ساعدوني اقبله ولا لا تقدم لي شخص صفاته تجنن وشكله وسيم مرا ووظيفته حلوه وعمره قريب مني ومكمل دراسه برى ويعرف لغه زين ماشاءالله لكن فيه كم شي مخليني محتاره فيه هل اوافق او ارفض وياليت تساعدوووني هو متفتح تقريبا ومن عايله متفتحه يعني يسافر هو وخواته وهم يكشفون الوجه ويلبسون اللي يبون ووحده من خواته تدرس برى بلحالها وتسوق بعد امه طبيبه وتكشف وجها بعد واخته الثانيه طبيبه يعني كلهم بمجل اختلاط ماهو بملتزم يعني ابوي ساله تصلي بالمسجد قاله مرات بس اني اصلي فبيتي الحمدلله ويجاوب وهو واثق بنفسه يعني كنه مو على غلط يقول اصلي باي مكان لانه ربي موجود بكل مكان هو محترم واخلاقه حلوة بس خايفه مايناسبني لان عايلتنا العكس وابوي فارض علينا الغطوه اما هم العكس اخاف مايناسبني واتورط والشي الثاني انه يعمل بمجال اختلاط مع بنات وانا غيوره مدري بستحمل او لا وعادي بعد يقعد مع قريباته هم كذا عايلتهم طبعا امي جابت المعلومات ذي امي تقول لاتقبلين لانهم فري وحنا ملتزمين واجد ابوي تارك القرار لي وانا محتاااااره وصليت الاستخاره ولا داريه والمصيبه الثانيه انه مصر عالشوفه الشرعيه واضح يبي يتعرف قبل الزواج وكل خواتي تزوجوا بدون شوفه وش رايكم ارفضه ولا اقبله اخاف لورفضته يجيني الاسوأ منه مرات اشوف انه مايتعوض ومرات اخاف اخاف يخليني اكشف غطاي وانا ماابي واعيش فبيئه مخالفه وتصير مشاكل بينا انا عمري 28 وهو 30 |
اقتباس:
|
خليه يشوفك اول الشوفة الشرعية يمكن تعجبه ويمكن لا ثم بعدين النقاش الثاني يمكن مع الوقت البنت تعدله |
السن مناسب بينكما والرؤية الشرعية مطلوبة نصيحتي لك تتمثل في : من ماشا المصلين صلى ومن ماشا المولين ولى إحرصي على الرجل المتلزم بشرع الله |
أختي الكريمة القرار بيدك إنتي . الرجل من ناحية التقصير في أمور الدين فهو مقصر كثير ولكن إذا كان متفهم وقادر يعدل وضعه للأحسن فهذا خير وبركة أما لو كان يترك الصلاة وركزي على هذه الكلمة . لو كان يترك الصلاة عمدا ويقول أنا أصلي في البيت وهو لا يصلي فلا توافقي مهما كان شكله ودرجة رفاهيته لأنك راح تتأثري به وتنجرفي وراح يصير الحجاب والإلتزام عندك مسألة كانت معقدة . الكامل ما هو موجود حتى في المطاوعه ما حد كامل فالموضوع خليه على أركان الإسلام الخمسه . هل الرجال صادق ويحافظ على أركان الإسلام الخمسة سواء صلى في بيته او في المسجد؟ إذا نعم وافقي واشترطي عليه يخليكي بحشمتك طاعة لله ولرسول الله وترسيخا لتربية أهلك ومع الأيام حاولي تكوني اني اللي تغيرهم للاحسن . التشدد مو حل والتراخي غفلة ......خليكي مركزه على الأركان الخمسة لو الرجال يحافظ عليها على بركة الله . الانفتاح صحيح أحيانا يضر ولكن يخلي الإنسان يتفهم ويناقش الناس بعقل والمجتمع فيه الخير أكثر من الشر إذا كان يتقدم لك بين الحين والآخر شاب أفضل منه من ناحية الدين والأخلاق فأنا أشوف تنتظري . مسألة أخاف يجيني حد ما أرتاح معه هذا من علم الغيب وصاحب الدين والخلق ما يتغير بسرعه الله يوفقك |
عائله برمتها غير محافظه ولا يحافظ علي صلاة الجماعه !! نصيحة من اخت لك بالله لا تعرفينها ولا تعرفك ارفضي ولا تفكري كثير والله بيعوضك اخير منه |
من رايي بدوون هذره زايده ارفضي وربي يعوضك باللي احسن منه |
صلي الاستخارة و اجعليها هي اللتي تقودك... و سلمي و وكلي امرك لله... و تذكري دوما .. ان رفضتيه بسبب نقص من الزوج بخصوص امور شرعية او بالاخص واجبات دينية.. من ترك شي لله عوضه الله خيرا منه.. انت استخيري و انتظري الاحداث.. و ضعي شروط.. اذا تمت الزيجه.. |
وعليكم السلام ورحمة الله وبركاته اختي اقراي ردي بعقلانية وتركيز واتركي مشاعر قلبك اقتباس:
|
لو بس قال اصلي بانتضام فالبيت كان قلتلك تزوجيه ولكن كلمة احيانن تدل على قلّت صلاته فكلما قلّت الصلاه قلّت غيرة الدين وزاد الفحش في المرء فكيف بالله عليك ان من لايغار على دينه سيغار عليك ويحميك خليك حكيمه واقري بداية سورة الافك وتمعني الايات واربطيها مع وضع هذا الشخص ووضعك واحاديث تارك الصلاه وصدقيني بدون استخاره بتشوفين الجواب اوضح من الشمس في وظح النهار اخوك قيس |
لا هو يصلي بالبيت بانتضام انا قلت احيانا على المسجد لكنه يصلي بيته كل الصلوات |
شوفي اختلاف البيئي والفكري مشكلة حقيقة وخاصة أني ألاحظ فرق كبير ما بينكم كبيئة اجتماعية .. أذا أنتِ متقبلة وعندك إمكانية مستقبلا تحتوين الاختلاف وتحترمين طريقة حياة اسرته من دون انتقاص اتكلي على الله أذا ما عندك تقبل أنصحك بالرفض .. والله يوفقك |
الله يكتبلك اللي فيه الخير يارب |
اقتباس:
|
أولا، حجاب والدته وأخواته أمر راجع لهم وشي بينهم وبين ربهم مايصير تحكمين على الناس من مظاهرهم!! الحجاب ماهو إلا بشي ظاهري، الأخلاق هي الأساس يا كم من متحجبة أو حتى بدون حجاب أرقى وأشد إحترام وأجمل أخلاق من مما تغطي وجهها وتتدعي الصلاح اسمحيلي بس هذا الواقع ثانيا، عملهم مافيه عيب أبدا بالعكس فيه أشرف من مهنة الطب ومعالجة الناس؟ + الإختلاط موجود بكل مكان بالأسواق والمستشفيات والأماكن العامة.. أمر طبيعي يعني ثالثا، موضوع الصلاة صحيح كلامه الله بكل مكان مو شرط تنحصر صلاة العبد بالمسجد فقط يقدر يصلي بالشارع حتى صلاته مقبوله بإذن الله الصلاة جماعة في المسجد للرجال فيها زيادة أجر فقط لكن صلاته في بيته جائزة مافيها شي كيف الشوفة الشرعية مصيبة :outhg!: كيف تزوجين شخص ماقد شفتيه!! وتعرفتي عليه :shutup: الزواج مو لعبة أختي لازم يكون فيه تعارف ولا وش مكثر الطلاق ببلدنا غير هالنظام اللي ماشافها ولاشافته :shutup: وبالأخير القرار يعود لك |
هو صحيح .. ( ماخاب من استشار ) ... ولكن حتى تقبل المشوره .. لابد أن تكون من أهل الرأي والخبره .. ردود تعتريها المثالية .. وتنقصها الخبره ... مالكم ومال لأمر الرجل ... حكمتوا عليه .. وعلى أهله .. وعلى دينه .. وعلى بيئته .. وعلى خلقه ... !!!!!! والله أن تركتيه بناءً على تلك الآراء .. فوالله لن يتقدم أحدهم لكِ ... وإن ارتبطتي به بلناء على تلك القناعات ... فقد أخطأتي بحق نفسك ... بالنهاية ... لن يحسم هذا الامر إلا أنتي ... فأنتِ من يقدّر .. إنظري لكل الجنواب في هذا الأمر .. بتمعن .. وتدقيق وتمحيص ....ودعي مايريبك إلى مالا يريبك ... شكراً .. |
غلاتي موضوع الزواج لا تأخذين راي احد غير احساسك وامك وابوك بس وقبل كل شي استخيري اكثر من مره لانك هنا طلبتي ربي يكون معاك ويوجهك واتاكدي لو جلستي تستشيرين الناس اول مين بيخسر انتي سوا مع هذا الشخص او غيره سوا قبلتي او رفضتي ولو استخرتي وماتم لا تزعلين لانه ربي اعلم منك ومننا بالمجهول والمستقبل الله يكتب لك الي فيه خير غلاتي :رحيق: |
اضن انه الموضوع مَ ينحط هنا ك مشكله لانه هذا راجع لك اذا إنتِ مرتاحه او للآ خذي وقتك ف التفكير وشوفي نفسك واذا ع النظره الشرعيه ععآدي من حقه هذا ووو واذا ع حجابك تقدري تكلميه وتفهميه هالشي ^_^ وو بالتوفيق |
الساعة الآن 04:47 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا