يسعدلي قلبك خرافية العينين
ويسلمو على الاختيار
لي رجعة ان شاء الله

1. الكل مفكر اني هادية بس عندي وقت للهبل ووقت للجد وهبلي ما بطلع الا بالواقع بالنت او بالاماكن المختلطة لا للهبل

2. البنت الوحيدة في البيت وهالشي عامل لي ازمة ورح ظل حاسة انه شي ناقصني ومنغص علي حياتي نفسي يكون عندي اخت

3. بعشق الشوكولاتة اممممم كتير كتير كتيررر

4. بكره الفضول والكذب والخيانة وبحب الصراحة والصدق والحقيقة حتى لو كانت بتوجع

5. عفوية كتير واحيانا هالعفوية بتعمل لي مصايب ومشاكل كتير

6. كتومة لدرجة ممكن خلي اللي بحكي معي يحس اني اسعد انسانة على وجه الارض وقلبي عم يتقطع

7. عندي طقوس هبلة وقت كون مبسوطة وفرحانة وممكن احكي بسرعة الضوء هه ولا زعلت او حزنت صمت مطبق لا بحكي ولا بفتح تمي بنص حرف وبفش خلقي بالشغل

8.بكره اي حد يغصبني على اي شي ما بدي اياه ومستحيل اترك انسان مهما كان غالي يغصبني على شي وما بعمل غير يلي بعجبني عناد

9.بكره الفوضى وبحب الترتيب والتنظيم وكل شي يكون مكانه

10.بغار كتير وبجنن لا حسيت انه اللي بحبه مهتم باي حد غيري

11. صعب اي حد يكسب ثقتي بده وقت طويل كتير

12. بكره مياعة البنات والحكي المعسول اللي من الشباب واللي بنسى حدوده وبتعداها

13. احلامي الشخصية كبيرة ومع اني متاكدة مستحيل تتحقق لكن عندي امل مش بعرف من وين هو

14. اكتر شي صعب على احكي عن نفسي واظهر شخصيتي بحس وكاني صرت شفافة للي حول ي

ويسعدك يا خرافية انتي ومواضيعك الحلوة