07-31-15, 12:33 AM | #1 | |||||||||||
|
مظلومين
السلام عليكم ورحمه الله وبركاته بدخل في موضوع على طول الحمدلله اهلي عايشين وعندي 5خوان و3خوات وعندي عم واحد الله يرحمه ومعه عيال اكبر واحد تقريبا عمره 20 ولسه يدرس في الكليه المهم المشكله في اهمال ابوي هو دايما يهملنا يعني كل يوم مايجينا الا بالليل ساعه 10 وساعه 6صباح يروح دوام وطول وقته يكون برع البيت لانه معه نياق ومسوول عنهم ع العلم انه هو الولد الوحيد لجدي وجدتي بين 4بنات بعد وفاه عمي اهل ابوي مايحبونا ومانعرف وش هو السبب امي دايم ماتقول شي عنهم وماتذكرهم الا بالخير بس اخر فتره سمعتها تقول ان عماتي يكرهونها مع ان امي تكون بنت عمهم دايما يعاملوها كانها غريبه هذا زمان لما كانوا عايشين مع بعض والحين نحنا عندنا مكان لحالنا وهم لحالهم وابوي طول يومه عندهم اهمال ابوي وصل لدرجه انه مايصرف علينا الا نادر الاعتماد كله على اختي الموظفه حتى مصروف المدرسه والمطبخ وملابسنا عليها طبعا اختي تحملت الغربه عشان تدرس وترجع لنا وتتوظف اخوي الكبير عمره في ثلاثينات عاطل وعازب ورفض يتزوج الا بعد مايتوظف والحين رح يتوظف حارس مدرسه وكان يبي يتزوج بس بيتنا مايساعد صغير واذا اجا المطر يدخل علينا لان بيتنا سقف مو مثل البيوت هذي الموجوده لا بيتنا سطحه مدري وش يسمونه المهم انه مو طابوق وكذا هذي الاشياء ماعرف اساميهم المهم اخوي قال مستحيل ابوي يبني لنا وراح باع ارضه والفلوس ماتكفى عشان البيت فكلم ابوي عشان يساعده وقال لاتستعجلون انا مارح اسوي شي الحين وطبعا الحمدلله ابوي معاه فلوس بس اهتمامه الاكبر في عيال اخوه المرحوم واجانا البيت مره ومعاه خارطه بيت ومو اي بيت لا بيبني لهم بيت دورين ولاتقولوا اهم مساكين مو كذا امهم شيطانه ومعاها فلوس كثير لان بعد موت زوجها الناس تعطي وتتصدق وزوجه عمي حقوده وتكرهنا ودايم يجتمعون لحالهم عماتي وبناتهم وزوجه عمي وخواتها كانهم عايله وحده وكاننا غريبين عليهم مايكلمونا ومايعاملونا زي العالم يكرهونا وماندري وش السبب والله العظيم مره في المدرسه جاتنا عشان في حفله تكريم للطلاب الاوائل ولقتني في الممر وانا سلمت عليها وسالتني وش جبت ترتيب قلت لها انا الاولى اقسم لكم بالله انها شالت عيونها عني ولون ووججها تغير مدري وش ذا الوضع نحنا نبي ابوي يحسسنا انه ابونا يهتم فينا يقعد معانا يشتري لنا ويعيشنا في بيت حلو زي الاوادم كفايه امي شاايله كل شي بعد اختي والله حتى انها اضطرت تبيع ذهبها وغنمها عشان تشتري سياره لاخوي وابوي لسه يدلع عيال اخوه وللمعلوميه اهتمام بعيال عمي مو بس بعد وفاته لا قبل وفاته كمان كثير مواقف في بالي بس لو اكتب مارح اوقف تحياتي | |||||||||||
|
07-31-15, 12:44 AM | #2 | |||||||||||
|
تخيلووووا بعد درجه الوقاحه وين وصلت زوج عمتي اخت ابوي راح وكلمه قاله ايش رايك نخطب لك اخت زوجه اخوك اللي هي تكون اخت زوجه عمي قاله عشان يجون عيالك رجال كفو ومن هالحكي عاملين كانه اخواني ماهم برجال اخواني اذا راحوا لبيت جدي يستهزون فيهم ويستصغروهم لدرجه انهم مايحبون يزوروهم | |||||||||||
|
07-31-15, 01:55 AM | #3 | ||||||||||||
|
وعليكم السلام ورحمة الله وبركاته مدري وش أقول !! بس مالكم الأ الصبر والأكثار من الدعاء والأستغفار ،، وهذا يبقى والدكم وملزومين ببره و تقديره وأحترامه مهما حصل،، كثير أباء يبتعد عن مسؤليات بيته وينشغل ب أمور آخرى حاولوا أنتوا تكونوا عائله وحده وتوقفوا مع بعضكم والله يهونها ويرزقكم من واسع فضله والله مايضيع عبآده ... | ||||||||||||
|
07-31-15, 02:28 AM | #4 | ||||||||||||
|
الله يعينك ويصبرك .. انت لازم تجتهدين ... عسب تاخذين بعدين وظيفه زينه .. خذي من الي. يصير درس ... لا تلتفتين لهم . . يتكلمون عنكم بسوء قولى يا مرحبا بالحسنات كم شخصيه سمعنا عن حالتهم الماديه وكيف الناس يتكلمون عنهم بسوء وبعدين الله فتح عليهم ابواب رزقه احسنى الظن بالله ... وترا بعد العسر لين .. وسعى صدرك | ||||||||||||
|
07-31-15, 02:46 AM | #5 | |||||||||||||
إداري سابق ونجم من نجوم الموقع
|
الله اعلم ان زوجة عمك الله يرحمه عندها ارث كبير وأبوك يعلم به ، او ان أولادها يسعون لمصالح من أبوك لانه طيب وعلى نياته ولا تستبعدون في يوم يفاجئكم ابوكم بخطبت مرة عمك والزواج بها لان المصالح الشخصيه فوق كل شيء فلهذا لا يعقل ابوكم يهتم بهم كل هذا الإهتمام بدون سبب ولكن يا اختي العزيزه حاولوا تغيرون نمط حياتكم مع والدكم بأي شكل من الأشكال ، حاولوا تحسسونه بأنه أبوكم تحترمونه وتسلمون عليه وتهتمون له في كل شي يحتاجه حتى امك قولي لها تعامله معاملة زوجه تحبه وتقدر حياتها معه بدون اشمإزاز وتظمر وبلاش منه اختلاق المشاكل معاه او ماتكلمونه اذا رفض لكم طلب لان بهذي الطريقه راح يبتعد عنكم ويلتفت لغيركم حتى يحس برجولته اتمنى لكم التوفيق وحياه سعيده | |||||||||||||
|
07-31-15, 08:00 AM | #6 | ||||||||||||
| وعليكم السلام لا تزعلي من كلامي لاني لا احب المجاملات والمثاليات الزائدة باختصار ابوك ظالم وحلال الدعاء عليه !!!! اقول لك لماذا لان كلكم راع وكلكم مسؤل عن رعيته وعلى حسب كلامك ان ابوك ظلم اختك وتركها هي تصرف على البيت وهي مغتربه وتدرس وظلم امك لان تركها تضطر تبيع ذهبها وغنم عشان تشتري سيارة رغم انه يقدر هو بنفسه يشتري سيارة لاخوك بدون ان يخلي امك تبيع ذهبها وظالم ايضا وغير منصف لانه متخلي عن رعيته ومتخلي عن مسؤليته ومصروفه عليكم وحرمانكم و يتقرب لارضاء الغير الي هم ابناء اخوه ممكن عشان امهم عندها فلوس والله اعلم !!! لايوجد اب منصف وعادل يحرم اطفاله فلذة كبده ويعطي الناس اما يعامل الجميع بسواسية او يمسك نفسه الظلم ظلمات وانتم اولى بالمعروف من غيركم سوف ياتيه حسابه و الله شديد العقاب مالكم يوجد فيه غير حلين الحل الاول هو الدعاء اما عليه او الدعاء له بالصلاح وان يعطيكم حقكم وينصفكم ويلبي طلباتكم واحتياجاتكم والحل الثاني تواجهونه وتقولون له كل الي تحسونه داخل كلكم في قلبكم وتحسون ان السبب عشان زوجة اخوه الارمله عندها فلوس كثير وانكم تحسون انه يتقرب لها لأجل فلوسها ! تحيتي لك .... | ||||||||||||
|
موضوع مُغلق |
مواقع النشر (المفضلة) |
| |
| أصدقاء منتدى مسك الغلا | | |||||