ذيلك الليالي ( أسير الود )
 

غابت الشمس

وأقبلت ذيك الليالي السود

وكل ما غفت عيني

لمحني طيفك يا قمر

وكل ما بديت أنسى ليالي

فيها الأمل مفقود

إن أوصلك!! ..

وشفي خفوقٍ تعبني بالسهر

ما نسيت ..

ولا قدر قلبي يواجهك بصودود

وانتي ادرى

بحــــــالي اللي تكدر واندحر


مدحور من ضيـــــــــم الشقى والهم مولود

في داخلي ..

والقلـــب يبكي بعادك لا ذكر

كني وحيدٍ

في بحر ماله مواني ولا حدود

وكني فقيدٍ

ما لقوا له ارض ..

ولاعنه خبر

ولاهمني رغم المواجع

غير شوفك ياالعنود

وغيرك انتي ما ملكني

ولا غيرك لي سحر

وفي بعادك

موج شوقي دمر أسوار السدود

وأمطرت عيني بحبك

وفاض دمعي بالنهر

معذور قلبي

يوم حبك حب

ماهو بالوجود

ومعذور شعري ما قدر

يوصف جمالك ما قدر

كيف يوصف

وردةٍ تخضع لها كل الورود

وريحة شذاها

يتبع نسيم الليل

لا هل المطر

وفي حواجبها سيوفٍ

ما رضت ظلم الغمود

كنها تحمي عيونٍ

في وسطها ضاع البحر

وكن جمرٍ تغضا في شفاها ..

والخدود

والعتمه اللي غشتني

من ميّلت ذاك الشعر

وعذابي

لو نظلني فيك حاسد او حقود

وابعدك عني وعيني

ماملـــــــت فيك النظر!!





بقلمــــــــــــي

أبدعت,,,,,
,,,,,,,وتألقت
سلمت لنا يمناك على كل حرف خطته,,,
,,,,,,على كل كلمة رسمتها
عذرا,, لتقبل عباراتى المتواضعة,,,
فلم أجد الحروف التى تليق بسمو قلمك ,,
,,,,التى قد تلملم ردا يناسب روعة ما قدمته
لك ودى وجل تقديرى,,

يروق لي قلمك كثيراً

انت مبدع ../ لا تحرمنا من جديدك ..

دمت فـ حفظ الخالق../

هلا وغلا بريم الغلا ..

كفيتي ووفيتي خيتوو

مرورك اسعدني كثير

هذا من طيبك والله ..

تسلم ياغالي ماقصرت