حكيم زمانه ~في مقالب الاعضاء - منتديات مسك الغلا

**السيده ملعقه** · 02-06-15, 01:46 AM

السلام عليكم
كيفكم ي آل مسك !!
اليوم ضيفنا >الشنب الثاني هههع
حكيم زمانه

طبعاً هالمقلب فيلم هندي هههههههههههه
اخيكم مع المقلب

المشاركة الأصلية كتبت بواسطة السيده ملعقه

كيفك عبدو ههه
المهم لي كم يوووم انتظرك ابيك ب موضوع مهم
بس قبل اقولك
ابي هالموضووع يصير بيني وبينك بس

المشاركة الأصلية كتبت بواسطة حكيم زمانه

وعليكم السلام
هلا ام مازن بخير يسعدك ربي
ابد سرك في بير امريني تدللي بس ترا سلف ما عندي
خخخخخ

^ام مازن ليش حرام عليك ههههه

المشاركة الأصلية كتبت بواسطة السيده ملعقه

ما يامر عليك عدو
هههه لا مو سلف
انا بصراحه لي خمس شهور اجمع حافز ومعي 10الاف
وبصراحه مو عارفه ايش اقولك
انا واثقه فيك وبحولها عليك
وابيك تسوي فيها مشرووع صغير وكذا
لان انا ماعرف وماقدر
فهمت علي
يعني ابيك تشتغل لي فيهااا
موافق !!

^^اصلا تسذووب حتى حافز للحين ما نزل هههع

المشاركة الأصلية كتبت بواسطة حكيم زمانه

فدييتك والله ع هذي الثقه
اشكرك على هذي الثقه اللي عطيتيني اياها
ذكرتيني برجال اتصل علي وقالي بحولك 300 الف واشتغلي فيها
طبعاً رفضت لان هذي مسؤليه كبيره
وبنسبه لك ي بعدهم انا اقدر اقدم لك اقكاار لكن استلم منك فلوس هذي مسؤليه وبكون مراقب امام الله فيهم
والتجاره مثل ما انتي عارفه ربح وخساره ...
لكن شوفي مبلغك صغير ما يسوي مشرووع واذا انتي مو محتاجتهم انا عندي لك فكره جمييله
وهذي الفكره الزين فيها انك ما تخسرين فلووسك ان شاءلله ...
في بنك الرياض عندهم صناديق استثماريه اسلاميه بحيث ان مبلغك يزيد ما ينقص
واذا تبين اسئلك اكثر ابشري بساعدك ...
جميييل جداً انك تفكرين تصنعين لنفسك شي
لكن مثل ما قلتلك 10 الاف ريال ما تفتح مشرووع

المشاركة الأصلية كتبت بواسطة السيده ملعقه

مو شرط مشرووع كبير شي بسيط
ادري انها م تسوي شي بس هذا الي قدرت عليه
وانا مابي اخوااني يعرفوون ان عندي هالمبلغ بيزعجوووني

المشاركة الأصلية كتبت بواسطة حكيم زمانه

حاس فيك ي عذاري
طيب سمعي انا اذكر قريت انك رساامه وتحبين الرسم
ليش ما تستغلين هذي الموهبه وتفتحين لك حساب ف الانستقرام وتعرضين شغلك هناك
واذا مالك مزاج ع هذي الشغله حطي فلوسك في الاسهم وانسيييهم وراح تشوفينهم ينمون لحالهم
عذاري ودي اساعدك بس ما اقدر استلم فلوووس صعبه علي كثييير وخاصه ان مبلغك صغير ولا كان قلتلك اشتريلك فيهم ارض ....
ما عجبتك فكرت الاسهم الاسلاميه تراها زينه ي عذاري وخاصه ان فلوسك بيكون في مكان امن ؟؟
وانا مستعد اساعدك فيها بدون محد يدري

المشاركة الأصلية كتبت بواسطة السيده ملعقه

انا قبل فتره فتحت انستقررام بس مو للشغل مجرد هوايه وانزل فيه رسماتي فوق 800 رسمه
ومتابعيني كانو 2300
جتني وحده من دار الايتام وطلبتني اجي عندهم ارسم لهم
وربي فرحت وكنت متحمسه كنت برسم بس من دون فلوس لاني ابي فيها الاجر للايتام بس اهلي رفضووو
وبعدها بفتره جاتني وحده من تحفيظ القران تبيني ارسم لهاا عندها بالدار بس بعد ابوي رفض
عمي مدرس قالي بكتب قصص وانتي ارسمي الشخصيات بس ابوي قاله من وراي لا ومدري ايش هو الي قالي
الكل يعرف اني ارسم بس اهلي يقفلووون كل الابواب بوجهي
اسفه عبدووو اذا ضايقت خلاص عادي انسو الموضووع

^هذي السالفه صدق مو تسذب هع

المشاركة الأصلية كتبت بواسطة حكيم زمانه

افا عليك بس تقولين انك ضايقتيني وربك ما تتخيلين شكثر لك معزه خاااصه

ليييه لازم تقنعين اهلك انتي بيدك ذهب الكل يتمنى موهبتك...
اعرف وحده من جماعتنا رساامه مثلك وترسم وتبيع اللوحه ب 200 ريال وهي جالسه بالبيت
ف اليوم شوفي كم رسمه تبيع وارخص رسمه ب 200 ريال وف اليوم لا يقل عن رسمتين وعليك الحساب
وراس مالها فرشااه وعلبة الوان ما تكلف شي
انتي موهبه جميييله ولو اهلك يوافقون كان انتي الحين عندك خير ما يعلم فيه الا الله
حسيت بمعاناتك الحين ... عذاري ودي اساعدك بس ابعديني عن الفلوس بتكون امانه بقبتي
ادلبي مني اي شي .. ونصيحه مني لك انتبهي تحولين فلوسك حق ايا كان حتى لو عطاك الشمس في يد والقمر في بد
ولا تقولين ضايقتك ازززعل منك .. اعتبريني مستشارك هنا واي فكره بعقلك تعالي ناقشيها معي وان شاءالله بساعدك .. طيييب ..:montaser_61:

المشاركة الأصلية كتبت بواسطة السيده ملعقه

طيب انا حذفت حسابي من زمان وكل رسماتي
بس الرسمات باقيه عندي ع قوله اهلي بليها واشربي مويتهااا
مالي الا انتظر اخلص جامعه عشان اتوظف وخلاص الله يعيني

المشاركة الأصلية كتبت بواسطة حكيم زمانه

ربك بيفرجها ان شاءلله لكن انتي لا تستسلمين وبحثي على اضعف الفرص
ودام تفكيرك كذا انا اهنيييك خلك طمووحه وربي بيحقق كل احلامك
تذكري ان ربي قال في كتابه ..
ان مع العسر يسرا .. فأن مع العسر يسرا
بتفكيرك هذا ارى امامك مستقبل جداً جمييل
اتمنى لك التوفيييق

المشاركة الأصلية كتبت بواسطة السيده ملعقه

طيب ايش رايك اعطيك المبلغ لك ما ابيه خلاص !

^^ قويه ما ابيها ههههههههه

المشاركة الأصلية كتبت بواسطة حكيم زمانه

مو من جدك عذاري .. استهدي بالله فديتك
واذا تبين تخبين المبلغ انا اساعدك اذا حبيتي

المشاركة الأصلية كتبت بواسطة السيده ملعقه

طيب تبيني احوول لك الفلووووس ؟!

^^ابيه يقول ايه هههه

المشاركة الأصلية كتبت بواسطة حكيم زمانه

عذاري مو من جدك تمزحين خلي فلوسك عندك وبيجي يوم تحتاجينهم
ذكري ربك ولا تحولين الفلوس لحد لا تتسطرين
وسعي صدرك فيهم ولا تحولينهم لحد

المشاركة الأصلية كتبت بواسطة السيده ملعقه

طيب ايش اسوي كل شي لا لا لا
طيب انا بقولك شي سرررري محد يعرف عنه اول مره اتكلم فيه
انا قرررت اني بروووح اشترك بأرب قوت تالينت من غير مايدرون اهلي اطلع مع خالتي هي ماعندها مانع وهي شجعتني كمان
محد راح يعرفني بكوون لابسه عبايه ومتلثمه
بس انتظر يفتحون التسجيل من جديد

^^ حسيت السالفه بارده مافيها شي حماس
ياليل من ارب قوت تالينت هذي لازم تدخل بالسالفه هههههههههههه

المشاركة الأصلية كتبت بواسطة حكيم زمانه

بديت احس ان الموضوع مقلب هههههه
تكفين قولي مقلب لاني بديور للرياض بسطرك وبرجع الشرقيه

^^شك بالسالفه هههع
واستعنت بصائد

وخليته يرسل هذي الرساله لي

المشاركة الأصلية كتبت بواسطة صائد الطرائد

لطريقة تحويلات ماليه بين الأعضاء من خلال الموقع يتوجب وسيط مالي معتمد حتى يتجنب الجميع عمليات النصب والاحتيال

وطريق البحث عن شركات تقبل الوساطه بين الطرفين وبنسبه رمزيه عليكم مراجعة ( معهد ترايدنت )

أو الطلب من صاحب الموقع ( صائد الطرائد )

علماً بأن الوساطه تتم بسريه تامه وبضمانات حتى لا يضيع حق أحد وكل هذا بمقابل 10% يخصم من كامل المبلغ

وأي تحويلات أو تجاوزات تحصل بين الاعضاء من خلال الموقع نحن لسنا مسؤولين عنها ، وإذا أكتشفت يتم إيقاف الطرفين نهائياً عن المنتدى ..

وكتبت له

المشاركة الأصلية كتبت بواسطة السيده ملعقه

وش مقلبه اتكلم جد
ع فكره انا مو قصدي بس تو اخذت مخالفه من صائد لاني كنت بحولك وما قلت له

[quote=صائد الطرائد]لطريقة تحويلات ماليه بين الأعضاء من خلال الموقع يتوجب وسيط مالي معتمد حتى يتجنب الجميع عمليات النصب والاحتيال

وطريق البحث عن شركات تقبل الوساطه بين الطرفين وبنسبه رمزيه عليكم مراجعة ( معهد ترايدنت )

أو الطلب من صاحب الموقع ( صائد الطرائد )

علماً بأن الوساطه تتم بسريه تامه وبضمانات حتى لا يضيع حق أحد وكل هذا بمقابل 10% يخصم من كامل المبلغ

وأي تحويلات أو تجاوزات تحصل بين الاعضاء من خلال الموقع نحن لسنا مسؤولين عنها ، وإذا أكتشفت يتم إيقاف الطرفين نهائياً عن عن المنتدى ..

المشاركة الأصلية كتبت بواسطة حكيم زمانه

بديت اصدق انك تتكلمين جد ...
عذاري سمعي من اخووك اللي اكبر منك ...
مهما كانت الظروووف وبأي شكل من الاشكاال لا تحولين مبالغ ماديه حق اي كان
ما همتني المخالفه كثر ما يهمني حرصي عليك ..
لاني اعتبرك مثل وحده من خواتي ...
وفلوسك اذا تبين مني نصيحه اصرفيها كلها ع نفسك اشنريلك جوال
دخلي السوق واشتريلك ملابس وعيشي ملكه
او انك تحتفظين فيها لليوم الاسوود

المشاركة الأصلية كتبت بواسطة السيده ملعقه

الفلووووس وسخ دنيا انا مابي عايشه حياتي الحمدلله طبيعيه
بس انا الي مخليني ما اصرفها ع نفسي او اعطيها احد من اهلي
ان اخواني 2 راح يتهاوشون عليها
وماتسوى تصير مشاكل بسبب شي تافه
وامي وابووي مايدرون ان عندي فلوس لاني اقولهم صرفتها وتسذا
اخاف اقولهم عندي يشكون فيني
يعني انا مابي مشاكل علشان سالفه فلووس لان تعرف في ناس تهمهم الفلوس اكثر من كل شي

^^^^ما ابي فلوس انا ماقدرت اصدق نفسي صراحه

المشاركة الأصلية كتبت بواسطة حكيم زمانه

والله مدري وش اقولك لكن اذا حابه اساعدك في ذا المشكله
و اخبي فلوسك وتبين استأذن من صائد انك تحولين المبلغ انا حاظر

المشاركة الأصلية كتبت بواسطة السيده ملعقه

طيب بقولك شي بما اني اعتبرك مثل اخوي وانت تعتبرني مثل اختك
بس م تزعل مني لان هالشي يمكن اخر شي اقدر اقوله
اوك !!

المشاركة الأصلية كتبت بواسطة حكيم زمانه

قولي كلي اذان صاغيه

المشاركة الأصلية كتبت بواسطة السيده ملعقه

كنت ضيف جميل معي في مقالب الاعضاء
ههههههههههههههههههههههههههههههههههههههههه
سويت بكم عضو و عضوه قبلك وراح انزل الموضوووع بعد كم يووم
اتمنى ماتزعل مني
وربي احرجتني بكلامك واسلوبك كل ماجيت بقولك اقول لا خلني اكمل هههههه
ربي يسعدك يالغلا

وع فكره ترى صائد معي ههههههههههههههههه

وبعدها مارد وسجل خروجه من المنتدى تضايقت توقعته زعل

المشاركة الأصلية كتبت بواسطة السيده ملعقه

حكيييم تكفى لاتزعل وربي اني اسفه ومو قصدي شي والله
بس كنت امزززح معك
وسويت مقلب في 4 اعضاء غيرك
الله يخليك لاتزعل
واذا ضايقتك ف انا والله والله اسسسسفه
واذا ماتبي انزل المقلب ماراح انزله اهم شي ترضى وماتزعل مني

ومارد ومحد تضايق
ومحد ماقدر ينام
ومحد كرهه عمره
ومحد بكى اصلاً >> كل هالاشياء حاولو تصدقون انها ما صارت هههههههههه

بعدها رد الصبح يمكن الساعه. 9

المشاركة الأصلية كتبت بواسطة حكيم زمانه

تأدبتي ولا اخليك يومين بعد ههههههههه ...:montaser_133:
ما زعلت لا تحاتيييين هههه
لو اني ما سمعت انك صحتي ولا كان بخليك يوميييين ههههههه لكن كسرتي خاطري وخاصه انك ما نمتي زيييين ههههههههههه :montaser_26:
وانا يا عمري علي والله صدقت حسيت فييييك توني احس اني حنوون :montaser_94:
حتى كنت جالس بكافي وتركت القهوه تبرد وانتي السبب :montaser_54:
ايا الدووووووب والله مقلبتييني :kq600697:
بس بالله وصفيلي شعوورك كيف نمتي :montaser_144:
كم مره جلستي تفكرين فيني :montaser_59:
واذا تعودتيها مره ثانيه بسوي فيك مقلب اكثر من كذا :montaser_166:
مقلبتك ومقلبتيني تعادلنا ... ابيك اذا جيتي تحطين الموضووع تقولين اني مقلبتك هههههههههههههههههههه
كسرتي خااطري والله يوم قالولي انك جلستي تصيحين كنت بدخل بس قسيت قلبي وقلت خلها تهووجس :احراج: يالله معليه كما تدين تداان :montaser_93:

[/quote]

المشاركة الأصلية كتبت بواسطة السيده ملعقه

وربي انك نذل ههههههههههههههههههه
تدري لو انك عندي وش سويت فيك .قسم لا اسوي فيك جريييمه
حرام عليك وربي م نمت للساعه6 والحين توني صحيت قسم راسسسي تفجرررررر
شوف انا لما سويت المقلب م كنت متوقعه ولا 1% انك راح تزعل
بس يوم طلعت قلت زعل وبعدين اقول لا وسوست هههههههه حسبي الله على ابليسك هع
والله اني مسيكينه ضعيفه ماحب احد يزعل مني عشان تسذا تضايقت وبكيت ههع
ايش قال قال حنون وينن الحنان هههههههههههههههههههههههههههه
لو مخليني يومين كان تلقاني ميته
المهم مقلبتك ومقلبتني بس هين اوريك >>ماتتوب ههههههه
لا امزح توووبه اسوي معك مقلب مره ثانيه ي عبدوووو هع
للحين ودي اجيك اصفقك

اتمنى يعجبكم. المقلب
وترى ماتبت بعد هالمقلب كملت هههههههه

**ريم الغلاا** · 02-06-15, 02:01 AM

هههههههههههههههههههههه زين سوى فيك انتقم لنا منك

يعطيكم العاافيه

**السيده ملعقه** · 02-06-15, 02:02 AM

المشاركة الأصلية كتبت بواسطة ريم الغلاا

هههههههههههههههههههههه زين سوى فيك انتقم لنا منك

يعطيكم العاافيه

هههههههههههههههههههه. عادي ما اتوب

**أمل رغم الألم** · 02-06-15, 02:10 AM

هههههههههههههههههههههـ

اقسم بالله تحفه المقلب رهييييب

اول مرة ارحمتس ياويلي اجل انقلب عليتس مقالب

ههههههههههههههههههـ

ومتحمسة مرررره للمقالب الجايه

**السيده ملعقه** · 02-06-15, 02:14 AM

المشاركة الأصلية كتبت بواسطة أمل رغم الألم

هههههههههههههههههههههـ

اقسم بالله تحفه المقلب رهييييب

اول مرة ارحمتس ياويلي اجل انقلب عليتس مقالب

ههههههههههههههههههـ

ومتحمسة مرررره للمقالب الجايه

ي جعلها دوم هالضحكه
هههههههههههه حسيت بشعوركم بس ردها اقوى من مقالبي

**صمتي حكاية** · 02-06-15, 02:27 AM

ههههههههههههههههههههههههههههه

وقسم ضحكت بجد

مقلب هندي فعلا بس تستاهلين

مدري وش فيك على الفلوس ههههههههه

يسعدكم كما اسعدتمنا تحياتي لكم

المواضيع المتشابهه للموضوع : حكيم زمانه ~في مقالب الاعضاء
الموضوع	كاتب الموضوع	المنتدى	مشاركات	آخر مشاركة
الصديق حكيم زمانه ضيف الاسبوع على كرسي الاعتراف	وردة الاطلس	قسم الأسئله العامه بين الأعضاء - إعترافات - ASK	208	03-23-16 10:23 AM
حكيم زمانه حياك	معزوفة ڪلآسيڪية	أنامل تتراقص لتبدع بفن التصميم ( تصاميمُنا )	40	12-20-15 11:55 AM
°•.?.•°حكيم زمانه والفيه مطرزه بالتميز والرقي ألف الف مبروك °•.?.•°	شموخ عزي	ملتقى تواصل الأعضاء - فعاليات - تهاني ومناسبات . . ◦●	15	01-01-15 01:46 AM

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي للجوال
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات فلة الكتابي	شات سعودي		شات تعب قلبي	شات حبي
شات الخليج	شات قلوب السعودية	شات غلا الخليج