مشكلتي زوجي
 

السلام عليكم ورحمة الله وبركاته

انا متزوجة ولد عمتي عن حب وولد عمتي مشاءالله عليه شخصيته قويه ويحبني وانا احبه

المهم يوم تزوجنا حسّيت بدا يتغير اشوي يعني مب زي اول الحين يغار علي بزياده

يعني مثلا أكلم امي يدخل علي ويحقق معي يعني مع من يكلمك زي كذا

ويشك فيني صار شكاك وكل مااقوله ليش يقول لأَنِّي احبك طبعا هو عصبي

ياكثر مايعصب علي وثم يرجع وانا بصراحه زهقت منه ومن تصرفاته معي

تغير ميه وثمانين درجه وطبعا انا ساكته ولا قلت لأحد ولا شكيت لامي

ساعدوني وش اسوي احترت معه بصراحه

شوفي أي وقت يكون فيه رايق وييسولف ويضحك وتكلمي معاه بحب قوليله وأشرحيله وهو راح يفهم ..

وهو لو ماكان يحبك ماكان خاف عليك .. يعني صحيح الواحد المفروض مايزودها ...

بس زي ماقلتلك شوفي الوقت المناسب وجيب الموضوع بضحك وسوالف مو تعصبين

وكذا ..

ربي يوفقك ويهنيكم ببعض ^^

لا حول ولا قوة إلا بالله

مشكلة زوجك ماهي غيره . خلينا نحط النقاط على الحروف .

هاذي التصرفات مالها دخل بالغيرة . إنتي بنت عاقلة وفاهمة سبب تصرفات زوجك .

يعني الحين لو قلتي السلام عليكم للدريشة راح يقول أغار؟

أسمحيلي أقول بكل حزم زوجك وضع حجر في طريق الود الزوجي اللي بينكم وإذا ما أماط الحجر عن الطريق راح يجي يوم ويصير الحجر سد .

أذكر قصة رجل يمنع زوجته من أقرب الناس لها وإذا راح الدوام يسكر الباب بالمفتاح وفي يوم من الأيام قالت له زوجته اسمحلي استقبل أختي في البيت .

فعلا أتت البنت ودخلت وطلع الزوج وسكر الباب ولما وصل السيارة اتصلت عليه وقالت : هذا أخوي جاي عندنا لابس عباءة . أنا لو بغيت أخونك ماراح تقدر تمنعني ولكن بغيت أخبرك أن شرفي يهمني وشرف أهلي أحفظه وشرفي من شرفك وما راح أفرط بشرفك فلو سمحت اللي تسويه ما يقبله إنسان محترم والحين القرار بيدك .

يا تطرد عنك الوساوس ونعيش الحلوه والمره بثقة يا هذا أخوي قدامك يقدر يعيشني العيشة اللي عشتها بكرامة عند أهلي.

الزوج قبل راس زوجته وقال عداكي العيب وانتهت القضية .

أعتقد وصلت الرسالة .

إسمحي لي أختي
مو شخصيته قويه الإ قولي هذا واحد متسلط ومريض
أنت إفرضي شخصيتك ولا تكوني ضعيفة ناقشية بالتي هي أحسن
، بيني له أنك لا تسمحين لأحد أيا كان أن يشك بتربيتك وأخلاقك وأن هذا الأمر يزعجك كثيرا
من منطلق أن مالا ترضاه لنفسك لا ترضاه لغيرك
وإن لم تجدي معه نتيجة فأخبري عقلاء العائلة أن يتدخلوا في الموضوع بطريقة لبقة وحضارية
أما إذا أستمر بنهجه وأسلوبه معك على هذا النحو فأخبريه أنه قد تتعذر معه الحياة
قبل أن تتورطي بالإنجاب منه ويقع الضرر الأكبر على الأبناء
هذه نصيحتي لك أتمنى لك التوفيق ،،

اختي الشك مرض صعب ولا له علاج
ولاكن خذي بللين وبالرواقة والكلمة الطيبة
وان شاء الله بيتفهم الوضع
دامة يحبك