ياملح السنين !؟ وين ياملح السنين !؟ لي سنه ! لا والله أكثر ... أنثر احساسي .. حنين ! واكتم انفاسي أخاف الشوق يطلع ! في رجا .. ( إنّك تجين ) ! في رجا .. إنّك تعيدين الحياه .. للي بعدك قام يصرخ : للي بعدك .. ضاع بعضه ! وبعضه الباقي نساه ! شوفي حالي ! منطوي وحدي .. ولا لي ! غير اقلّب ذكرياتي .. ! وانتظر طيفك يبين ! ياااه .. ياهالذكريات ! تذكرين !؟ كم سهر " طرفي " على " طرفٍ " يبات ! وكم جرح ٍ مات ! ... حي ! وكم فرح ٍ حي .. مات ..! تذكرين !؟ كنت أنا لاغبت اجي واسأل : بكيتي !؟ تسكتين ..! وأسمع أشواقك تقول : إيه ياحيي وميتي ! وكنت أشّر يم قلبك .. واسألك : هو .. هذا بيتي !؟ كنت أسمع .. دمعتين !! تذكرين !؟ كيف اسابق لهفتي لاجيت يمك !؟ وكيف كنت اجمع حنيني وانثره ... من شان المك !؟ تذكرين !؟ يوم أنا ( أول ) ... أهمك !؟ ماسألتي .. كيف حاله !؟ طفلك .. النايم بصدري !؟ وكيف لامنّه تشوّق ..! قمت احس النار .. حدري !؟ وكيف اجاوب لاسألني .. ( ياترى بالحال تدري ) !؟ كيف ابهرب عنه .. قولي لي أمانه !؟ وين أودي وجه صبري .. لابكى فيني .. حنانه !؟ وكيف اسليه بـ غيابك !؟ وأنا احس إنه بصدري .. مل ّ حتى من مكانه ! يالله عاد ! انفضي غبار الرحيل .. وأطعني " صدر البعاد " ! ياهو .. لاعبّي الحنين .. هه ! شوفيني حزين .. لا الهوى هذا هواي ... ولا بلادي هي بلاد ! ماسألتي ليه اموت الفين مره .. لاطريتك ! وليه احس القلب يطلع ! بس .. لامنّي بكيتك !؟ وليه أنا .. أفنيت عمري .. فدوة لعيونك ! وجيتك !؟ ماسألتي .. ليه يعني !؟ وكل طاري هم ْ من بعد تبعني ..!؟ يمكن إن قلبك .. نساني ..! أو يمكن ... ماسمعني ! !!! ود سمو |
صدق احساسك ابدعت وتميزت بطرحك استمتعت بقرائتها لاتحرمناجديدك اارق تحيه واعذبها |
أشكرك على يآ دروب على مرورك .. أتمنى لكِ التوفيق |
وليه احس القلب يطلع ! بس .. لامنّي بكيتك !؟ وليه أنا .. أفنيت عمري .. فدوة لعيونك ! وجيتك !؟ ماسألتي .. ليه يعني !؟ أحساس متميز وحرف مبدع يسلمك سمو حرف ~ على جمال كلماتك لاهنت :) |
أشكرك همسة مرورك رآئع .. وكل الشكر لكِ على هذا الثنآء .. أتمنى لكِ التوفيق |
يعطيك العافيه لاتحرمنا من جديدكo:-) |
الساعة الآن 05:24 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا