مشكلتي
 

انا اسمع دائما اخواني يقولون (( على شحم )) خاصة اذا زعلهم احد
وكان زوجي ينكت علي وقلت له على شحم
بعدها قال الشرهة مو عليك الشرهة علي الي متزوجك
وله الحين اسبوع يميل خشتة اذا شافني

واراضيه ومايرضى

حاولي تبين له ان قدره بعينك كبير وان ماكان قصدك تقللين من قيمته وأنك ماتفهمين وش معناة الكلمه ..

ترا شيء صعب على الرجال اذا حس انه مو بعين زوجته وحبيبته ^^

وهو الله يهديه مزودها أسبووع ^^

الله يوفقك ويسعدك ^^

السلام عليكم :رحيق:
مدري صراحة شنو معنى ( على شحم )
بس الظاهر انها كلمة مو زينة
حاولي تتأسفي منه وتبيني له انك
م قصدتي شي سيء وان شاء الله يسامحك
وبعدين حبيبتي مو كل شي تسمعيه من البشر
تعيديه قدام زوجك ، الظاهر زوجك طبعه حساس وم يحب ذي الشغلات
حاولي تراضيه وتتاسفي له اكثر ~ ويارب يسامحك ~
موفقة :$

والله ماعرف ايش معناها لكن اعتقد معناها " تحلم او ماراح توصل له "
المهم
غلاتي انتي غلطتي المفروض اي كلمه ماتعرفين معناها خلاص انسيها
او اسألي بلطافه زوجك او اخوانك عن معناها
مو تروحين تقولينها له ترى مرره صعبه
روحي اعتذري منه بالغلا لا تطول السالفه واسبوع مره كثير
كيف تقدري تتحملي زوجك زعلان منك كل الفتره هذي ^_^
الله يسخركم لبعض

:رحيق:

أنا متأكد بل أجزم إن زوجك لا يعلم ما هو معنى الكلمه من الأساس

المقصود بكلمة ( على شحم ) لدى علوم شيوخ رجال البدو في الجزيره العربيه بـ ( مالك نصيب إلا الشحم أما الحم فهو لي ) وهذا يعني اذا قيلت العباره لشخص معين فهو يعتبر تقليل من شأنه

لأن قديماً الشحم مثل شحمة " السبله " في المناسبات تكون للأشخاص العاديين والصغار في صحون خاصه بهم ، أما الحم والشحم الزين فيكون في صحون لضيوف الاكابر مثل الشيوخ والوجهاء

اما مع عصر الإنفتاح والتطور أصبح تداول كلمة ( على شحم ) لغرض السخريه للإسكات والأكثريه يفكر أنها عبارة سب أو شتم

ولكن عادي بإمكانك تصلحين غلطك بالتوضيح له إنك لا تعلمين عن ماهو معنى

اسبوع على الكلمه دي :MonTaseR_203:
يتدلع ع رأسك
اعتدري لانو غلطتي وكذا وقولي لو انو ماتعرفي معناها
اجل انا دايم اجيب العيد مع اخواني ��
والرجال بسرعه يرضى
بس انتي جيبها ب اُسلوب حبيبتي
الله يسعدك ❤️