|
مشكلتي مع اخواني السلام عليكم مشكلتي يمكن تافهه بنظركم بس انا مضايقتني ومآثره كثير وأحيانا والله ابكي منها من صغري لما كنت العب مع اخواني تعرفون يصير طقاق عادي بين الاخوان ع لعبه او شيء بس معنا كان أبوي يسحبني من بين اخواني كنت السبب او لا كنت معهم باللعب او ما كنت معهم و يحرقني بالنار بيديني لدرجة مره مالي علاقه وما كنت معهم بس لان اختي بكت جاء لي ع طول و حرقني لدرجة جلدي حسيته ذاب بعدها صرت اكره اللعب مع اخواني او غيرهم صرت لحالي اجلس او ع دروسي وصار ما يحرقني بس يضربني بالعقال اذا بكوا يعني تطلع فيني حتى وانا مو معهم طبعا غير الكلام علي من كنت صغيره مره قلبي اسود غيوره. كنت بالمدرسة اطلع الاولى و بتفوق و كنت اذا جيت ياخذها و يقطعها قدامي عشان ما اضايق اخواني. اذا اشتريت لي لبس او شيء او تجهيز العيد تجي اختي تبيه كنت أعطيه لها بس عشان ما يقولي غيوره انانيه واجلس بدون شيء عشان اثبت له أني مو انانيه وقلبي مو اسود . اذا جلسنا نسولف كلنا و اتكلمت غيّر السالفه و قلبها يتكلم عني وعن قلبي الأسود و أني حقوده و غيوره لما كنت انخطب كان يرفض ويطلع بكل واحد عيب وانا صدقت ماتوقعتها توصل لكذا لحد مره سمعته مع اخوي يقول وانا غبي ازوجها وهي باقي لها سنه وتخرج واوظفها واذا خذينا البطاقة لو يجيني سكران عطيته ما يناديني الا بسب ما عمره ناداني باسمي المشكله مو هنا اخواني صغار و كبار صاروا ينادوني نفسه يعاملوني زيه حتى يرموني باي شيء او يضربوني ومااقولهم شيء لان لو تكلمت علّو اصواتهم وجاء و زاد علي بالضرب وانا الغلطانه و الغيورة تخيلو ع اكل من برا جيت أخذ طلبي جت دفتني و اخذتها طبعا مااتجرا أسوي اي شيء الا أكلمها قلت حقتي هذي جلست تصرخ علي و تهزأ أبوي كان موجود جلس يصرخ علي قدامهم و بعدها العقال علي طبعا آكلي لما اطلب انا اللي ادفعه حتى الشغاله يدفعوا عنها انا لا لبسي جوالي شحن كل شيء مصروفي تعطيه لي جدتي من صغري لحد الحين لانها تعرف أبوي كيف معي حتى بمستشفى ما يدفع لدرجة احس لو ما جدتي كل فتره تعطيه 5000 و10000 مسكني باب الشارع ، اصلا انا اركب مع سواق يوصل للجامعه اختي يوصلها ابوي او اخوي وربي مو قاهرني و مضايقني الا اخواني وربي كلامهم يجرحني وأسلوبهم غير ما ينادوني الا بالفاظ و يا المحترقه عشان حروقي اول و ربي يأخذني أني احترمهم صغيرهم قبل كبيرهم ومااقلل منهم بحياة عمري ما رميت كلمه او قليت ادبي او ضربتهم حتى صغيرهم قبل شوي اختي عمرها 14 جالسه تصرخ و ترمي علي الفاظ و تضربني وانا مو قادره حتى أكلمها وانا اقسم بربي كنت ماره و ما كلمتها و ما اتطلعت فيها بس لتضحك خواتي ابي بس يحترموني لا يحبوني بس يحترموني ك كائن حتى الشغاله اللي مو من اهلي لما شافتني ابكي من اختي بكت معي و الباقي بس يتفرجون وربي تعبت ماعاد فيني أتحمل الحق العالم برا ولا الحق اهلي وربي استثقل كلمة أبوي أنطقها قدّامه او قدام احد ماابي منه لا يحبني و لا يدلعني و لا يكون معي زي اخواني بس يعاملني كإنسانة وامي اي مصيبه تسويها او اخواني تحطها فيني عشان ما يقولهم شيء و اليوم اللي تعاملني باحترام اعرف ورآه طلب عطيني فلوس او اروح أكل عنها تهزيء او عن اخواني واذا جلسنا تقلب علي فجاه و تبدأ صراخ و انا ساكته مالي علاقه و لا أكون متكلمه حتى قولوا لي وش الحل وربي تعبت امانه لحد يدعي عليهم لا برده و لا بقلبه امانتكم لا تدعون عليهم ورب الكعبه ما كذبت بحالي ساعدوني وش أسوي |
الحل عند حقوق الانسان هم بارعين فحل التعنيف الأسري وماراح يعلمون انه انتي المشتكيه بيقولون فاعل خير من اقاربكم ويلفقون سالفه طويله عريضه ويهددون ابوك بغرامه وتعهدات تصل الا السجن واذا طلبتي دار رعايه اكيد راح يوفرولك ويزوجونك ويمنحونك بيت لو تبغي بصراحه مع احترامي الشديد ابوك انسان لو يخاف الله مايسوي كذا لذلك احذري من كل انسان لايخاف الله سواء اقرب الناس لك او ابعدهم انا ماراح ادعي عليه لانه مو من العقل يمكن تكوني غلطانه بشيء او يمكن اساسا يعاني من مرض نفسي او ادمان مخدرات او مايعتقد انك بنته او فعلا مخبي عنك سر كبير ..... للامانه لاتسكتي على حالك دام وصل للحرق وانتي صغيره لاتأمني يقتلك وانتي كبيره وانتبهي وانا اخوك تفكرين بحل الهرب من البيت او اللجوء الى شاب ينسيك الهموم والمشاكل الجأي الى سهام الليل اللتي اقسم الله بعزته وجلاله ان ينصرها ولو بعد حين = دعاء المظلوم الله يهون ويخفف عليك ويجعلك من الصابرين اللذين اذا اصابتهم مصيبه قالوا انا لله وانا اليه راجعون اخوك قيس تحياتي وتقديري واحترامي |
يعينك ربي وياخذ حقك ان شاء الله وانا استغرب كيف بعض الأباء والأمهات يتعاملون مع فلذات كبدهم هالتعامل متناسين ان بعد هالسعة ضيق وحساب وعقاب مو لانك بنته يحق له يعمل فيك كذا بس الله ياخذ حقك ان شاء الله مقهورة عليك عسى الله يحل مشكلتك ويهدي ابوك الله يساعدك |
أول شى الله يفرج همك ثاني شى الحل إشتكي لي حقوق الانسان اعوذ بالله من الاباء القاسين مع بناتهم والله الدنيا معكوسة فيه ناس يستحقون يكنون اباء واباء حنونين وطيبين ونعم الأباء لكن الله مايرزقهم وفي ناس مايستحقوا يكونوا اباء الله يرزقهم اولاد انا مايقهرني إلا إلي يجيب اولاد وثم يعذبهم ويضربهم ليش تجيبهم طيب اقسم شى يقهر وابوكي يسوي كل هذى معك ابوكي قلبة حجر قاسي ادعي دائما إن الله يحنن قلبه عليكي الله يعينك والله يفرج همك نقطة اخيرة يجب عليكي بر ابوكي لو سوى فيكي كل شى يجب البر به وتحبين على راسة ورجله من تحت |
عزيزتي حقيقتاً أثرت فيني حياتك داخل منزلكم لأنك مضطهده من أقرب القراب لك ولا بيدك غير الدموع وأنا أعلم جيداً بأنه ليس بيدك حيله أبداً حتى لو قيل لك إذهبي الى حقوق الإنسان لعرض مشكلتك فلربما تتفاقم مشكلتك للأسواء دام تعامل والدك همجي معك بهذي الطريقة ولكن يا أختي العزيز أنا بقول لك شيء يمكن لعلى ولعسى يكون الأقرب لحل مشكلتك وهو : أنتي صبرتي على هذي الحياه سنين من طفولتك حتى بلغتي أشُدك فأبلغي جمالتك بالصبر فلم يتبقى إلا القليل وترحلين مع نصيبك بإذن الله إصبري وإحتسبي وأدعي ربك بالفرج ، وحاولي تكوني لنفسك البنت المثاليه المطيعه إتجاه والديك إرضاءً لله وتأكدي بأن بعد كل عسر يسر وخالقك لا ينسى عبده دام عبده معه والله يكون في عونك ويصلح شأنك ويصبرك ويفتحها في وجهك لما فيه خير وصلاح |
عزيزتي بصرآحهه حياتك مرره صعبهه مآكنت متوقعه انو في أهل مثل كذآ وحتى لو فيه يمكن تكون فتره بسيطهه بس وبعدين يتغير اسلوبهن بس لم قلتي انو لحد الآن ... ستغربت كتير انآ أنصحك بصلاة الليل صليها 40 ليلة متواصله وأدعي فيها وإن شاء الله يتفرج همك من لجأ لـ الله مرآح يرجعه خآيب وتأكدي انو لو كل شي يصير خير لك والله اذا احب عبدآ ابتلاه هذآ اختبآر من الله أكيد وحآولي أنك تقرب من الله أكثر الله أدرى باللي فيه الخير لك .. لكي إحترآمي .... |
لا حول ولا قوة الا بالله العلي العظيم الله يفرج همك يارب قسم حالك يحزن ياختي عليك بالصبر تحملي اصبري والله هو الي عالم بحالك ادعي ربك وتضرعي له في آخر الليل وامك وابوك مهما سوو فيك تحملي وصبري ابتغى وجه الله سبحانه وادعي لهم بالهدايه وان ربي يحنن قلبهم عليك الله يفرج همك يارب وخليك قويه بقربك لله واقري القرآن والله ياختي أن القرآن مهما كبرت عليك مصاب الدنيا كله انك تحسين براحه وطمنينه.. وهذي من تجربتي الشخصيه والقرآن مايحتاج شهاده مني او من غيري هو شفي للروح والجسد الله يفرج همك ويسر امرك يارب العالمين |
حرر الرد ادارياً لتشكيك في مصداقية المشكله ( اللورد يحيا ) |
الله يزيح عنك همك ويعينك على تصرفاتهم ومالك إلا الله إلجئ له هو الوحيد الي مايخيب من رجها دام اقرب الناس ويسون كذا ليش نعتب على الغريب الله يعينك قربي من ربك وصلي وادعي هو الوحيد اللي بيساعدك ويصلح حالهم معك |
وعليكم السلام اختي العزيزه بداية لن ادعي عليهم ولن ادعي عليك فقط ساقول ان كان كلامك صحيحا فعليهم من الله مايستحقون وان كان كلامك مجرد قصة فعليك من الله ماتستحقين لقد اثرت فيني قصتك كثيرا وقراتها مرتين هم يستغلونك لكي تكوني موظفه لهم وتصرفي عليهم الحل الاول لخلاصك هو ان تتركي الوظيفه والتخرج سوف يزوجونك لاي واحد في اقرب وقت وتخلصي منهم وبعدها اكملي دراستك وتوظفي لانهم سوف يشعرون بانك ثقل عليهم ان كنتي بدون وظيفه ولا دراسه اهلك واخوانك من النوع اللذي يحتاج لردة فعل اقوى من فعلهم اتخذي قرار مفاجئ وشجاع لانك بكل الحالتين تتعرضين للضرب والاهانات يعني بالعربي خربانه خربانه خربيها واتركي عملك والدراسه وشوفي كيف رح تتغير معاملتهم ويزوجونك بسرعة لانهم لا يريدون وجودك بينهم وتكوني عبئ ثقيل لا حول ولا قوة الا بالله انتي سمعتي ابوك باذنك وهو يقول وانا غبي ازوجها وهي باقي لها سنه وتخرج واوظفها !!!! واذا خذينا البطاقة لو يجيني سكران عطيته .؟؟؟ !!! يعني لهذه الدرجة يريد التخلص منك حتى لو يزوجك سكران ؟ واهم شي الفلوس ؟ لو انا مكانك اروح اواجهه واقول وظيفه مارح اتوظف ودراسه مارح اكمل عناد فيك وانت مسؤل عني غصب عنك وطول عمرك وبهذه الكلمه رح تستفزينه ورح يضطر يزوجك بسرعه لانه لا يريد ان تكوني عبئ عليه ارجوا من الله ان يفرج همك ويرزقك كل خير تحيتي لك ... |
يبدو إنه مابتتفرجي كتير على مسلسلات بإختصار هالزلمة مو ابوكي .. وشوفي حدا من طرف اهل امك يساعدك " خالك , خالتك " او اذا انتي بالغة عاقلة راشدة .. إستفتي قلبك وصلي استخارة وعملي المناسب الضنا غالي .. ومافي حدا بالوجود , في شرف او مافي شرف بيعمل هيك |
لا حول ولا قوة الا بالله |
يالله يالله :...-( وربى تاثرت يعنى ما شاء الله عليك صابره انا لو مكانك اظنى كنت بموت من البكا والقهر ودام انك صبرتى كل هالسنين اصبرى مب تشتكين منهم ويوصل كلام لابوك بعدين انك الى شتكيتى وتتفاقم المشكله والناس تيجى تتكلم عنك ويسؤون الظن فيك اصبرى لانه نهاية هالمعاناه سعاده باذن الله ودايما احسنى الظن بالله وان شاء الله ربى يرزقك بزوج صالح يحتوكى ويعوضك بكل الي مريت فيه خااالص ودى اختك نعوم |
الله يفرج همك ويخلصك من الهموم أنا من رأيي تشكي والدك للقاضي لانه ظالمك كثير والقضاء بامكانه حل مشكلتك اما بتهديد ابوكي واخوانك او بتغريمهم او بالسجن أتمنى لك السعادة أختي |
الله يعينك ويصبرك والجيء الى رب العباد فهو أعلم بحالك وأرحم عليك والدعاء لاتنسيه والله يحنن قلب اخوانك عليك ويهديهم واضح ان العائله شديده صارمه في تعاملها واذا واقع عليك ظلم ولا تقدرين تتحملين شوفي اي قريب لك خال عم وتكلمي معه يساعدك وتشتكين والله يهون عليك ويحفظك ويبعد عنك كل مكروه |
انا مو هامني الزواج و أخذ البطاقة انا صدمني هذا السبب وانا ع بالي ما توصل لكذا اللي بيشكك بكلامي فيه ما يرد انا طلبت حل و مساعده ما طلبت زيادة كلام انا مو ناقصته اذا الله معطيك حياة سعيده انشغلي فيها بدل العالم حتى ما يخليك الله تجربيها بسبب مسخرتك وماراح ادعي لانو عالم أتفه من أني اذكرها بدعائي قدام الله و بعدين حلفت ومن حلف يصدق وشكرا لكل من رد ربي يسعدكم دنيا وآخره بس أتقدم بشكوى و اشكيه مااقدر أسويها وانا همي اخواني خاصة الصغار منهم كيف معاملتهم هذا اللي مضايقني كثير |
انا قريت الصبح ومارديت لاني انصدمت كلام مطر ونعم الحل من رايي طبقيه اول مره اشوف اب كذا يعني اعرف انو الكبير اكثر شخص تكون المسؤوليه واللوم عليه بس مو لدرجة ذي م لك الا تطبقي حل مطر وصدقيني ربي م راح يضيع لك تعب وحيكون معك بس ادعيه ❤️ ربي يسعدك ويفرج همك وانتبهي كمان مو تتزوجي اي احد عشان تهربي من اللي انتي فيه |
يا اخوان بقول هذي قصه حصلت عندنا في طريق مكه السريع بيننا الزوج مع زوجته وابنه الوحيد اللذي هو في عمر الرضاعه قام الاب فجاه بئلتهام رقبة ابنه بينما الام اصيبة بصدمه عصبيه من شدة المنظر فتحت باب السياره والقت بنفسها ودهستها شاحنه السبب الوحيد والتفسير الوحيد هو ان الاب يعاني من مشاكل نفسيه واخرون يقولون اثار سحر وانا اقول البعد عن الله عليك اختي بالصبر والصلاه وقيام الليل |
| الساعة الآن 01:40 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا