|
انا شخص هادي ومزعج مع من يتقبلني با المزح والتقبل اكثر منه انا شخص احب كل الناس واميل شوي لل؟؟؟ واحب الانفراد أحيان واحب الاجتماعات اكثر الأحيان اكثر شي اجتماعي وصريح ولم اكذب الا با المزح المباح احب الانسان الصريح واكش من الانسان أبو وجهين |
انا انسان مشكلتي قلبي موب معي قلبي مع كل الناس وكذالك قلبي غشيم يحب أي انسان في البدايه قلبي مايدرس الانسان يدخل الانسان لو مايعرفه زين حتى يتلقا منه صدمه هذي الطبيعه الي انا ماحبها ولكن قلبي متخذها |
لازم نغير الروتين للمدونه لكي القاري يستمتع بماهو مختلف عن ماكان تحتويه المدونه عزيزي الشايب لادق جوالك وانت تسوق الي يرد الزر الأخضر وليسى الفرامل وراك شعب يبي يعيش طال عمرك |
القلب في نار المحبه فداوي اما احترق والا انقطع فيه معلوق يازين والله ماتفيد الشكاوي الرابح الي ماله اليوم معشوق لو المناوي تنفع اهل المناوي ماصار في كبدي حزازات وفلوق اليوم صرت من التفرق شقاوي حالي قضا والي بقا دم وعروق يازين ماترحم وتعطف وتاوي في من فقد عقله بعد هزه الشوق |
اليا ذكرتك يا عيون النداوي اخذت مع هجعت الناس طاروق على فراق الشمل ماني بقاوي |
ارعا الحيا حيثن قلبي حياوي وخاف كرسي الحشا يلحقه عوق ياعود ريحانن على الحوض راوي يزرق عليه من ازرق الجم زاروق |
مونسن وسط عظم الساق شاضي في عيوني من العبره مضيضه لي امينن عليه شهود ماضي قد نسيته ونسيانه غميضه كيف أبا النسا امينن عند قاضي ينصف الحق ماواحد يغيضه |
ضايقنبي فضا سبع الأراضي ضاقت المملكه لوهي عريضه ماذر فا الحزاز وفا الرياضي من ربيعه ليا ذا اليوم قيضه |
اشملوبه ولي عنده مقاضي راح ماشاف وش علت مريضه المحبه يا بو سودن غواضي ناب مغلوث ما يبرا عضيضه |
ان قفيته قصر عني وجاضي وانطحته معه بيضه وبيضه والجسد فيه من ريح الفياضي عله الوسم وسترجع نبيضه |
الحكم بين البراقع والسفور بين بدويه وحضريه الحكم صرت الحكم بين البراقع والسفور تخاصمن عندي نحيلات الخصور قالو نبي نســـــمع وخلقله حضور قم بحكم العدل مـــــــــابين البنات البدويه البرقع تقدمت مــــــــن تلبس البرقع دلع اهل البلد حضـــــار ولكل اجتمع قالت بلانا من خــــراب المجتمع طشن بــراقعهن ويمشن سافرات طشن بــــــراقعهن وطشن العبي تجيك تمشــي وانت تحسبه صبي وان قلــــت يابنت الحلال تادبي عين يطيعن ذا البنات الغـــاويات كن المره رجال شــــف الباسها بدله فرنجــــــي وتحلق راسها لو لي قــــــــــره كتمت أنفاسها بنتن شــــريفه ماتسوي ذسوات ترا الســــفور تجيك مافيها حلا من الـــــــذي يهشدلنا كل الملا يحرم على رجلن عشقنا ماسلا شيبهوننا با الخيول المسرجات الحكم جات السفـــور وقلت لا تتكلمي تحضري وتذهبي وتــــــــولمي خلينا نخلص منها وتقدمــــــــي حنا بتلشنا بينكم يــــــــا الغاليات لحظه وجاها الدور وقلـت تفضلي لاتغضبي مـــن هرجها لا تزعلي الحق يعلــــــــــى والحقيقه تنجلي وش ذا المشاكل بينكم وانتم خوات السفور الحضريه قالت بــــــــراقعهم نسينا دورها والا زمنهـــــــا ونتها جمهورها حنا البدور الـــــــي تجلا نورها يشرق ضوانا فا اليال المظلامات حنا على المكشوف والعالم تشوف اما البراقـــــــــع ياحكم غشولوف مافيهم الــــي كاملاتن با الوصوف الا عيونن من البــــــراقع طايرات حنا بنات الحورربات الجمال الي تغطالاتغـــــرك با الخيال يقع بهم دايم غشيمين الرجال هذا صحيح القول والعلم الثبات قلت انتهاالموضوع والحكم استوى جميعكم بلوا على أصحاب الهوى عزالله انـــــــا لو جمعناكم سوى بنات حـــــــــــوى كلكم متكاتفات الحكم لاتخدعونا با المشاكل والخصام نعرف ســـــولفكم ونعرفكم تمام كلمه صريحـــه قلتها عند الختام تزاعلون اليوم وبكره راضيات تزاعلون اليوم وبكره راضيات |
لازم نغير الروتين مانبيه يكون متسلسل دايما اليوم موضوعنا عن خطبت محشش محشش راح يخطب عند ناس لما طق الباب طلعله راع البيت وقلطه دخل في موضوع الخطبه ع طول المهم قال أبو البنت لازم البنت تجلس معك وتسولف معك حتى تعرف طبيعة اخلاقك المهم طلع في الحوش والبنت معه وواخوها الصغير معهم ماودي أطول الحديث المهم جات البنت ابوها قالت الولد تمام بس فيه عذروب واحد يعلك او يعلج علك راح أبو البنت للولد وقال البنت تقول فيك عذروب تعلك طول مانت معها قال لا انا معلك الا صرت مادخن قال أبو البنت اثرك تدخن وجاي تخطب عندنا والدخان محرم قال لا انا مادخن الا لاصرت مع الصحاب حقين السجن قال اثرك لك الصاحاب سجون وتبيني الزوجك وش خلاك تصاحب اهل السجون قال كنت مسجون معهم قال أبو البنت واثر ك رعي سجون بعد وتبيني ازوجك قال أبو البنت وش قضيت سجنك مخدرات قال المحشش لا قال أبوالبنت اجل وش قضيتك قال خطبت من واحد بنته ورفض وقتلته قال أبو البنت خلني اشوفلك البنت ممكن تقبل راح لبنته وقال يابنتي اشوف العلك مافيه شي اخذيه وتكلي ع الله هههههههههههههههههههههههههههههههه فكه منه |
موضوعنا اليوم عن قصه قديمه كان فيه رجل له 3 من الابنا وكان له اخو متوفي له بنت وبعد وفاته قام بتربيت البنت عمها وعند ماكبرت البنت قال لها عمها يبنتي شوفي عيال عمك 3 اختاري منهم واحد الي يناسبك وزوجكياه فقالت البنت لعمها خلاص كل يوم يسرح معي واحد واختبره يسرح معها يعني يسرحون الماشيه مثل الابل او الضان للمراعي من حولهم وفي اليوم الأول سرح معها الأكبر وكان بطرف المرعى شجره كبيره وممتليه با الشوك وببعض النباتات تحت ظلال الشجره فقالت له يافلان روح لشجره وشف لنا مكان نضيف تحت ظلال الشجره يظللنا عن حرارة الشمس ثم ذهب لشجره ووجدها غير صارحه للمقيل لكثرة الشوك وبعض النباتات رجع لها وقال مافيه مكان قالت خلاص مانبيها رجعو للهل عند المغيب ومن اليوم الثاني سرح معها الثاني ثم قالت له مثل ماقالت لاخيه الأول وذهب لشجره وقام بتبحيص مكانه فقط وجلس تحت الظل ثم ذهبت له وقالت انا مالي مكان قال لها فعلي مثل مافعلت انا قالت لا مابي وعادو لهلهم وفي اليوم الثالث سرح معها الصغير الثالث وقالت له كما قالت لخوانه وذهب لشجره وقام ببحص جميع ماتحت ظل الشجره وقطف من هدب الشجره وفرش المكان وناداها تظللو عادو لهلهم وقالت اخترت فلان الصغير انتهت القصه التمنا مامليتو من طول القصه |
http://www.sahab-alkher.com/vb/uploa...1384976279.jpg ماجمل تلك الجو ولوحته المضيه والموجهه لسالكي الطريق ماجملك يا الحدود الشماليه دايم والربيع يزهاك دايم اجواك غيم وممطره |
http://www.al2la.com/up/uploads/imag...a22e5a99f5.jpg وان هذي الوحه الجميله والمميزه تشرفني بما تحمل في قلبها من اسم انسانه عزيزه ع الجميع عامه وعلي خاصه وانني اقدر هذا المخلوق بما يتحلى من صفاة حميده واخلاق عاليه وقلب طيب وحنون وقيل من حبه الله حبوه الناس والا لم نعرف هذا المخلوق ولم نقابله ولكن من خلال مخاطبته معنا عرفناه وكذالك من خلال مواضيعه التي لها دورها المميز في هذا الصرح الجميل وقالو القلوب شواهد أحيان تشوف شخص وتجنبه دون تحكي معه وهذا دليل من إحساس القلب ومشاعره ان هذا الشخص غير انيس وغير خلوق وفيه انسان يطيح عليه قلبك قبل تحاكيه عبر الوسايل المراسله وبعد ماتخاطب معه القلب له إحساس ينبض ويرسل ويستقبل وكذالك العين لها دور مع القلب هي الكيمره التي تصور للقلب ويشوف عبر الفلاش المصور من العين للقلب معليش طولت الموضوع عفون استنسخت هذي الوحه من مدونة امبراطورة البحر دون اخذ اذن منها ولكن لطيبة قلبها جعلتني امون واسحب هذا من مدونتها دون اذن منها والتشرف بهذي الوحه وما بداخلها من اسم فخم ومشرف للجميع |
لابليت حــــــزتــــــن مــادبردها الهبوب في فوادن حـــل فـــــــي جوفه الهم وكله الديار وســاع المرجله فـــــــي كل صوب من يصاحـب صاحبـن مــايقــــــدر منزله والهروج العوج مانـــــي عليها بمغصوب مالنا مع راعــي المنطق الــــــواطي صله صاحبن ماهوب ف ساعة الضيق محسوب لا عرفت أقصاه مـــــن موقع الصحبه شله |
اخواني اليوم موضوعي مختلف شوي وان شالله انه مفيد اخوي العزيز اختي العزيزه الدنيا فانيه وماعليها فاني الانسان فاني والاكن الاحسن ان يكون خاتمته طيبه من جميع النواحي في اخلاقه مخاطبته لاالنااس لسانه رطب بذكر الله ويكون لاالناس الفاضه طيبه الانسان له سلاح مهم في حياته والابد ان يجيد هذا السلاح لكي يحميه وهو سلاحين مهمين في حيات الانسان والسلاح ليسى با البندقيه او الرشاش والا السكين لا سلاح الانسان القناعه والثقه با النفس ومن يفقد هذا السلاحين يخسر الكثير وقد يخسر في حال من الاحوال حياته وهذا عند ماتخاطب الناس تجد الكثير من الغلطات تواجهك ويحتم عليك الامر والموقف استخدام السلاح والاكن ماتستخدم البندقيه او السكين لمواجهت الناس لا استخدم القناعه انك مقتنع وواثق من نفسك لست بجابان وان ماتلفضو به ليسى فيك واعرف ان مواجت الغلط باالغلط لايحل مشكله بل يزيدها تعقيد وتوتر فا الانسان العاقل يستعمل عقله وقناعته وثقته بنفسه ومن دواعي الثقه والقناعه الصبر ان الصبر جميل وفيه فرج من كل كربه ليه سمو جاهل لن الانسان الجاهل يجهل كل الأمور ويتخبط في الفاض غير لايقه والا يحسب العواقب ثم يطيح في نفس المثل جاهل مثله يماليه با الغلط حتى يتوتر الموقف ويتطور يلا درجت القتل وفيه ناس يتنفرز من أي كلمه سوى مقصوده او غير مقصوده ولكن دايم الانسان العاقل يستخدم عقله وثقته وقناعته لتدبير اموره وحل المشكله التي تواجهه من السفاها والجهال واما حلها او ظهر منها بسلام معليش طولت شوي ولكن التمنا انها تفيد القاري |
اليا تعلوينا علـــــى راس مــاطال حســـــادنا لاعلهم مـــــــــــايقلون حنا مــواقفنا عظيمات وجـــــزال يعطونها الجــحـدان والا يقــرون نقلط علــى القاله مقاليط الابطال لاقامو الخبلان عنها يحيــــــدون والهرجه الــــــي مالها قيد وعقال هي تعقب والـــــي وراها يعقبون لاصار مصدرها من افواه جهال رفع القلم عن كل جاهل ومجنون دنياك لاعابه علــــــى عدد احبال دندانها يبحث خفا كل دنـــــــدون ترقص على سبرنق حطاط شيال كرســـــــيها دوار مثل الدرقسون تضيع فيها ضرب الارياوالامثال مرفتاه ومر تعكز على شوووون فيها المغانم والمظالم والاهوال اشوفها من عرض ناسن يشيفون |
http://www.al2la.com/up/uploads/imag...ee1266ae0d.png هذا المنظر الرائع والمميز ويوحي في جماله برمز الكرم اكتبسته او سرقته من مدونت الفنانه والعبقريه الامبراطورة البحر مدونتها مميزه وتعجبني وعجزت اجيب مثلها وهذا المنظر احبه كثير انا لنه يرمز للكرم والا صاله والاكني لجيت لاسرق منها ولو ماني سروق بس روعته جبرتني اللجا لسرقته منها ولكن هي معروف بطيبت قلبها لجميع الأعضاء وهذا خلاني التجرا والسحب من مدونتها لكي اميز مدونتي والان اعتبر مدونتي مميزه بهذا |
خلقت با الدنيا مامعي شي و أبا اروح منها مامعي شي منها سجه مع الهاجوس طبيعتلي طبيعتن با اموت ما جزت منها خلوني اكرم في حياتي وانا حي ولامت مدري جثتي من دفنها |
صحصح صحيحن بناصحن ينصحك صح وخلك خليلن مـــــــــــــــــــــــايخلي خليله وخلك كريمن لاقسا الــــــــــــــوقت اوشح ولانويت تمد مـــــــــــــــــــــــــــد الجزيله وحذراك لاتخطـــــــــــــــي بكلمه وتجرح ترى الانسان دايم لســـــــــــــــــــــانه دليله وختار مـــــــــــــــــن وياه تضحك وتمزح لابتلش بهـــــــــــــــــــــــــل النفوس الثقيله الي علـــــــــــــــــــــــى الزلات كنه مشفح كنه يدور زلتك فــــــــــــــــــــــــــي شليله هذا مريض أعصــــــــــــــــاب خله وريح لاتقربه وبعد بيت وســـــــــــــــــــــــــــيله خلك مع الــــــــــــي صحبته صدق تشرح خاطرك لمن صـــــــــــــار با الوقت ميله يحزن لحــــــــــــــــزنك وبسعادتك يفرح ويشيل حملك فـــــــــــــــــوق حملن يشيله هذاك لازليت يــــــــــــــــــــدمح ويسمح صعبن تلقا فــــــــــــــــــــــا الخلايق مثيله اقولها من قلـــــــــــــــب صادق ومنصح وراع الجميل اموت مــــــــــا انسا جميله |
http://up.n4hr.com/uploads/1439672264121.jpg ريحوني يا ماكثر الكلام السوالف لايطول اجدالها بيننا مع السلامه والسلام واتركو مشاعري في حالها هي تواجهني ع حسب النظام فا الحياه أنواعها وشكالها فا المواقيف العظيمه والجسام صنفتني رجل بين ارجالها التقدم ماعلي من الزحام لين احط النفس في منزالها وان بدت قدامي أبواب انتقام امنعتني قبل افك اقفالها وختصار السالفه لي حول عام ماتلفت للعرب واقوالها كل اموري من فضل ربي تمام طيبه ف اقفايها واقبالها والهوى ماهو عيب والا حرام والبشر توخذ بسو اعمالها الهوى كتله محبه وا حترام بين روح وروح يا عذالها استقام الحال والا ماستقام فيه من جتني وقلبي جالها بنت عزومجد من نسل الكرام ماحدن قبلي شرب فنجالها الوفا في طبعها مثل الوسام والوفا مني مريح بالها في خفوقي مستلذ الها المقام كن ربي ماخلقه الا الها اكتب لها وا التذكرها وانام وأول حروفي على سلسالها |
بس اشـــــعليكم مني وشلكم بــــي وبفني يمكن مجبــــــور اغني لو ماهــــــــي طبايعنا يمكن اكثركــــم سالي مايعرف شي عن حالي وانا الشــــــــــر يعبالي في حــــــال ومنه ضعنا |
يامتلف الروح ســـــــدي باح من عشرتك ويش مصلوحي حبك ذبحني بدون الســلاح قلبي من الغبن مجروحـــي لــولا الحيا كان اصيح صياح أخاف تلحق علـــــى روحي تليتني تـــل دلـــــــــو ارماح ياكامل الـــزين مســـموحي راع الهوى لـــــو يبي يــرتاح ماهوب لايسمع والا يوحــي ترى الهواى فيه زرق ارمــاح ماهو ســـــــواليف ومزوحي |
لو نلتفت للكلام الي على الفاضي انكان مبطي كبود الناس من دبله ثنتين ماغيرن فا الوقت مركاضي الكلمه الناقصه والهرجه الخبله الخبل يغتاض مثل الورع يختاضي وتكرم لحانا عن الي قاصرن سبله كلن بعقله على قول المثل راضي وبا الطيب كلن ماوده واحدن قبله خلك على زلت الاصحاب متغاضي الي يبا الطيب والنوماس يتعبله مايرضي الناس غير الشرع والقاضي والا يفرق الناس غير مقرقع الطبله الي يسولف بخلق الله والاعراضي الله يقطع نمــــــــاه وينقطع وبله لو الحسد ينقطع من بد الامراضي حيث الحيا ينبت القيعان والعبله حل المشاكل يبي فتال نقاضي والكذب حبله قصير وينقط حبله سج القدم والفجوج وساع وعراضي في خايعن سبلت بفياضه الربله ونكان مانته هجاج والانته ارياضي تبا تشوف الفجوج الضوق من الدبله العمر مره يا ليت الناس تعتاضي والموت ماعنه يحسبلك وتحسبله لمحت بصر كنها البراق لاناضي عساني اموت وانا ساجدن قبله |
يا بنت انا قلبي ترى دونه ضلوع عزمه قوي يصبر على كل شده وشلون خليتيه يمشي معك طوع وهو على ممشن معك ويش حده يا الفاتنه بعتيه من ثاني السبوع وجازيتي الحب الحقيقي بصده الله يروف بخافقن منك مفجوع والي خذيته يتلع الجيد رده لا بارك الله في غرامن بها النوع الي يجي ويروح فا اقل مده ترى الهوى بين المحبين مشروع شيئن عمرته لا تعود تهده حنا قبل نبدا دخلنا بموضوع منه العهد على الوفا والموده |
اما تجي بحراج وتروح بحراج والا تثمن جيتك وتحشمها خلك عزيز النفس في كل منهاج ون مرتك فصرة زمان اغتنمها من لارقا في بيض الأيام الأبراج سود اليالي داسته في قدامها الجهل غدرا ليل والحكمه سراج والخلق اشاره والمنايا سهمها والضيق سجن البال والسجه افراج ون ضامتك خطوا المقاريد ضمها المرجله لو طالها كل هراج رخصت فعايلها وقلت شيمها لو الرجال تقاس با البشت والتاج مانفرق شيوخ العرب من خدمها من جرب الحاجه عذر كل محتاج ناسن عطاها الله وناسن حرمها وقتن يهيج وصطفق مثل الأمواج نبني الاماني والضنون تهدمها |
ياموتري لاعاد تمشي على الهون خلك على ال 200 ورج السلامه فا القلب مشهابه وفا الكبد غليون والبال ماهو خالي من العسامه وانا معي عجله وضيقه وقيلون تحول دون الشوف مثل الغمامه ماني مستانس والاني بمغبون لكن لاتنشد سايقك وش علامه لايذن المذن على الي يصلون الا ورا البطحا وبو ظبي امامه كب الكباري كلها لين ماكون في حيد كبرين عليه العلامه اخذ المخارج لانحنا الخط وتمون على الاشاره كان جات بغرامه لون في ظهرك مخاليص وديون ياموتري ماني بويا الملامه كني من البارح عويدن على شون مابان فيه من الزمان انهزامه يدي مابين المسبحه والدرقسون والي طرالي راعي قدر وكرامه |
كم انسان جريح ولكن يكتم الجرح حتى تموت كل الجروح دون يعلم عنه احد وانا كذالك كم كتمت من جروح خافيه وسباب الجروح اخفيها لكي لايطلع احد ومن ثم يزيد الجرح جرحين ياماكتمت ويا ماخفيت من اشيا كثيره ولكن الكتمان له اعراض خطيره ولكن مافيه رفيق تثق فيه حتى تتمكن من فضفضة همومك له صحيح الصحابك كثيره ولكن في وقت الرخا ولكن في وقت الشده لم تتمكن من احد منهم كلهم يفرون عنك |
تعال كفكف دمعت العين فا العين قدام لاتغرق دموعـــــــي مدينه وانت السبب فيها من اول وذلحين انا سجين الحب روحي رهينه |
اشكر كل من اطل ع مدونتي وشرفني با المرور كم هو جميل عند مايتصفح مدونتك أي انسان سوى صديق لك او غير ذالك وتنتابك شعور السعادك عند مايشعرك برساله شكر على مانثرته في مدونتك ويحسسك با انه استمتع بمواضيعك داخل مدونتك وهذا شعور جميل وانني اشكر جميع من تكرم واطل بمروره العطر من هنا |
آمر تدلل بس لا تطلب الشوف * وشلون اشوفك وانت ماخذ عيوني |
روحي لخلي يا حمامه وسرعي قولي ترى ماله بقتلي منفعه يسرع بوصلي قبل الاقي مصرعي امانته حبل الوصل لايقطعه سكرت عن قول العواذل مسمعي حتى ولو قالو كلامن مسمعه |
| الساعة الآن 07:27 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا