بنت عمي وتصرفاتها الي تقهر!
 

السلام عليكم ورحمة الله وبركاته~
كتبت هناء عشان افضفض من شي مضايقني وصرت افكر كثير تعبت نفسيتي مره والمشكله انا حساسه وما عندي ثقه بنفسي .
نخش في المهم يا حلوين انا فتاة عمري 27 سنه غير متزوجه عندي بنت عمي عمرها 31 سنه تزوجت وطلقت ومعها ولدين بعدين تزوجت واحد وتوفى ومعها منه ولد انا صح انخطب كثير بس ماتم الحمد لله .كنت انا وبنت عمي زي الا خوات ونمون على بعض هي ماشاء الله واثقه من نفسها لاكن فيها غرور واحسها شايفه نفسها علي الحين بعد ما توفى زوجها ما شاء الله تقدم له واحد يعني بتتزوج للمره الثالثه ما شاء الله تغيرت صارت تتكبر علي وتقول يوه لو عرفو الناس اني بتزوج بينقهرون وبيحسدوني ودايم تستفزني با الكلام احسها تقلل من قدري وشايفه نفسها علي عشانها بتتزوج وانا لسى طيب الله يوفقها نصيبها .لا وكمان تدخل في لبسي وفي شعري ودايم تقولي ليش اخوك ماتزوج انا فيني مميزات مو فيها وهي فيها مميزات مو فيني بس ما توصل لدرجه انها تستفزني وتبي تشوف القهر على وجهي ودايم تقولي دريتي اني انخطبت كم مره تكررها علي .
وزواج اختي بعد شهر جت مسكتني قالت جمعو فلوس وابيك تلبسين فستان حلو وابيك تطلعين في زواج اختك ملكة جمال انقهرت لاني ما قدرت ارد عليها وش دخلها في لبسي وفي اناقتي والله والله ان لبسي وتسريحتي ومكياجي في زواجات كثيره انها روعه واني ذوق في البس وفي شكلي حتى انا فيني جمال وحلاوه بشكلي بس تقلل من قدري وتستفزني ليش وتدخل بلبسي وتقولي قصي شعرك انا شعري طويل وعاجبني كرهتها لا وتبي تحسسني وتحسس خواتها اني احسدها واغار منها .صرت ما اطيقها ونظراتها فيني نظرات غريبه حتى لما زرتهم في بيتهم تناظر فيني بنظرات صرت اخاف منها واذا شفتها يجيني خوف ودقات قلبي زايده واطلع من المكان الي تجلس فيه بسبب نظراتها .والحين بتجينا في بيتنا ومره خايفه منها اعوذبا الله مدري ليش ودقات قلبي تزيد كلامها يجرحني انهزت ثقتي بنفسي وصرت اشوف شكلي شينه .كيف اكون قويه وارد عليها وما خاف منها .وكل شوي تقولي واو لو تشوفين وحده مدحتني تقصد نفسها وتقولي عنها اني ملكة جمال ودايم الناس يمدحوني .
بتجينا في بيتنا وبتفتح معي الموضوع تدرين انه تقدم لي ناس كثير تدرين انهم بينقهرون عمتي وبناتها اذا تزوجت للمره الثالثه وبتقولي اهتمي بنفسك وقصي شعرك .
كيف اسكتها اذا قالت لي الكلام هذا ما ابيها تدخل بلبسي وبشكلي ابي اكون قويه واوقفها عند حدها .
والله ما انسى كلامها في زواجها الاول يوم قالت لي البسو فساتين حلوه لا تشرهونا كرهتها وسبحانه ربي صرت انا واختي اجمل من خواتها في زواجها وفي لبسنا~
ما ابي اكون ضعيفه ابي اوقفها عند حدها .
للعلم ما ينقصني شي وذوق في لبسي وفي كل شي .
اه نسيت شي لما كانت عندنا في بيتنا بنت عمي سوت كيكه والكيكه طلعت مو حلوه قالت لااختي اني انا الي سويتها وش يدل عليها حركاتها واستفزازها لي ~
لا تقولون اغار منها لا وربي كم قد ضلمتني وغلطت علي وسامحتها ولا اشيل بقلبي عليها ما اقول الا حسبي الله ونعم الوكيل حابه اوضح نقطه انا شعري طويل وجسمي ضعيف مو مره متوسط وهي شعرها قصير ومتينه .
انجرحت منها دايم تشوف حالها علي وحسيت بنقص ليش لاني للحين ماتزوجت وما ينقصني شي بس النصيب ما قد كتب لي ربي ادعولي ..:eh_s(11)::Dl3:

يابنت الناس لا تحطين عقلك بعقل فتاه نضوجها ناقص

الواحد في هذي الدنيا مايأخذ غير نصيبه اللي كتب له

ولكن للأسف الناس مايتركون الشخص في حاله لازم يتدخلون في كل ، حتى الكلمة التي تخرج منا تضل محسوبه عندهم يحلولنها على هواهم ..

عشان كذا يا آنسه بإمكانك تتعاملين مع هذي النوع من البنات بـ ( بالإهمال وعدم الإنصياع )

وتأكدي مع الأيام ستحتار فيك وتضرب لك ألف حساب إن تواجدتي في مجلس هو موجوده فيه ..

سكوتك من البدايه لها جعلها تتمادى معك !
لكن خذيها قاعده هذآ الصنف المتعالي اللي لايرى الانفسه ولاتحدث الا بلغة الأنا
وبس كل شيء عنده أوامر ،،
ماينفع معهم الا " التطنييييييييش وعدم الأهتمام بهم "
وخليها تتكلم من اليوم لبكره "
لاتوضحي لها انك زعلانه او متضايقه
وثقتك بنفسك هي أساس قوتك
هذا الصنف فيه نقص مهم حاول يخفيه
ماعنده الا يستقوى على الأخرين ،،
حاولي تتجنبيها قد ماتقدرين
واذا حاولت تضايقك وتقلل من شأنك وقفيها عند حدها

والله يـ أختنا الغالية يمكن أنتي صرتي حساسه وصرتي ما تتقبلين كلامها وطريقتها

ثقتك في نفسك هي الي راح توقف كل شخص يحاول انتقاصك

والزواج مو كل شي بالحياة

ما أنصحك بالهجوم المعاكس الي ممكن تعتبره ويعتبرونه كل الي حولكم غيره منها

أنصحك بالأسلوب الراقي ولما تقول لك انخطبت قولي لها بفرحه الله يوفقك ويسعدك

عسى الله ان يكتب لك الزوج والذريه الصالحة

.

اصحاب العقل براحه
طنشيها احسن شي ولا حكيتي
احكي معها باسلوبك انتي واخلاقك انتي مو تنزلي من نفسك لمستواها
ما حد بالدنيا باخذ الا نصيبه
وانتي وقفيها عند حدها واعملي حدود ممنوع تتجاوزها لكن باسلوبك انتي

ربنا يرزقك ويسعدك