القلب يصرخ مير محـد درى بـه ..........؟
 

الصدر ضايق مـن همـوم وكآبـه

والقلب صاح الآه من دق لأطنـاب


ونـات قلبـي بالعنـا ماتشـابـه
والقلب من رمح العزيزين منصـاب


صوتي حزينٍ مثـل جـر الربابـه
شيبت من همي وانـا تونـي شـاب


كني لبست الويل باصعـب ثيابـه
والجوف من كثر الغرابيـل مرتـاب


القلب يصرخ مير محـد درى بـه
اذا عشيري ماسمع كيـف الاجنـاب


وين الذي بالطيـب نـوّخ ركابـه
أصرخ وانادي والرجا فيه قد خـاب


دنيا غريبه اصبحـت شبـه غابـه
عدوان جوني ولبسوا ثوب الاحبـاب


ماشفت منهم غيـر غـدر الذيابـه
اشناب بالظاهر ولكن هـم اذنـاب


الشخص فيهم لا ولا احسب حسابه
كنه مخاوي ابليس جاحـد ولعـاب


يلدغ كما الحيه ويضحـك دعابـه
وانا علـى النيـه واثاريـه كـذاب


حكم القدر حتّم بـدر وااعذابـه
موناقص إلا بالشقا أصـدر كتـاب


صح المطر ينـزل ويتـرك سحابـه
عيني ولا بـد دمعهـا دوم سكّـاب



صح البحر مالح وصعـبٍ شرابـه
أنـا شربـت المـر علقـم ولا ذاب


صح الصحاري تتصـف بالرحابـه
ضاقت بي الدنيا على كثر الاتعـاب


صح الجبل في قوتـه ينحكـى بـه
لو شال ماشلته غدى كنـه تـراب


طبعي كتوم ولا اشتكـي للقرابـه
حتى لو اشكي مايفيـدون الاقـراب


باكتم انا شكواي مثـل الصحابـه
اليا شكت تشكي على رب لارباب

كلمات راقت لي
سلمت يداك
ع
القصيده الرائعه
ننتظر جديدك بكل شوق

تسلم على المرور

كلمات رائعة
يعطيك العافيه