غب البحور || بقلمي ||
 

جيت اعبر عن الي في ضميري يدور
قلتها و المشاعر وا صله حدها


يالله اني دخيلك لاتضيق الصدور
ياإلهي و نفسي للهدى قدها


عزمي اليا طلبته عادته ما يبور
اصعب ضروف وقتي وطين خدها


و يارفيقي براكين الغضب لا تثور
الذيابه ماغير الجوع يحتدها


مير حنا نبادلكم بنفس الشعور
والسوالف معاكم طابلي ندها


ان حضرنا كفينا كل ذاك الحضور
يوم بعض الاوادم بيحت سدها


العرب مادفعها الا الجهل والغرور
لين لبست ثيابً ماهي بقدها


الخوي في ذرانا والعدو معثور
والجبال المنيفه ماحدً هدها


طب جرد الصحاري عوم غب البحور
ولد عينك على روس العلا لدها


والله انا معك لاحد يوم النشور
وكل هجمه عنيفه حاضرن صدها


{{ سراب الشعر }}

كفو ونعم
صح السانك

ابدعت

العرب مادفعها الا الجهل والغرور
لين لبست ثيابً ماهي بقدها

//

ياسلام عليك ..! وصف وتصوير دقيق جداً لا يجيده الا شاعر متمكن ..!
. صح لسانك وعلا شانك ..!
كلامات تحمل

صحت ابدانكم اخواني الغالين

وبيض الله وجهكم

على المرور و التواجد الرائع

لا عدمناكم