يا بنت .. والدنيا دروب ومتاهات
ويا كثر من يمشي بدرب .. السخافه

تعالي .. نكتب دامها شعر وأبيات
لو ما على حزن القصايد .. كلافه

نكتب على (صدر الخيانة) .. سهالات
ونكتب على (صدر المحبّه) .. حسافه

وش لك بطول السالفه .. والحكايات
"الحب منهو يجهله .. ما يخافه" !!

أنتي ضحيّة حب .. ما له نهايات
وأنا ضحيّة حلم .. ظالم .. وتافه

من كثر ما صادفت كذب .. وخيانات
أصبحت أحس الصدق كذب وخرافه !!

أمشي وأكابر لو تطول المسافات
ولولا الصداره .. ما كرهت الوصافه

لكنّي .. لا من شفت وسع السماوات
أقول يا ممشاي .. منت بمسافه

اعزي جروحي وأقول التعب فات
بس التعب شوفيه .. بأول مطافه

لو هو بقى في قلبي الميت .. نبضات
ما كان خفّى عن هواك .. إعترافه

قلبي على ضفاف (نهر الهوى) مات
من سؤ حظّه جاه .. (ليلة جفافه)

انتي تبيني أعترف فالطموحات
وانا أخاف الكذب .. والكذب آفه

هذا أنا من ذقت مر الخيانات
وأنا (أحس) الصدق مثل الخرافه !!

يا ليت (لإحساس) المخاليق .. عملات
ويبدّل إحساسي (محل الصرافه) !!

الغاليه امل
من القلب لك الشكر على روعة المرور
وسلمت يمينك على سرعة الرد والتعقيب
لك مودتي وتقديري

هذا أنا من ذقت مر الخيانات
وأنا (أحس) الصدق مثل الخرافه !!

صح لسان قآيلها ..
وسلمت اناملكك ي الغالي ..
لا هِنت يَ آلذوق ..


حَسُوسَآآ ..

حقيقة أنت رائع جدا
بل تملك الابداع والتميز
فلك من قلبي كل الشكر
فان لم يكن ردي يليق
فغدا ان شاء الله اشراقة جديدة
في مكان ما وموضوع ما
سأحاول مجاراة عزفك
علني اصل الى تلك الروعة وذاك الجمال
شكرا لك كل الشكر