منتديات مسك الغلا
 


إضافة رد
 
LinkBack أدوات الموضوع انواع عرض الموضوع
قديم 05-19-15, 10:09 AM   #7
MANLY CHARM

الصورة الرمزية MANLY CHARM

آخر زيارة »  05-25-15 (06:09 AM)
المكان »  المدينه المنوره .."

 الأوسمة و جوائز

افتراضي



في آآآخر الصفحه تحت فيه ساعه جميله

أتمنى يخلونها فوق

<< اللهه لا يشغلنا ياشيخ !


 


رد مع اقتباس
قديم 05-19-15, 10:13 AM   #8
MANLY CHARM

الصورة الرمزية MANLY CHARM

آخر زيارة »  05-25-15 (06:09 AM)
المكان »  المدينه المنوره .."

 الأوسمة و جوائز

افتراضي



ملاحظه بسيطه ان شاء الله يشوفونها المشرفين ..

أتمنى يكون فيه موضوع خاص بالنقاش حول المدونات
يعني اذا حبيت مثلا اعلق على مدونه شخص او أتكلم عن حاجه كتبها بمدونته يكون الموضوع مثبت ومرجع للكل للشي ذا ..
مجرد اقتراح
يمكن يكون فيه بس انا ماشفته :|
وحقوق الفكره محفوظه


 


رد مع اقتباس
قديم 05-19-15, 10:36 AM   #9
MANLY CHARM

الصورة الرمزية MANLY CHARM

آخر زيارة »  05-25-15 (06:09 AM)
المكان »  المدينه المنوره .."

 الأوسمة و جوائز

افتراضي



تسجيل خروج للمذاكره
اختباري الساعه 1 .. دعواتكم


 


رد مع اقتباس
قديم 05-19-15, 12:03 PM   #10
MANLY CHARM

الصورة الرمزية MANLY CHARM

آخر زيارة »  05-25-15 (06:09 AM)
المكان »  المدينه المنوره .."

 الأوسمة و جوائز

افتراضي



تهجرني ؟ لا تروح
غيم القمر يطق المطر ..
يغسل مشاعر واحدن هجر ..
ليش ؟
أروح واجيك .. العب لك
أداغشك .. إيش يعني ؟ يعني احبك ..




مآيمكن للحشيش ان يكون ..


 


رد مع اقتباس
قديم 05-19-15, 03:39 PM   #11
MANLY CHARM

الصورة الرمزية MANLY CHARM

آخر زيارة »  05-25-15 (06:09 AM)
المكان »  المدينه المنوره .."

 الأوسمة و جوائز

افتراضي



ووووووااااااووو اليوم كان أليم

ومثل ماكنت متوقع الاختبار كان صعب جدآ .. شفنا أشياء جديده
انا اول مره اشوف معرفات بالبرامج اسمها ()go
camel()

ماهذا يارجل ...

انا كنت متوقع 99% السيناريو هذا انه راح يجيب أشياء حلوه زيه :22:

ف قررت اني اجيب معي برشام
البرشام = ورقه صغيره للغش

تعرف الواحد يبي ينجح بالطرق البسيطه حالنا حال الخلق

الوكاد اثر المراقب الدكتور اللي علينا اخسسسس مراقب في القفطات
يقفط صح !!

المهم قام يتكلم .. طبعا بريطاني هو
قال اللي معاهم أوراق او أي شي يطلعونها الأن قبل مانبدأ الاختبار وماراح اكلمهم

القاعه فيها 20 طالب تقريبآ
18 طالب سلمو براشيمهم

باقي انا و الدافور

قلت ياولد انا لو سلمت البرشام له برسب
ولو قفطني برسب :eh_s(10):

قلت اوك .. انت اخطر دكتور وأنا غشاش ذو تاريخ عتيق .. يا أنا يا أنت اليوم

ويبدأ الاختبار

طبعا البرشام حقي عباره عن ورقه مطويه اكثر من مره وصغيره
احطها بيدي اليسار واقلبها بدون ماحد يدري

المهم مع بداية الاختبار قعدت انقل كووول اللي بالبرشام ع الورقه عشان خلاص اصير انقل من الورقه ومحد يسألني وش ذا
ونقلت وخلصت :22:

جيت بحط الورقه بجيبي .. شافني

جا مسسسرع قالي ستاند اب يو ار شيتنق ريس يور بيبر
قلت أي هاف نو بيبر

قال أي سسوو يو

المهم قعد يفتش بجيبي .. الورقه وين ؟؟
بيدي :22:
ورافع له يديني عشان يفتش وانا ضامها بيدي
البريطاني انصدم :eh_s(10):

راح يجيب دكاتره ثانين وفي هذي الاثناء رميت الورقه في اخر القاعه

ونقلني لمكان ثاني قدامه وكملت الاختبار

أختبار رغم كل شي سويته كان جدا صعب جدا جدا

الله يستر لا احمل الماده ذي
ويروح التعب هباء منثورآ


 


رد مع اقتباس
قديم 05-19-15, 03:50 PM   #12
MANLY CHARM

الصورة الرمزية MANLY CHARM

آخر زيارة »  05-25-15 (06:09 AM)
المكان »  المدينه المنوره .."

 الأوسمة و جوائز

افتراضي



وانا راجع البيت بعد الاختبار

حسيت كذا شويه جوع

قلت ياولد انت مريت بيوم عظيم .. اعطي نفسك مكافئه واعزم نفسك على مطعم بخاري
والله وفعلا توجهت الى المطعم المجاور لبيتنا .. نصف دجاجه مضغوط يا مووودير :22:
المهم وانا قاعد اطلب كان قدامي رجل كبير بالسن ..
المطعم هذا اللوحه حقته مكتوب فيها جميع الأكلات في العالم .. ولكنه مايبيع الا ثلاث أنواع من الدجاج فقط
فحم .. مندي .. مضغوط

الشايب مسكت معه يبي ياكل جريش وقرصان
الكاشير يقوله ماعندنا الا دجاج .. وهو مصر انها موجوده وان الكاشير يضحك عليه لأنها مكتوبه باللوحه انهم يبيعون جريش وقرصان

تدخلت بينهم وقلت ياعم المطعم اللي بعد هذا يبيع جريش وقرصان اذا ودك روح له
قال ايييييه خلاص طيب .. عطنا حبه دجاج ورز مثلوثه

قال الكاشير ماعندنا مثلوثه

هنا الشايب فصل
هنا الشايب سوا تحديد الكل ونسفنا

وشششش هالمطعم المروح .. مكتوب فوق زر مثلوثه كيف تقولي مافيه
انا سحبت نفسي ورحت اجلس اضحك واضحك واسمع صراخه
ياااا مروحين الله يقلعكم انتم مافيكم خير انتم وانتم ...
ياااا رجل عثا فيهم هههههههههههه
المهم الرجال روق بعدين شويه الا وهو داخل على الجلسات
مر من جنبي قلت له تفضل معي يا عم .. قال لي شكرا
وراح جلس والهندي وراه بالصحن ما تأخر طلبه ولا دقيقه
المهم جلس الرجال وقال للهندي السفره لا تنفضها افتحها بشويش عشان لا تحرك الهوا على الاكل

الهندي أعطى الشايب ابتسامة ( حقت والله مدري وش تقول بس بسلك لك )
فهم الشايب ان الهندي متنح .. قام قاله لا تنفضها

جاك الهندي نفض ام ام ام ام أمها وفرشها

الشايب اعطى الهندي نظره .. قطع رزقه
رعب الشايب ذا قلت ياولد اشتري دماغك وامشي لا يتلبش بك الحين ويفترسك مع دجاجته

اكلت ومشيت على طول

تعبت وانا اكتب .. حان وقت سجارتي


 


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 05:09 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا