سوالف أبو عيون ( نقّاد - مدّاح - سلبيات - ايجابيات )
 

سأسترتسل ولن أفكر وأكتب كل ما يمكن كتابته خلال دقائق

حسناً .. لا يمر الوقت على - السعودي - تحديداً إلا ويكون وله موقف أو عدة مواقف

طبعاً هذا إذا لم يكن هو المتسبب فيها لنفس ...

اتصلت : ألو هلا أبو خشم

رد : هلا أبو عيون

- علومك يالغالي .. بختصار ابيك بخدمة
= اصبر يا اخي خلني ارد السلام على طول خدمة وش شايفني فاتح مكتب خدمات
- يبن الحلال مستعجل وش اسوي المهم عندك معرفه في البلدية
= البلدية عاد اللي ذاك اليوم جيتهم وتهاوشت معاهم
- ليش وش فيك عليهم
= يا ابن الحلال ابيهم يصلحون انوار شارعنا ويقولون روح للكهرباء والكهرباء يقولون رح للبلدية شوتوني طفشت وتهاوشت معاهم
- يعني ما تعرف احد فيها
= لو اعرف ما تهاوشت وكان حليت موضوعي
- اجل اقلب وجهك
= دنيا مصالح لو اني قايل اعرف كان ما تعزمني
- قولها اني قليل خاتمه هههههههه
= ماهو جديد

طيب الواسطة الحين ليش لازم في كل تعاملاتنا الشبه يومية وفي كل الدوائر الحكومية
ليش ومتى نتخلص من هالمرض اللي متغلغل في جسد المجتمع ...

لا احد يقولي كل دول العالم كذا طيب حتى لو كلهم كذا ليش ما نصير انموذج ليش ما
نكون الأفضل بينهم مع اني اشك انها متفشيه في الدول حتى القريبة ما ابي اقول الغربية
ولكن روح الامارات اتوقع انها أقل منا بكثير في هالامر ...

المهم انتهت السالفة وباكر لنا سالفة جديدة فتكم بعافية

يا اخ بدر السبهان لو فتحت النقاش في هذا الموضوع فلن ينتهي ,,,
عندنا وبالتحديد في السعوديه اقولها لك وبكل صراحه واسطتك ,,, جيبك ,,,
حتى صديقك هذي الايام ما يخدمك الا إذا كان له مصلحه عندك يعني ما يخدمك بلاش ,,,
ولو تطرقنا لهذا الموضوع راح نروح كلنا في خرائطها ,,,
يسلموا على فتحك لهذا الموضوع ,,,

لا خلا ولا عدم ,,,

هناك من يهمل معاملات الناس ويضرب بمسؤلياته عرض الحائط مع عدم توفير بديل له في مكانه وأن توفر

فأنه يتهرب من مسؤلياته بقوله وبكل بساطه ( مو شغلي هذاك مكتب المدير ) ..! فيأتي المدير ويكلمه ليتنازل ويقوم بعمل

غير عمله ..

نحن مجتمع نخرت الواسطه في مفاصله فأصبح ( الرجل الغير مناسب في المكان الغير مناسب )

وأصبح لايهم أن تكون صاحب مسؤليه وذمه وحرص على العمل بقدر قربك ومعرفتك بأصحاب القرار

فتكون هذه هي النتائج ..

كل الشكر لك أخوي الغالي وينقل لقسم النقاش القسم المناسب .. بعد أذن صاحب الموضوع ..

أحترامي ..

حسبي الله ونعم الوكيل ع كل شخص
يتعامل بالواسطه ..
وش صنبنا أحنا الناس إلي ماعندنا واسطه
نعيش ونجرع الظلم الوحده تتخرج وتجلس
ببيت أهلها سنين تنتظر التعيين
وأصحاب الوساطات شغالين
إلى متى هذا الظلم إلى متى مايكون
فيه رقابه ع الدوائر الحكوميه وأنظمه
صارمه تقمع مثل هالتصرفات