها حزني وليد*

ما اقول اني نسيتك . ولا كنت ابي ذكراك*

لكن زماني حدني في حياتي ولقيتك*

قالت مهما تقول . ومهما البعد فينا يطول*

ومهما تنكرت لودادي

ومهما بقى فينا البعادي*

ما تناسى قلبي غلاك . لو تذكرتك أو تنكرتك*

قلت ارجوك سامحيني . ما عاد باقي لي صبر .*

ولا عاد فيني .*

وقفيت عنها ورحلت . والدمعه بعيوني*

وضل قلبي يردد ما تهون . ما تهون

لا وربي ما تهون*

لكن الدنيا فراق*

من بعد اللقى .

والعمر في هالزمن ماله بقى*

والليل اقسى من الليل . وشفت من همه الويل*

ابكي وسأل الخاطر وش اللي جرى .

وليه خلي في حياتي طرى*

ليه خلي في حياتي طرى

ولا من يرد الجواب


بين الزحام: http://youtu.be/0I0ffJu5ie8........
هذي اول خاطره كتبتها في عام 2007

قريبا ان شاء الله ارجع اكتب
تعرفين المشاعر هالايام فاضيه
وعمل وبيت ومسؤليات احتاج لفترة استجمام بجزر الهاواي
ربي يسعدك مسك على متابعتك المستمره
الله لا يحرمني منك