|
صار لي حادث (العين) السلام عليكم ورحمة الله وبركاتة عندي صديق احبه ويحبني مره مره هو اخوي إلي لم تلدة امي وانا اخوة إلي لم تلدة امه المهم صاحبي صار له حادث قوي قبل كم شهر وانا شريت سيارة قبل فترة بسيطة المهم انا سواق اعرف اسوق تمام قالي صاحبي انت مايسير لك حادث والله ياخوان ماجاء كم ساعة إلا ويسير لي حادث قوي السيارة إنعدمت مرة إني بموت قهر على السيارة2015 وإنكسرت رجلي هل تنصحوني اتركة او نرجع اصحاب لاني بعد الحادث مااكلمة مرة مبتعد عنه واهلي حاطين كل اللوم علي يقلون خسرتنا والله مو ذنبي ناس ماتقول مشاء الله المفروض لما قال مايسير لك حادث المفروض يقول مشاء الله والله ابوي مازعل شاف السيارة قال بحريقة اهم شى انت رجعت لي وإخواني يقلون انت خسرتنا سيارة2015 ويقلون لابوي لاتشتري له سيارة وصار محد واثق في كل مخرج الكل يقول لايخرج لايجيب لنا مصيبة ولو اخرج لو البقالة الكل يدق محسسني إني بزر وانا كبير وكيف اخلي اهلي يثقون في مثل اول ويعطوني سيارة واروح واجى مثل ماابي بعرف ليش الناس مايقلون مشاء الله إذا |
لاتشيل هم ياخوي ^^ كلها فتره وينسون الموضوع اخووك صدم زباله دخلها بحوش جيرانهم قعدو اخواني يعيروني فيها شهر بس نسو وانتهت ^^ اهم شيء تكون انت بخير وسالم والله يكفينا ويكفيك شر الحوادث بالنسبه للعين فهي حق ومذكوره في السنه بس انت حصن نفسك عنها ^^ قال الرسول صلى الله عليه وسلم من صلى الفجر في جماعه فهو في ذمة الله حتى يمسي ومن صلى العشاء في جماعه فهو في ذمة الله حتى يصبح ^^ واذكار الصبتح والمساء من قالها فلن يضره شيء كما ذكر المصطفى صلى الله عليه وسلم ^^ |
عليك يا أخي بالتتعود وملازمة أذكار الصباح والمساء فبإذن الله لا يصيبك عين ولا حسد إن شاء الله... والسيارة مخلوفة غن شاء الله المهم سلامتك. أما عدم ثقتهم بسياقتك أو تعييرهم لك فهي أمور كفيل بها الزمن كما قال أخونا.. الله يحميك ويحرصك. تحياتي. |
قدر الله وما شاء فعل اخوي اللي كاتبه الله بيصير لا محاله سواء قال او ماقال الحادث صاير لك صاير لا تربطه بكلمة خويك وياخوي كل انسان يحصن نفسه واملاكة عن هذي وغيرها الله يعوضك |
وعليكم السلام ورحمة الله وبركاته اخي الكريم انا لا اعلم كم هو مبلغ سيارتك ولكن برايي ان كان مبلغ كبير جدا ومبالغ به لاجل سياره فهو اسراف وان الله قد ابتلاك وامتحنك بهذا الحادث ارجوا ان لا تعتبر كلامي نوع من البخل ولكن هذه وجهة نظري وعليك ان تتعلم ان تستخدم المقتنيات الثمينه في اوقات مناسبه يعني من الخطا ان تستخدم هذه السيارة دائما في جميع مشاويرك بينما تستطيع ان تقود سيارة اخرى اقل قيمة لمشاويرك اليومية العادية لا تعتقد بان صديقك حسدك او اصابك بالعين فهو ليس خطأه كما انك لابد من تحصين نفسك واذكارك فان ليس الجميع يتمنى لك الخير ربما شخص اخر راى سيارتك او صاحب المحل اللذي انت اشتريت منها السياره وكات نفسه راغبه بها وهو من كان سبب في الحادث ! لاتدري ولا تتسرع بالحكم على صديقك لان موقفك منه خاطئ جدا وليس في محله هو لم يفعل لك شيئ واذا كنت تقول بانه مثل اخيك فانا بصراحه اشك في ذلك لانك من اول موقف انت هجرته وابتعدت عنه ؟؟؟ اين الاخوة والمحبه ؟؟ وهذا الموقف ليس مقياس ولا تستطيع ان تحكم على صديقك واخوك مثلما قلت !!!! راجع نفسك اخي الكريم و صفي نيتك تجاه صديقك واخوك اللذي لم تلده امك ! تحيتي .... |
حصن-نفسك-يا-خيو-الغالي...:MonTaseR_61: ولا-تسيء-الضن-بصديقك-ولا-تشيل-هم-مرة...:nosweat: لك-ودي...:34: |
اولاا هذا قضاء وقدر ومكتوب لك ثانياا صاحبك يمكن قالها بقصد الدوعابه والعين حق كما ذكر الاخوان والواجب عليك تحصن نفسك كل صباح ومساء والسياره راح تتعوض واهلك فتره وراح ينسون |
أول شي الحمدلله على سلامتك والسيارة تتعوض..بس صديق العمر مايتعوض هو قالها بطريقة مزح..لكن من جواته مستحيل انه يتمنالك هالشي يعني تخسر صديقك من سنواااات وتبيع العشرة عشان حديد مادرى عنك أنا اشوف ان صديقك ماله علاقة كله قضاء وقدر..ربنا كتبلك هالشي خليك انسان مؤمن وراضي بالقضاء والقدر وبالنسبة لأهلك مصيرهم بينسوا..سلامتك أهم شي ^.^ ياللا ارجع واتصل على صاحبك الحيين |
قضاء وقدر يا اخي هي مو غلطة صديقك هاد قضاء وقدر وفي ناس كتير ينسون يقولو ماشاء الله بس لو الله ماكاتبلك ماراح يصيرلك شي ولازم اخوانك يعرفو إنو شئ صار مافيهم يرجعو بالزمن ويغيرو لهيك مافي داعي إنهم يضعون وقتهم بالتفكير في السياره اللي راحت لانو اكيد السياره مو باغلاء منك يااخي ولازم يخلون ثقتهم باالله كبيره ويتعاملو معك كان ماصار شئ:32: |
اول قضاء وقدر ي خيي اخوي طلع سياره ماكمل شهر وراحت تالف ومالومهمم الصراحه م يثقوا فيك بس انت اعتمد على نفسك وأشتري من فلوسك والحمد لله ع سلامتك بعدين العين ليش وقتها ماقلت له قول مشاء الله العين حق .. والله يعوضك |
اعلم أن ما أخطأك لم يكن ليصيبك وما أصابك لم يكن ليخطئك حكمة أقدار "قدّر الله وماشاء فعل " ولكن الواحد يأخذ بالأسباب والأذكار شي ضروري والحمدلله على سلامتك جات في الحديد ويتعوض..! |
العين حق وكل قضاء وقدر له سبب ومن اسباب الحادث العين لكن ما اخسر صديقي والله عشان حسدني بشي طيب اكون معه واقوله ترا عينك قويه حاول انك تذكر الله كل ما شفت شي وانت اذا معه ذكره بالله وارجع معه اصحاب مالها داعي الحساسات ومن ناحية اهلك فترهه ويتأقلمون بعدين مو لازم هم يشترون لك سياره انت رجل وتقدر تدرس وتكمل واشتغل وأمن سياره من راتبك اشوف اخواني كلهم كذا مايعتمدون على ابوي يعتمدون على انفسهم |
شر البلــية ما يضحك ... و تتركه ليش عشان صار لك حادث من بعد كلمته ( : لو كنت قلت له أذكر الله و قل ما شاء الله فقط وهذا هو التصرف الصحيح و هذا امر الله صار ولا لمخلوق يعاضره و الواجب عليك شكره و حمده و الصبر ( للعلم حتى أب و الام من الامكان أن يحسدو ابنائهم أن ما ذكروا اسم الله ) في هذيك الساعه راح تترك امك او ابوك .. كان الله بعونك ..:ah11: |
وعليكم السلام عندك مشكلتين وصار لي قصتين باذكرها انا معي سياره مرسيدس شبح محافظ عليه مررره وهذا النوع من السيارات عشقي يوم وقفتها في العمل وجيت اشغلها ورفضت تماما ولا فيه فايده حتى جبت سطحه وحملتها الا واحد من الشباب معي في الدوام جاي قال نزلها قلت ليه قال انا اللي حاسدك وذكر الله عليها واشتغلت مباشره وفي الليل طلعت معه وتعشينا برى وسهرنا سوى فارجع لصاحبك لان مافيه داعي للقطاعيه اما الحوادث فاخوك صارلي حادث مع دوريه زمان ايام الثانوي وجلست سالفه مجالس حتى مجالس الحريم ههههههههه لاني اول واحد يصدم دوريه ههههههههه فتره ونسوا السالفه فاهلك بينسون السالفه |
الله يهديك ويهديلك صديقك الى ما فيه الخير والبر |
اممممم ~ العين حق :MonTaseR_191: اقرأ المعوذات قبل خروجك من البيت و تعود ع ذكر ( ما شاء الله و الصلاة على نبينا محمد ) بداخلك لكن لا تحط في بالك ان كل شي يصير لك عين ~ :blushing: و السيارة ان شاء الله تتعوض ~ في الحديد و لا بالعبيد ~ و الحمد لله طلعت منها سالم من ناحية الثقة .. دائما القلوب تشتغل ع الشخص السليم فكيف اذا تعرض لحادث!! اخذها الامر ع سبيل محبتهم و خوفهم عليك و لو ما انت غالي ما كانو سألو عنك و اكيد لما ينسون الموضوع ~ راح تفتقد اتصالاتهم و دلالهم و اهتمامهم و سؤالهم عنك ( وينك ؟ وصلت ؟ متى ترجع ؟ تمهل بالطريق .. لا تسرع ) اممممم ~ صديقك اخاك الذي لم تلده امك ~ عملة نادرة :( لا تخسره عشان موقف مثل هذا ~ بيني و اخواتي نتبادل عبارات مثل هذه :Silbando:~ و احيانا عيونهم تصيب و احيانا تخيب ,, و نضحك و الدنيا ماشيه :63: |
اول شي العين حق وصاحبك اكيد مو قصده يحسدك بالعكس مافيها شي لو رجعتو اصحاب وغلط منك بالعكس يعد موقف طفولي انك تزعل منه عشان هالسبب لان هالشي مو بيده حتى لو طلعت منه ويمكن ما جا بباله يقول ماشا الله ثاني شي المفروض كنت تحصن السياره وتحصن نفسك قبل كل شي ثالث شي مع كل الاسباب اللي راحت بعد ممكن يصير لك حادث يعني اذا الله كاتب الشي بيصير بيصير سواء تسببت له عين او ما تسببت يعني الله كاتب هالشي رابع شي اهلك غلططانين من ناحيه ان انت مالك ذنب وهالشي مكتوب والحمد لله ع سلامتك اولا واخيرا ودام ابوك معك ماعليك من الباقي وابقى فتره بس تشفى بالسلامه واطلب ابوك سياره وقوله انا ماكان ذنبي او انعدام بسياقتي عطني فرصه ثانيه وخامس شي اهلك مع الوقت بينسون السالفه من يفتحوها جنبك قول كذا الله كاتب والحمد لله طلعت منها بخير وحاول تنتبه اكثر بسياقتك وحصن نفسك دايما ومو غلط اذا غلطت لا تضغط ع نفسك انك دايما تبي تسوي الصح و يأنبك ضميرك لو صدف غلط بسيط صار لك كل شي مكتوب من ربنا ولازم نرضى فيه |
كيف كان الحادث ؟؟ عشان نعرف اذا كنت سواق او لا وغير كذا هذا قضاء وقدر .. ودامك مانت صغير اعتمد على نفسك واشتري سياره لك عشان تحس بقيمتها . ودايم في الطريق لا تعمتد على سواقتك .. وخليك منتبه وسوق بتأني .. |
| الساعة الآن 10:36 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا