منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   يا حلو صوتك || بقلمي || (https://www.al2la.com/vb/t60748.html)

سراب الشعر 09-02-15 05:22 PM

يا حلو صوتك || بقلمي ||
 
البارحه صـوتـك زهمنـي وفزيت
وجاوبت أنـا نبرات صوتك بلبّيك


جيتك وكـلّي شــوق متقصّد البيت
إيـديّ تأكـلني عـلـى لـمسـةإيـديـك


حاضر وتأمرني وأنا لــ حضرتك جيت
وأنــا أنتظـرك تـقــول ربـّي يحيّيك


وأنا تراني مـن رجال(ن) لهم صيت
وأنت ابتلش من قام يحسب مزاييك


الـلـه و أكـبـر يــوم بالـعـيـن لـدّيت
الـورد و الأزهــار هيمـانـة(ن) فيك


مـن عنـد شــارع بيتكم يـوم مرّيت
نفسي أكـون الـبـاب و إلا الشبابيك


لــو الأمــانـي تـجـلب الـلـي تـمنيت
أبــوك فـي و صلـي يـاليته مـوصيك


و يـا ليتني فـالبيت معـكـم وياليت
مستأجر و نصرف لك آجاركم شيك


و ليتك سـمعت البارحة يــوم غنيت
قلبي سبق صوتي على اسمك يغنيك


يا حلو صوتك لا زهمتك و لبيت
أثـمل على أنغامه و سكر أشافيك


أضيع لا شفتك مــع البـاب طليت
و أفز مـن نومي ليا أوحيت طاريك


ويا زين طبعك لا زعلت وتغليت
أحس هذا الكون كله بيأديك


مهما عملت آنا لــ عينك وسويت
أبقى مقصر فيك ما والله أوفيك


{ سراب الشعر }

رويدا محمد 09-02-15 05:29 PM

يا حلو صوتك لا زهمتك و لبيت
أثـمل على أنغامه و سكر أشافيك


أضيع لا شفتك مــع البـاب طليت
و أفز مـن نومي ليا أوحيت طاريك


سراب الشعر
قلمي يقف عاجزا عند جمال طرحك ماشاء مبدع
راق لي او بالأحرى اسحرتني تلك العبارات
فاقت الجمال كلماتك

تحياتي لك

كلآرا 09-02-15 05:36 PM

كلمات في قمة الروعه والجمال
أسعدني جداً قراءته
الله يعطيك العافيه

تحياتي ...:81:

همسة الروح 09-02-15 09:47 PM

صح لسانك
قصيييده رائعه
ولاهنتٓ ولاهآن الأحساس

عشقشق 09-08-15 01:11 AM

ويا زين طبعك لا زعلت وتغليت
أحس هذا الكون كله بيأديك


مهما عملت آنا لــ عينك وسويت
أبقى مقصر فيك ما والله أوفيك

صح لسانك
كلماتك رائعة
أبدعت اخوي
ربي يسعدك
بنتظار جديدك بكل شوق

نبض القلم 09-08-15 07:46 AM

صح لسااااااااااانك وأعتلى شانك

ذكرتني ببيت يقول :

يا حلو صوتك عليك اسلوب ** شفايفك تنطق اعذوبه


الساعة الآن 01:56 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا