|
حاولت في كل هدوء أشرب الفنجان للأخير حاولت ادقق بكل شيء حرصت الحلى ما يزيد حرصت المكان يكون قديم حرصت مع القهوة غريبة وعصيد اه يا زين ذاك الزمان اه يالنديم يا ليته يعود ياليت مع ناسه من جديد ومثل ماقالت دلال شمالى " لهجر قصرك وارجع بيت الشعر وانسى مدينة لو أرضها من تبر اي والله " هلوسة بسبب الجوع , العادة الساعة 6 جاهز الفطور , والحين تقريبا 7الساعة حتى ريحة الاكل ما وصلت )) صبحكم الله بالخير جميعا !! |
لا صارت الدنيا زحام وجمهره إبحث عن الحكمه بقدر المستطاع .. الصمت متعه في زمان الثرثره واجمل حضور إتقان فن الإستماع !! |
أسأل الله الحليم العظيم .. واسع الفضل ومستحق الشكر ومانح الأجر وملهم الصبر .. ان يفتح لكم أبواب رحمته ومغفرته وعافيته .. و ان يكتب لكم .. في كل خطوة أجر العابدين .. وفضل الشاكرين .. و ان يبارك لكم في اعماركم وأرزاقكم .. و ان يجعل التوفيق حليفكم .. وإن ينزل عليكم الأمن والأمان .. والطمأنينه والسكينة والرحمه والمغفره والستر والنور والهدايه .. اللهم آمين .... صبحكم الله بالخير والعفو والعافيه !! |
مما اعجبنى ..... ------------- لو بقا للهيل صبرن على فوح الدلال .. مابقى للقلب صبرن على شيٍ يجيه .. كنت احسب ان الغلا زال واثره لايزال .. في الحشا ماكنه الا دخيلٍ في وجيه .. وان رجعنا للتواصيف لله الكمـال .. لا انتـهى ليل المزايين جاتك تبتديه .. كنها غفلٍ مع البدو طاويها الحـبال .. ما يمـيز وصفـها الاّ نبيهٍ من نبيه !! |
محاورة جميلة بين شاعر وقبره ... ---------------------------------- يقول الشاعر/ يا قبر قلي عن زمــــان اﻹقامـــــة كم عام يقدر ينتقل منـك راعـــــيك ودي توضح لي شروط السلامـــة من ضمتك من ظلمتـــك من بلاويك رد القبر / يا ذيب من ينشد يثمـــن كلامـــــه راجع خطياتك و راجع حسانيـــك تبقى بجوفي لين يــوم القيـــــامة محدن يجي عندك و لا يتصل فيك رد الشاعر / و إن كانت اﻷعمال خامة و خامـــة منها ذهب صافي و منها سراميك ممكن تفيد المعـــــذرة و النـــــدامة بعد نزولي بالكفن في ضواحيــك رد القبر / فوقك ليا جات النصايب علامـــة ثنتين توضع عند راسك و رجليك ما عاد ينفعـك العتــب و الملامـــــة من حين روحك ترتفع عند باريك رد الشاعر/ يا قبر ما دورت منــك الكرامـــة أرجو عفو ربي و لاني براجيك اللي بديه اﻷمر ماسك زمامــه رب الملوك و رب كـل المماليـــــك رد القبر/ يا ذيب في هذا التحدي غشامــة بلا عمل ما هو مناسب تحديـــــك أوصيك عهد الله صون التـــزامة مني و من بعدي من النار ينجيك رد الشاعر/ يا قبر زودت المخـــاوف جسامـــــة زدني نصايح نافعة قبل ما أجيـــك أخاف أجي لك فوق ظهري غرامة و تسديدها ما يقبل الدفع بالشــيك رد القبر / إقرأ كتاب الله و أفهــــم نظامـــــة و تلقى الذي يعني لغيرك و يعنيـــك و أختار ما يعنيك و أمسك خطامـــة ما دمت حي خطام اﻷعمال بيديك !! ---------------------------------- صبحكم الله بالخير جميعا !! |
تدوينه على السريع ..... ماهوب لا عاجل ولا غير عاجل ... ماغير بيت في الصدر يرفض مكوثه .. افقـر رجل من يفتقر للمراجل ...وافقـر مره مـن تفتقر لـلأنـوثه .. |
| الساعة الآن 02:58 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا